Tɔ́rilɔ 23:1 - Sénoufo Nyarafolo

¹ A Balaami 'ki juu Balaki mɛ́ nɛ́ jo: «-Gbùʔɔrɔdiɛyɛ yáà kɔlisiin faan náʔa gè, ma sí nɛ̀piʔɛlɛ kɔlisiin caa, nɛ́ sìnbapɛnyɛ kɔlisiin ní.»

Tɔ́rilɔ 23:1 Iomraidhean Croise

Yirile 20:24

« ‹Muɔ bé puuro tíʔɛ bè mi gbùʔɔrɔdiʔɛ faan gè. Kire nɛ̄ muɔ béri yajuuro kɔnigi dè de mi gbùʔɔrɔ́, nɛ́ míɛni muɔ kakuɔrɔ kaasuʔuro dè, nɛ́ muɔ yanyige kaara ní dè, dàa ti bé puu sìnbaala nɛ́ síkaala wori dè, kire ga laa nìɛyɛ wori ní dè. A mi 'ki kpíʔile ma mi míʔɛ gbùʔɔrɔ gè tiʔɛ ó tiʔɛ nī wè, m'bé muɔ kpàli bé diba taʔa wè muɔ nɛ̄ kire tiʔɛ nī gè wī.

Tɔ́rilɔ 22:41

Ki kpìɛnduu sínbinimɛ táanni bè, a Balaki 'pɛn nɛ̀ pɛ́nì Balaami kɔ́ri wè nɛ̀ kɛ́ nɛ́ wi ní, nɛ̀ sɛ́nì tánʔa Baali yasunyɔ tiɛkpaʔaliyɛ nɛ̄ yè. Baa pe yé puu nɛ Isirayɛliyé bùguro tiɛyɛ láʔagɛlɛ nyaʔa gèle.

Tɔ́rilɔ 23:2

A Balaki 'ki kpíʔile gàa Balaami yé juu gè. A pe 'wúɔ nɛ̀ nɛ̀piʔɛlɛ kɔlisiin nɛ́ sìnbapɛnyɛ kɔlisiin kpúu yè nɛ̀ taʔa gbùʔɔrɔdiɛyɛ yi mìɛni nigbe nigbe nɛ̄ yè.

Tɔ́rilɔ 23:29

A Balaami wi ń'nɛ̀ ki juu Balaki mɛ́ wè nɛ́ jo: «-Gbùʔɔrɔdiɛyɛ yáà kɔlisiin faan m'mɛ́ náʔa gè, bɛ̀ nyìi tíɛlɛ yè, ma nɛ̀piʔɛlɛ kɔlisiin nɛ́ sìnbapɛnyɛ kɔlisiin kpúu yè.»

Tɔ́rilɔ 23:30

A Balaki 'ki kpíʔile gàa Balaami yé juu gè. A wi 'ti kɔ̀n kakuɔrɔ kaasuʔuro, nɛ́ nɛ̀piʔɛlɛ kɔlisiin nɛ́ sìnbapɛnyɛ kɔlisiin kpúu yè nɛ̀ taʔa gbùʔɔrɔdiɛyɛ yi mìɛni nigbe nigbe nɛ̄.

Tɔ́rilɔ 29:32

«Cɛnyɛ kɔlisiinwuʔu nɛ̄ gè, yeli bé nɛ̀piɛyɛligɛlɛ kɔlisiin, nɛ́ sìnbapɔlilɔ siin nɛ́ yiɛlɛ nigbe sìnbapɛngɛlɛ kiɛ nɛ́ sicɛri kɔ̀n. Ti mìɛni 'yɛli bè puu kpɔlidiɛlɛ fùn.

Matiye 23:13

«Yawuʔɔ yē yeli nɛ̄ yeli bèle Fànʔa Siɛnrɛ sɛbɛcɛ́nminɛ bèle nɛ́ Fariziɛnnɛ ní bèle, nɛ̀ taʔa gíi nɛ̄, jànvaafɔlilɔ bīɛlɛ yeli bèle. Ki 'nyaa yeli nɛ Nyìʔɛnɛ Kùlofɔligɔ tɔ́ngi gè siɛnnɛ mɛ́ bèle wī. Yeli wè jíin baaʔ, bìli sí pe caa bè jíin bèle yeli nɛ̌ ní pe yaʔa pe jíinʔ.

Zudi 1:11

Yawuʔɔ yē pe nɛ̄, nɛ́ ki cɛ́n pe nyɛ́nì taʔa Kayɛn koligo nɛ̄ gè. Lɔri tàanma nɛ̄ bè, a pe 'taʔa Balaami kolimɔ nɛ̄ bè. A pe 'kùu taa wè, bɛ̀ pe 'cíi Kore tíɛlɛ wè.