Tɔ́rilɔ 23:12 - Sénoufo Nyarafolo

¹² A Balaami sí ki juu wi mɛ́ nɛ́ jo: «Mi sì yɛli lé bèri Yewe siɛnrɛ tire yákuɔ nyuʔ, dàa wi 'le mi nyuɔ nī gè lé ?»

Tɔ́rilɔ 23:12 Iomraidhean Croise

Yirile 4:15

Muɔ bé juu nɛ́ wi ní bè siɛnrɛ le dè wi nyuɔ nī gè. Mi wè, MI YE nɛ́ muɔ nyuɔ ní gè nɛ́ Arawɔn wi nyuɔ ní gè. M'bé yeli tɛnmɛ gàa yeli bé sa kpíʔile gè.

Tɔ́rilɔ 22:20

Pìlige nī gè, a Kulocɛliɛ pɛ́nì juu Balaami ní nɛ́ jo: «A ki sí nyaa siɛnnɛ bálì pe 'pɛn bè pa muɔ kɔ́ri bèle o, ma yɛ̀ mari waa nɛ́ pe ní kìɛ ! Gàa sí gī baa gè, muɔ bé sa ki kpíʔile wī gàa yákuɔ m'bé juu muɔ mɛ́ gè.»

Tɔ́rilɔ 22:38

A Balaami sí ki juu Balaki mɛ́ wè nɛ́ jo: «Kányiʔɛ gī, mi tɔ̀ni nɛ̀ pɛn muɔ mɛ́ píra ŋáà nī wè. Gìi sí gī baa gè, ma ki cɛ́n miǐ gbɛ̀ri nyu mi nyùgo kúrugu díɛʔ ! A Kulocɛliɛ 'siɛnrɛ díì nyɔ́gɔ mi nyuɔ nī gè, tire mi 'yɛli bè juu.»

Tɔ́rilɔ 23:13

A Balaki ń'nɛ̀ wi yɛ: «Te báan we- kɛ́ tiʔɛ káà kiiyɛ nī cígini, tiʔɛ gíì nī muɔ bé siɛnnɛ bálì nyaa bèle. Kire tiʔɛ nī gè, muɔ bé sa pàli cɛ̀ri yákuɔ nyaa; muɔ sǐ ga tíi pe mìɛni nyaaʔ. Baa muɔ bé dɛ́ngɛ siɛnrɛ juu dè bè taʔa pe nɛ̄ kire tiʔɛ nī gè.»

Tɔ́rilɔ 23:20

Ki n'gɛ mi nyɛ́nì wi diba siɛnrɛ taa dè bè juu yeli mɛ́. Wi nyɛ́nì diba taʔa wè; mi sǐ gbɛ̀ wi láʔaʔ.

Tɔ́rilɔ 23:26

A Balaami 'siɛnnugoro kɛn dè nɛ́ jo: «Mi sì yé ki juu muɔ mɛ́ lé nɛ́ jo: ‹Gàa Yewe bé jo mi- kpíʔile gè, kire m'bé juu lé ?› »

Tɔ́rilɔ 23:3

A Balaami 'ki juu Balaki mɛ́ wè nɛ́ jo: «Sa yéri muɔ kakuɔrɔ kaasuʔuro tiʔɛ táanni gè. Mi wè, m'bé sìʔɛrɛ cɛ̀ri. Dùʔɔ Yewe bé pɛn bè pa mi kpàli. Siɛnrɛ dáà wi bé juu m'mɛ́ dè, a ti yē kɛnmɛ ó kɛnmɛ nɛ̄, m'bé ti juu bè tìɛ muɔ nɛ̄.» A wi 'kɛ́ nɛ̀ sɛ́nì tánʔa nyagurugo káà nɛ̄, gàa gī sédali wuʔu gèʔ.

Tɔ́rilɔ 24:13

‹A Balaki cɛ́nì wi saʔa nyì gè tiɛ nɛ́ wali ní wè, nɛ̀ kɛn m'mɛ́ wè, miǐ gbɛ̀ jáa yafiɛn juuʔ gàa ki bé Yewe siɛnrɛ cíi dèʔ, bè yakaa kpíʔile gàa ki bé puu kacɛ̀ngɛ kire ga laa kapiʔi gèʔ. M'bé ki juu yákuɔ wī gàa Yewe bé juu m'mɛ́ gè› ?

Wurɔmiyé 16:18

Nɛ̀ taʔa gíi nɛ̄, ki siɛnnɛ bálì felile bèle, we Kàfɔli Kirisi wire mɛ́ bɛ̀ʔ pe nyɛ́ni baaraʔ, ki 'nyaa pe tíimɛ liyɛ yire mɛ́ pe baara nɛ kanʔa. Nɛ̀ pínɛ bà pe 'pe nyigele yiʔɛ gèle macɛn wè, pe nìɛ siɛnnɛ fáanni bèle nɛ́ pe kpìlikpili siɛnjuuro ní dè bìli piyè kàa cɛ́n nɛ̀ yige kàa nī wèʔ.

Tiiti 1:16

Pe 'jo peli nyɛ́nì Kulocɛliɛ cɛ́n, nɛ̀ ki yaʔa pe kakpiʔiligele gèle kiyē nɛ ki tìí pe 'cíi wi nɛ̄ʔ. Piyē laabiri wuulo, nɛ́ ní siɛnciile; piyě gbɛ̀ jáa bè kacɛ̀nnɛ láà fáala kpíʔileʔ.