Tɔ́rilɔ 22:6 - Sénoufo Nyarafolo

⁶ Te báan, mi nɛ muɔ fiɛn wī, ma pa dɛ́ngɛ taʔa wè siɛnnɛ bálì nɛ̄ bèle, nɛ́ ki cɛ́n pe ŋɔri ti nyɛ́nì niʔɛ mi ŋɔri nɛ̄ dè. A muɔ 'kire kpíʔile gè, dùʔɔ m'bé jáa bè tún nɛ́ siɛnnɛ bálì ní bèle bè pe cìra yige kùlo nī lè. Nɛ́ ki cɛ́n mi nyɛ́nì ki cɛ́n, a muɔ 'diba kpíʔile wè siɛn ŋíì mɛ́, wi nɛ̂ cò; a muɔ sí dɛ́ngɛ taʔa wè, wi míɛni nɛ̂ ki siɛn cò wè.»

Tɔ́rilɔ 22:6 Iomraidhean Croise

Sélimɛ 12:3

A siɛnnɛ bílì 'diba kpíʔile wè muɔ mɛ́, mi míɛni bé diba taʔa wè pe nɛ̄. Á siɛn ŋíì 'dɛ́ngɛ taʔa wè muɔ nɛ̄, mi míɛni bè dɛ́ngɛ taʔa wè ki siɛn nɛ̄ wè. M'bé ki yaʔa duniya nariyɛ yi mìɛni béri diba kpínʔini wè siɛnnɛ mɛ́ bèle muɔ kɛnmɛ nɛ̄.»

Sélimɛ 27:29

Siɛnfeliye yiri baara muɔ mɛ́ dí kùlogolo keri tun de cúbulo muɔ yiʔɛ mɛ́ ! Ma puu muɔ siinyɛninɛ pe mìɛni kàfɔli, dí muɔ laayirinyɛninɛ peri tun de cúbulo muɔ yiʔɛ mɛ́ gè. A siɛn ŋíì 'dɛ́ngɛ taʔa muɔ nɛ̄ wè, ki siɛn wi bé dɛ́ngɛ taa míɛni. A siɛn ó siɛn diba 'kpíʔile muɔ mɛ́ wè, ki siɛn wi bé diba taa míɛni.»

Ŋúnuyɔ 109:28

Piyē nɛ dɛ́ngɛ tari mi nɛ̄, nɛ̀ ki yaʔa muɔ nɛ diba tari mi nɛ̄ ! Piyē nɛ yɛ̀gí mi kúrugu; muɔ sí ma bé fìɛrɛ tɔ́n pe nɛ̄ ! Mi ŋáà wī muɔ baakuɔwɔ wè, m'bé sí puu fundaanra nɛ̄.

Tɔ́rilɔ 22:12

A Kulocɛliɛ sí ki juu Balaami mɛ́ nɛ́ jo: «Fǎga kɛ́ baa nɛ́ pe níʔ ! Muɔ míɛni sì yɛli bè dɛ́ngɛ taʔa wè siɛnnɛ bálì nɛ̄ bèleʔ, nɛ́ ki cɛ́n mi diba yē pe nɛ̄.»

Tɔ́rilɔ 22:17

Nɛ́ ki cɛ́n m'bé pa kpuʔɔrɔ kɛn muɔ mɛ́ nìʔɛrɛ, bé míɛni ki kpíʔile gàa ki mìɛni muɔ bé juu m'mɛ́ gè. Te báan sî, ma pa pe dɛ́ngɛ mi kɛn.› »

Tɔ́rilɔ 23:13

A Balaki ń'nɛ̀ wi yɛ: «Te báan we- kɛ́ tiʔɛ káà kiiyɛ nī cígini, tiʔɛ gíì nī muɔ bé siɛnnɛ bálì nyaa bèle. Kire tiʔɛ nī gè, muɔ bé sa pàli cɛ̀ri yákuɔ nyaa; muɔ sǐ ga tíi pe mìɛni nyaaʔ. Baa muɔ bé dɛ́ngɛ siɛnrɛ juu dè bè taʔa pe nɛ̄ kire tiʔɛ nī gè.»

Tɔ́rilɔ 23:27

A Balaki 'ki juu Balaami mɛ́ nɛ́ jo: «Te báan, mi nɛ muɔ fiɛn wī, m'bé kɛ́ nɛ́ muɔ ní tiʔɛ káà kiiyɛ nī; dùʔɔ baa kire tiʔɛ nī gè Kulocɛliɛ bé yéri ki nɛ̄ muɔ dɛ́ngɛ siɛnrɛ juu dè ma wáa siɛnnɛ bálì nɛ̄ bèle.»

Tɔ́rilɔ 24:9

Isirayɛli kùlo siɛnnɛ pe 'sínɛ bɛ̀ jàri tíɛlɛ, pe nyɛ́nì sínɛ majo jàricuɔ wī. Ŋáa wi bé fɔ̀li bè pe yɛ̀gɛ ? A ŋìi nɛ diba kpínʔini wè pe mɛ́, kire siɛn wi bé Kulocɛliɛ diba taa wè. A ŋìi sí nɛ dɛ́ngɛ nyu wè nɛ tari pe nɛ̄ wè, kire siɛn míɛni wi bé Kulocɛliɛ dɛ́ngɛ taa wè.»

Kakpiʔiligele 16:16

Làa nɛ̄ weli 'puu nɛ waa Kulocɛliɛ náaridiʔɛ nī gè, a sùkulocuɔ wáà sɛ́nì yiri weli kúrugu; fùu wi cé wi kánʔa. Wi 'puu nɛ kele kálì nyaʔa nɛ nyu wi kàfɔlilɔ mɛ́ bèle, a kire 'ki kɛn pe wali tari nìʔɛgɛ.

Fànʔa Kajuʔulo 23:4

«Amɔ siɛn wè nɛ́ Mowabi siɛn ní wè, pe wàa sǐ gbɛ̀ jíin baa Yewe gbùʔɔrɔ gboli nī lèʔ, nɛ́ míɛni wi siimɛ wuulo piyě gbɛ̀ jíin baaʔ fúɔ bè sa nɔ̀ kɛ̀ngɛlɛ kiɛwoli nɛ̄ lè. Bɛ̀ ki bé puu súuri,