Tɔ́rilɔ 22:4 - Sénoufo Nyarafolo

⁴ A pe 'fali nɛ̀ sɛ́nì juu nɛ́ Madiyan kùlo siɛnliɛlɛ ní bèle nɛ́ jo: «Siɛnniʔɛmɛ báà pi bé yɛrɛ dáà ti mìɛni káa wī weli tɛ́nimɛ pi mìɛni nī, majo bɛ̀ nùɔ cî nyàʔa káa kɛnmɛ bíì nɛ̄ wè !» Balaki wè, Zipori jaa wè, wire ŋáà wi 'puu Mowabi kùlofɔli wè kire lɛ̀lɛ nī lè,

Tɔ́rilɔ 22:4 Iomraidhean Croise

Yirile 15:15

Kire lɛ̀lɛ nī lè, fíɛrɛ bé Edɔmi kàfɔlilɔ cò bèle, pe béri fún. Mowabi siɛnnɛ fànʔafɔlilɔ, pe béri fún de yàʔará pe funyɔ nī yè. Kanaa kùlo siɛnnɛ pe mìɛni pe bé nyɛgɛ.

Tɔ́rilɔ 22:2

Balaki wè, Zipori jaa wè, a wire 'ki nyaa Isirayɛli siɛnnɛ pe yé fànʔa taa Amɔriyé nɛ̄ bèle.

Tɔ́rilɔ 22:7

Mowabi nàgaliɛlɛ nɛ́ Madiyan nàgaliɛlɛ ní bèle, a Balaki 'pe tun nɛ́ kanyaawa kpuʔɔrɔ ní dè. A pe sɛ́nì Balaki tunduro juu dè Balaami mɛ́ wè.

Tɔ́rilɔ 24:17

Mi nɛ ki nyaʔa, píra ŋáà nī bɛ̀ʔ. Mi 'ki fílige nɛ̀ nyaa, ki sí wè túɔnʔ. Ŋɔnɔ̀ láà bé yiri Yakuba narigɛ nī gè, kùlofɔli kàgbiile láà bé yiri Isirayɛliyé nī bèle. Kùlofɔli ŋáà wi béri Mowabiyé nyùyɔ muʔɔrɔ yè, bé sí de Sɛti siimɛ kpúɔn bè de cáanri.

Tɔ́rilɔ 25:6

Bè pe 'yaʔa tire nɛ̄ dè, a Isirayɛli nàguɔ wáà 'fali nɛ̀ pɛ́nì tóri pe táanni nɛ́ Madiyanyé cuɔ wáà ní, wi siinyɛninɛ sunʔɔmɔ nī bè, nɛ́ Misa wire tíimɛ nyaamɛ nɛ̄ nɛ́ Isirayɛli tògo siɛnnɛ pe mìɛni nyaamɛ nɛ̄, bàli pe 'puu yérile nɛ nyɛni bèle Kpàlidiʔɛ Kpátaʔa wìile nɛ̄ lè.

Tɔ́rilɔ 31:1

A Yewe 'ki juu Misa mɛ́ nɛ́ jo:

Tɔ́rilɔ 31:8

Nɛ̀ fàri bàli nɛ̄ pe yé kpúu bèle kapiɛnnɛ nī lè, a pe 'Madiyan kùlo kàfɔlilɔ bálì kogunɔ kpúu bèle míɛni: peli pe 'puu Evi, Erekɛmi, Zuri, Kuri, nɛ́ Ereba. A pe 'Beyɔri jaa Balaami kpúu wè míɛni nɛ́ kapiɛngbuɔn ŋɔsii ní wè.