Tɔ́rilɔ 23:3 - Sénoufo Nyarafolo

³ A Balaami 'ki juu Balaki mɛ́ wè nɛ́ jo: «Sa yéri muɔ kakuɔrɔ kaasuʔuro tiʔɛ táanni gè. Mi wè, m'bé sìʔɛrɛ cɛ̀ri. Dùʔɔ Yewe bé pɛn bè pa mi kpàli. Siɛnrɛ dáà wi bé juu m'mɛ́ dè, a ti yē kɛnmɛ ó kɛnmɛ nɛ̄, m'bé ti juu bè tìɛ muɔ nɛ̄.» A wi 'kɛ́ nɛ̀ sɛ́nì tánʔa nyagurugo káà nɛ̄, gàa gī sédali wuʔu gèʔ.

Tɔ́rilɔ 23:3 Iomraidhean Croise

Sélimɛ 22:13

A Birayima 'yiʔɛ yɛ̀gɛ gè nɛ́ sìnbapɔli wáà nyaa nyɛgɛlɛ ní gèle nyárigɛlɛ kákpobile nī. A Birayima sɛ́nì sìnbapɔli cò wè nɛ̀ pɛ́nì wi kpúu kakuɔrɔ kaasuʔuro wi jaa sìndiʔɛ nī gè.

Sélimɛ 22:2

A Kulocɛliɛ 'wi yɛ: «‑Muɔ jaa kɔ́ri wè, muɔ jaa ŋáà nigbe wè, ŋàa wi 'muɔ dɛ́ni wè, Siaga wè, mari waa nɛ́ wi ní Mɔriya tɛ́nimɛ nī bè, kire tiʔɛ nī gè ma sa wi kpíʔile kakuɔrɔ kaasuʔuro, nyagurugo káà nɛ̄ gàa m'bé tìɛ muɔ nɛ̄ gè.»

Sélimɛ 8:20

A Nɔwe 'fali nɛ̀ Yewe gbùʔɔrɔdiʔɛ káà faan, nɛ́ yajuuro dáà dī cìilide dè, nɛ́ yafinide dáà dī cìilide dè, a wi 'tire táà cò nɛ̀ sɛ́nì ti kɔ̀n kakuɔrɔ kaasuʔuro, gbùʔɔrɔdiʔɛ nɛ̄ gè.

Yirile 18:12

Zeturo wè, Misa cuɔ tuu wè, a wi 'yajuʔu káà kpúu nɛ̀ ki kpíʔile kakuɔrɔ kaasuʔuro nɛ́ yanyige suro suʔɔ nìʔɛrɛ Kulocɛliɛ mɛ́, a Arawɔn nɛ́ Isirayɛli liɛlɛ pe mìɛni 'pɛn nɛ̀ pɛ́nì suro lìi dè nɛ́ Misa cuɔ tuu ní wè Kulocɛliɛ yiʔɛ mɛ́ gè.

Leviiyé 1:1

Bè Yewe yaʔa wè baa Kpàlidiʔɛ Kpátaʔa nī gè, a wi 'Misa yeri wè nɛ́ jo:

Tɔ́rilɔ 23:12

A Balaami sí ki juu wi mɛ́ nɛ́ jo: «Mi sì yɛli lé bèri Yewe siɛnrɛ tire yákuɔ nyuʔ, dàa wi 'le mi nyuɔ nī gè lé ?»

Tɔ́rilɔ 23:15

A Balaami 'ki juu Balaki mɛ́ wè nɛ́ jo: «Te báan ma pa yéri kakuɔrɔ kaasuʔuro tiʔɛ gáà nī gè, dí mi sí kɛ́ bàa Yewe kpàli wè.»

Tɔ́rilɔ 23:2

A Balaki 'ki kpíʔile gàa Balaami yé juu gè. A pe 'wúɔ nɛ̀ nɛ̀piʔɛlɛ kɔlisiin nɛ́ sìnbapɛnyɛ kɔlisiin kpúu yè nɛ̀ taʔa gbùʔɔrɔdiɛyɛ yi mìɛni nigbe nigbe nɛ̄ yè.

Tɔ́rilɔ 23:26

A Balaami 'siɛnnugoro kɛn dè nɛ́ jo: «Mi sì yé ki juu muɔ mɛ́ lé nɛ́ jo: ‹Gàa Yewe bé jo mi- kpíʔile gè, kire m'bé juu lé ?› »

Tɔ́rilɔ 23:4

A Kulocɛliɛ sí wìi tìɛ Balaami nɛ̄, a Balaami sí ki juu wi mɛ́ nɛ́ jo: «Mi nyɛ́nì gbùʔɔrɔdiɛyɛ kɔlisiin faan nɛ̀ yérige, nɛ́ sí nɛ̀piʔɛlɛ kɔlisiin nɛ́ sìnbapɛnyɛ kɔlisiin kpúu yi mìɛni nigbe nigbe nɛ̄ yè.»

Tɔ́rilɔ 24:1

Bà Balaami 'ki nyaa ki cé Yewe dɛ́ni bè diba taʔa wè Isirayɛli siɛnnɛ nɛ̄ bèle, wiì ń'nɛ̀ koli baa cígini, bàa kele nyaa bè juu kɛnmɛ bíì nɛ̄ wi yé dàli nɛ ki kpínʔini gèʔ. A wi sí yiʔɛ nɛ̀ yiʔɛ wáa gè waama kùlo kɔli mɛ́ gè.

Matiye 4:8

A gbòdolilo kàfɔli wi ní nɛ̀ wi kɔ́ri nɛ̀ kɛ́ nɛ́ wi ní nyagurukpaʔaligɛ naamɛ gè, gìi ki 'kpàʔala yi mìɛni nɛ̄ yè; nɛ̀ sɛ́nì duniya kùlofɔliyɔ yi mìɛni tìɛ wi nɛ̄ nɛ́ yi cɛ̀nmɛ ní bè,