Tɔ́rilɔ 23:10 - Sénoufo Nyarafolo

¹⁰ Ŋáa bé gbɛ̀ Yakuba siɛnniʔɛmɛ tɔ́ri bè, bɛ̀ pe 'niʔɛ bɛ̀ dàrimiʔɛ tíɛlɛ gè ? Ŋáa bé gbɛ̀ Isirayɛliyé tílaga sicɛriwuʔu nyuɔ tɔ́ri gè ? Mi tíimɛ nɛ caa bè kùu bɛ̀ siɛnsinminɛ bálì tíɛlɛ bèle. Ki 'yɛli mi kúɔgɛnmɛ pi- ba nyaa pe tíɛlɛ.»

Tɔ́rilɔ 23:10 Iomraidhean Croise

Sélimɛ 13:16

M'bé muɔ siimɛ niʔɛ bè bɛ̀ dàrimiʔɛ tíɛlɛ. A ki 'nyaa siɛn bé gbɛ̀ jáa bè dàrimiʔɛ tɔ́ri gè, ki siɛn wi bé gbɛ̀ jáa bè muɔ siimɛ tɔ́ri bè míɛni.

Sélimɛ 22:17

kányiʔɛ nɛ̄ m'bé mi kajɛ̀ngɛ taʔa gè muɔ nɛ̄ bè muɔ siimɛ niʔɛ bè. M'bé pi kpíʔile nìʔɛmɛ bɛ̀ ŋɔgɔlɔ tíɛlɛ gèle, nɛ́ bɛ̀ kuʔɔjii gògoyo dàrimiʔɛ tíɛlɛ gè. Muɔ siimɛ pi bé pe leguulo jáa bèle bè fànʔa taa pe kàaya nɛ̄ yè.

Sélimɛ 28:14

Muɔ siimɛ pi bé niʔɛ bɛ̀ dàala dàrimiʔɛ tíɛlɛ. Pi bé cɛrigɛ bè tɛ́ni màʔa tiɛrɛ ti mìɛni nī: cɛngɛnyɛnifoligɔli mɛ́, nɛ́ cɛngɛnyɛnijiingɔli mɛ́ gè, nɛ́ kàliige kɔli mɛ́, nɛ́ kàmɛgɛ kɔli mɛ́ gè. M'bé ki yaʔa duniya nariyɛ yi mìɛni béri diba tari wè pìye nɛ̄, muɔ nɛ́ muɔ siimɛ pire kɛnmɛ nɛ̄.

Ŋúnuyɔ 116:15

Siɛnnɛ bálì pe 'pìye puɔ wi nɛ̄ wè, pe kùu woli niī lagbɛnrɛ yɛgɛ Yewe yiʔɛ mɛ́ gè.

Ŋúnuyɔ 37:37

Te siɛn wéli wè ŋàa wī nɛ́ funviige ní gè, te wi wéli ŋàa fungo ki síngi gè, nɛ́ ki cɛ́n, mbànʔa kele ke béri nyuʔɔ yanyigefɔli mɛ́ wè.

Tɔ́rilɔ 2:16

«Kire saaya tùluyo nyáà taanri yè, yi bé puu Wurubɛni gboli nī lè. Pe kapiɛngbuɔnnɔ pe mìɛni bìnɛ wi 'puu nàguɔlɔ siramuʔɔyɔ togo nɛ́ kpɔrigɔ nɛ́ kɔlisiin, sirakiɛ nɛ́ kɔlisiin nɛ́ siɛnnɛ togosiin nɛ́ kpɔrigɔ (151 450). Peli bé puu gboli ni siinwoli lè béri tári de waa.

Tɔ́rilɔ 2:24

«Yire saaya tùluyo nyáà taanri yè, yi bé puu Ɛfirayimi gboli nī lè. Pe kapiɛngbuɔnnɔ pe mìɛni bìnɛ wi 'puu nàguɔlɔ siramuʔɔyɔ togo nɛ́ kɔlisiin nɛ́ siɛnnɛ dabataan (108 100). Peli bé puu gboli taanriwoli lè bèri tári de waa Leviiyé kàduʔumɛ gè.

Tɔ́rilɔ 2:31

«Yire saaya tùluyo nyáà taanri yè, yi bé puu Dan gboli nī lè. Pe kapiɛngbuɔnnɔ pe mìɛni bìnɛ wi 'puu siramuʔɔyɔ togo nɛ́ kpɔrigɔ nɛ́ kacɛri, nɛ́ siɛnnɛ sirakataanri (157 600). Peli pe bé kàduʔu tɔ́n gè béri tári de waa gbuʔulo sɛngɛlɛ kúrugu gèle, pe káfalilɛ láara bèle.»

Tɔ́rilɔ 2:9

«Kire saaya tùluyo nyáà taanri yè, yi bé puu Zuda gboli nī lè. Pe kapiɛngbuɔnnɔ pe mìɛni bìnɛ wi yē nàguɔlɔ siramuʔɔyɔ togosiin nɛ́ kɔlini nɛ́ siɛnnɛ sirakiɛ nɛ́ siin (186 400). Kári lɛ̀lɛ nī lè, peli pe béri tári de waa Isirayɛli siɛnnɛ pe yiʔɛ mɛ́ gè.

Tɔ́rilɔ 31:8

Nɛ̀ fàri bàli nɛ̄ pe yé kpúu bèle kapiɛnnɛ nī lè, a pe 'Madiyan kùlo kàfɔlilɔ bálì kogunɔ kpúu bèle míɛni: peli pe 'puu Evi, Erekɛmi, Zuri, Kuri, nɛ́ Ereba. A pe 'Beyɔri jaa Balaami kpúu wè míɛni nɛ́ kapiɛngbuɔn ŋɔsii ní wè.

Korɛntiyé 2 5:1

Ki 'nyaa weli 'ki cɛ́n weli céri dáà dī weli nɛ̄ bɛ̀ bùguro saʔa tíɛlɛ náʔa duniya nī wè, a ki kɛ́nì tuu gè, Kulocɛliɛ saafanʔa káà yē baa weli mɛ́ nyìʔɛnɛ nī lè, kire saʔa gè siɛn kɔli wofanʔa bɛ̀ʔ, kiì je ga tuu bè nyaaʔ.

Tìɛlɛ 14:13

A mi ń'nɛ̀ juumɔ páà lúʔu baa nyìʔɛnɛ nī lè a ki 'jo: «-Ki sɛbɛ: ‹Bɛ̀ ki yē ŋɔ̀ wè, bàli pe nyɛ́ni kúu nɛ́ ní pínɛnyɛnigɛ nɛ̄ nɛ́ Kàfɔli ní wè, pe wuʔu kiī tànʔa›. ʔaan, Kulocɛliɛ Pìle lire ni 'ki juu bɛ̀, ‹ki 'nyaa pe bé ŋɔ́ bè taa pe wuʔɔgɔ nī gè, nɛ́ ki cɛ́n pe kakpiʔilijɛ̀ngɛlɛ kiyē nɛ́ pe ní› ».