Tɔ́rilɔ 22:12 - Sénoufo Nyarafolo

¹² A Kulocɛliɛ sí ki juu Balaami mɛ́ nɛ́ jo: «Fǎga kɛ́ baa nɛ́ pe níʔ ! Muɔ míɛni sì yɛli bè dɛ́ngɛ taʔa wè siɛnnɛ bálì nɛ̄ bèleʔ, nɛ́ ki cɛ́n mi diba yē pe nɛ̄.»

Tɔ́rilɔ 22:12 Iomraidhean Croise

Sélimɛ 12:2

M'bé muɔ kpíʔile siɛnmɛfɔli, pi bé kò kùpolo láà. M'bé diba taʔa wè muɔ nɛ̄, bè muɔ míʔɛ kpúʔɔ gè, bè ki yaʔa siɛnnɛ pe béri diba siɛnrɛ nyu dè de tari siɛnnɛ nɛ̄ bèle muɔ kɛnmɛ nɛ̄.

Ŋúnuyɔ 144:15

Siɛnnɛ bálì mɛ́ ki kpínʔini mmɛ gè, peli wuʔu kiī tànʔa  ! Bàli mɛ́ Yewe yē pe Kulocɛliɛ wè, peli wuʔu kiī tànʔa  !

Ŋúnuyɔ 146:5

Ŋàa mɛ́ Yakuba Kulocɛliɛ wi yē sáʔafɔli wè, a wi 'wi sɔ̀ngirɔ taʔa dè Yewe wi Kulocɛliɛ nɛ̄ wè, wi wuʔu kiī tànʔa !

Tɔ́rilɔ 22:11

‹Ki n'gɛ, siɛnniʔɛmɛ nyɛ́nì yiri Ezipiti kùlo nī lè, bàli pe 'dàala ni mìɛni tɔ́n lè. Te báan, ma pa pe dɛ́ngɛ mi kɛn, kire ga buu m'bé jáa bè tún nɛ́ pe ní, bé pe cìra.› »

Tɔ́rilɔ 22:13

Bà Balaami 'yɛ̀ sínbinimɛ táanni bè, a wi 'ki juu Balaki tundungbolilo bálì mɛ́ bèle nɛ́ jo: «Ye- koli yeri waa yeli kùlo mɛ́ lè, nɛ́ ki cɛ́n Yewe sì yéri ki nɛ̄ mi de waa nɛ́ yeli níʔ.»

Tɔ́rilɔ 22:6

Te báan, mi nɛ muɔ fiɛn wī, ma pa dɛ́ngɛ taʔa wè siɛnnɛ bálì nɛ̄ bèle, nɛ́ ki cɛ́n pe ŋɔri ti nyɛ́nì niʔɛ mi ŋɔri nɛ̄ dè. A muɔ 'kire kpíʔile gè, dùʔɔ m'bé jáa bè tún nɛ́ siɛnnɛ bálì ní bèle bè pe cìra yige kùlo nī lè. Nɛ́ ki cɛ́n mi nyɛ́nì ki cɛ́n, a muɔ 'diba kpíʔile wè siɛn ŋíì mɛ́, wi nɛ̂ cò; a muɔ sí dɛ́ngɛ taʔa wè, wi míɛni nɛ̂ ki siɛn cò wè.»

Tɔ́rilɔ 23:23

Nɛ́ ki cɛ́n dɛ́ngɛ wè Yakuba nɛ̄ʔ. Kanyaajuulo sìpiile míɛni wè Isirayɛli nɛ̄ wèʔ. Píra ŋáà nī wè, gàa ki bé gbɛ̀ juu Yakuba wuʔu gè nɛ́ Isirayɛli wuʔu gè: ‹Ye- ki wéli gàa Kulocɛliɛ 'kpíʔile gè !›

Tɔ́rilɔ 23:3

A Balaami 'ki juu Balaki mɛ́ wè nɛ́ jo: «Sa yéri muɔ kakuɔrɔ kaasuʔuro tiʔɛ táanni gè. Mi wè, m'bé sìʔɛrɛ cɛ̀ri. Dùʔɔ Yewe bé pɛn bè pa mi kpàli. Siɛnrɛ dáà wi bé juu m'mɛ́ dè, a ti yē kɛnmɛ ó kɛnmɛ nɛ̄, m'bé ti juu bè tìɛ muɔ nɛ̄.» A wi 'kɛ́ nɛ̀ sɛ́nì tánʔa nyagurugo káà nɛ̄, gàa gī sédali wuʔu gèʔ.

Tɔ́rilɔ 23:8

ʔé ! Mɛni sí m'bé jáa bè dɛ́ngɛ siɛnrɛ juu dè bè taʔa ŋàa nɛ̄ Kulocɛliɛ sì dɛ́ngɛ siɛnrɛ juu dè nɛ̀ taʔa dèʔ ? Mɛni sí m'bé pe cúʔɔmɔ wori juu dè siɛnnɛ bálì mɛ́ Yewe sì cúʔɔmɔ wori juu dèʔ ?

