Tɔ́rilɔ 22:8 - Sénoufo Nyarafolo

⁸ A Balaami sí jo: «Ye- súɔn náʔa gè pìlige gáà nī gè. Mbànʔa sínbinimɛ táanni bè, m'bé siɛnnugoro kɛn dè yeli mɛ́ nɛ̀ yɛli nɛ́ gàa ní Yewe bé juu gè.» A Mowabi kùlo kàfɔlilɔ pe 'súɔn baa nɛ́ Balaami ní.

Tɔ́rilɔ 22:8 Iomraidhean Croise

Tɔ́rilɔ 12:6

A Yewe 'ki juu pe mɛ́ nɛ́ jo: «Ye- mi siɛnrɛ lúʔu dè cɛngɛ: a siɛnjuuwo je yiri yeli nī wè, mi Yewe wè, mi nɛ̂ nìɛ tìɛ wi nɛ̄ kɛnmɛ páà nɛ̄, kire ga laa mi nɛ̂ juu nɛ́ wi ní ŋɔ́nigɔ nī.

Tɔ́rilɔ 22:18

Kire nɛ́ ki mìɛni a Balaami 'ki juu Balaki mɛ́ nɛ́ jo: «A ki cɛ́nì nyaa Balaki wi 'wi kùlofɔli saʔa ki mìɛni nyì nɛ́ tiɛ nɛ́ wali ní nɛ̀ kɛn m'mɛ́ wè, miǐ gbɛ̀ jáa bè Yewe mi Kulocɛliɛ siɛnrɛ cíi dèʔ, dàa wi bé juu m'mɛ́ dèʔ, bè kaciɛlɛ kpíʔile kire ga laa bè kakpuʔɔ kpíʔileʔ.

Tɔ́rilɔ 22:38

A Balaami sí ki juu Balaki mɛ́ wè nɛ́ jo: «Kányiʔɛ gī, mi tɔ̀ni nɛ̀ pɛn muɔ mɛ́ píra ŋáà nī wè. Gìi sí gī baa gè, ma ki cɛ́n miǐ gbɛ̀ri nyu mi nyùgo kúrugu díɛʔ ! A Kulocɛliɛ 'siɛnrɛ díì nyɔ́gɔ mi nyuɔ nī gè, tire mi 'yɛli bè juu.»

Tɔ́rilɔ 22:7

Mowabi nàgaliɛlɛ nɛ́ Madiyan nàgaliɛlɛ ní bèle, a Balaki 'pe tun nɛ́ kanyaawa kpuʔɔrɔ ní dè. A pe sɛ́nì Balaki tunduro juu dè Balaami mɛ́ wè.

Tɔ́rilɔ 22:9

A Kulocɛliɛ pɛ́nì Balaami yúgo nɛ́ jo: «Báli bīɛlɛ bàli bèle nɛ́ muɔ ní wè ?»

Tɔ́rilɔ 23:12

A Balaami sí ki juu wi mɛ́ nɛ́ jo: «Mi sì yɛli lé bèri Yewe siɛnrɛ tire yákuɔ nyuʔ, dàa wi 'le mi nyuɔ nī gè lé ?»

Tɔ́rilɔ 23:3

A Balaami 'ki juu Balaki mɛ́ wè nɛ́ jo: «Sa yéri muɔ kakuɔrɔ kaasuʔuro tiʔɛ táanni gè. Mi wè, m'bé sìʔɛrɛ cɛ̀ri. Dùʔɔ Yewe bé pɛn bè pa mi kpàli. Siɛnrɛ dáà wi bé juu m'mɛ́ dè, a ti yē kɛnmɛ ó kɛnmɛ nɛ̄, m'bé ti juu bè tìɛ muɔ nɛ̄.» A wi 'kɛ́ nɛ̀ sɛ́nì tánʔa nyagurugo káà nɛ̄, gàa gī sédali wuʔu gèʔ.

Tɔ́rilɔ 24:13

‹A Balaki cɛ́nì wi saʔa nyì gè tiɛ nɛ́ wali ní wè, nɛ̀ kɛn m'mɛ́ wè, miǐ gbɛ̀ jáa yafiɛn juuʔ gàa ki bé Yewe siɛnrɛ cíi dèʔ, bè yakaa kpíʔile gàa ki bé puu kacɛ̀ngɛ kire ga laa kapiʔi gèʔ. M'bé ki juu yákuɔ wī gàa Yewe bé juu m'mɛ́ gè› ?