Tɔ́rilɔ 24:9

Isirayɛli kùlo siɛnnɛ pe 'sínɛ bɛ̀ jàri tíɛlɛ, pe nyɛ́nì sínɛ majo jàricuɔ wī. Ŋáa wi bé fɔ̀li bè pe yɛ̀gɛ ? A ŋìi nɛ diba kpínʔini wè pe mɛ́, kire siɛn wi bé Kulocɛliɛ diba taa wè. A ŋìi sí nɛ dɛ́ngɛ nyu wè nɛ tari pe nɛ̄ wè, kire siɛn míɛni wi bé Kulocɛliɛ dɛ́ngɛ taa wè.»

Matiye 27:19

Bà sí wi 'puu tɛ́niwɛ wi kàyuʔujuulo kácunʔɔ nī gè, a wi cuɔ wi 'tunduro tórigo wi mɛ́ nɛ́ wi yɛ: «Fǎga tí bé mìɛ le siɛnsinwɛ ŋáà wi wori nī dèʔ ! Ŋɔ́nigɔ káà 'mi fùrɔ nɛ̀ tóri pìlige gáà ki 'kúɔ gè wi koligo nī gè.»

Wurɔmiyé 11:29

Nɛ̀ taʔa gíi nɛ̄, kpuʔɔrɔ dáà Kulocɛliɛ wi 'kɛn dè, nɛ́ bàli wi 'yeri bèle, wiǐ ń'nɛ̀ je sùnʔɔrɔ kàduʔumɛʔ.

Efɛziyé 1:3

Kpuʔɔrɔ ti 'yɛli Kulocɛliɛ nɛ̄, weli Kàfɔli Zezi Kirisi wi Tuu wè. Wire wi 'kpuʔɔrɔ taʔa weli nɛ̄ kɛnmɛ pi mìɛni feliye nɛ̄, gìi ki 'pìle kɛnmɛ kúɔ bè nyìʔɛnɛkaʔa kele koligo nī gè bɛ̀ wiyē pínɛnɛ nɛ́ Kirisi ní wè.

Fànʔa Kajuʔulo 2:7

Nɛ́ ki cɛ́n, mi Yewe wè, muɔ Kulocɛliɛ wè, mi nyɛ́nì diba taʔa wè muɔ nɛ̄ muɔ baara ti mìɛni nī. Mi nyɛ́nì ki cɛ́n gàa ki mìɛni ki 'kpíʔile muɔ tánʔana nī lè waama kùlo tiɛkpuʔɔ nī gè. Ki yiʔɛlɛ togosiin wī ŋàa wè, Yewe yeli Kulocɛliɛ wi yē nɛ́ muɔ ní: yafiɛn sì muɔ laaʔ.›

Fànʔa Kajuʔulo 23:5

nɛ́ ki cɛ́n ki siɛnnɛ bálì piyè yiri nɛ̀ yeli kpàli nɛ́ suro ní nɛ́ luʔɔ níʔ bà yeli 'puu koligo nɛ̄ gè nɛ́ kɔ́n Ezipiti kùlo mɛ́ lèʔ. Pe yé cɛ́nì ki serige wī nɛ̀ Balaami yeri, Beyɔri jaa wè, ŋàa wi 'puu Petɔri kàʔa nī gè Mɛsopotamii kùlo nī lè. A pe 'wi sàri wali nɛ̄ kire ga buu wi- dɛ́ngɛ siɛnrɛ juu daʔa dè yeli nɛ̄.

Fànʔa Kajuʔulo 28:6

Wi bé diba taʔa muɔ nɛ̄ a muɔ nɛ waa wè, bè diba taʔa muɔ nɛ̄ a muɔ nɛ báan wè.

Fànʔa Kajuʔulo 33:29

Isirayɛli yo, je muɔ yē fundaanra nɛ̄ ! Ŋáa wī bɛ̀ muɔ tíɛlɛ siɛnfelige káà gàa Yewe 'suɔ gè ? Wire wī timɔzigege gè gàa ki muɔ tɔ́ngi gè. Wi míɛni yē kapiɛngbuɔn ŋɔsii nɛ̀ ki kpíʔile a muɔ 'pe jáa. Muɔ leguulo pe bé pɛn bè ba pìye cɛ́rigɛ muɔ yiʔɛ mɛ́, muɔ bé pe tánʔana nɛ́ muɔ tɔliyɔ ní yè pe kàduuyo nɛ̄ yè.»

Fànʔa Kajuʔulo 7:14

Yewe bé diba taʔa wè yeli nɛ̄ bè tóri kùlogolo kálì siɛnnɛ nɛ̄ bèle. Nàguɔ nɛ́ cɛliwɛ sǐ ga tíi nyaa muɔ mɛ́ʔ ŋàa wī sìndigiwe wè, nɛ́ yajuuro ní dàa tiǐ gbɛ̀ sii dèʔ.