Tɔ́rilɔ 22:11 - Sénoufo Nyarafolo

¹¹ ‹Ki n'gɛ, siɛnniʔɛmɛ nyɛ́nì yiri Ezipiti kùlo nī lè, bàli pe 'dàala ni mìɛni tɔ́n lè. Te báan, ma pa pe dɛ́ngɛ mi kɛn, kire ga buu m'bé jáa bè tún nɛ́ pe ní, bé pe cìra.› »

Tɔ́rilɔ 22:11 Iomraidhean Croise

Sélimɛ 27:29

Siɛnfeliye yiri baara muɔ mɛ́ dí kùlogolo keri tun de cúbulo muɔ yiʔɛ mɛ́ ! Ma puu muɔ siinyɛninɛ pe mìɛni kàfɔli, dí muɔ laayirinyɛninɛ peri tun de cúbulo muɔ yiʔɛ mɛ́ gè. A siɛn ŋíì 'dɛ́ngɛ taʔa muɔ nɛ̄ wè, ki siɛn wi bé dɛ́ngɛ taa míɛni. A siɛn ó siɛn diba 'kpíʔile muɔ mɛ́ wè, ki siɛn wi bé diba taa míɛni.»

Tɔ́rilɔ 22:10

A Balaami sí siɛnnugoro kɛn dè Kulocɛliɛ mɛ́ nɛ́ jo: «Mowabi kùlofɔli Balaki wè, Zipori jaa wè, wire wi 'siɛnnɛ bálì tun bèle náʔa m'mɛ́, nɛ́ jo:

Tɔ́rilɔ 22:12

A Kulocɛliɛ sí ki juu Balaami mɛ́ nɛ́ jo: «Fǎga kɛ́ baa nɛ́ pe níʔ ! Muɔ míɛni sì yɛli bè dɛ́ngɛ taʔa wè siɛnnɛ bálì nɛ̄ bèleʔ, nɛ́ ki cɛ́n mi diba yē pe nɛ̄.»

Tɔ́rilɔ 23:11

A Balaki wi sí ki juu Balaami mɛ́ wè nɛ́ jo: «Gáa ma kpínʔini mi nɛ̄ mmɛ gè ? Mi 'muɔ kɔ́ri nɛ̀ pɛn ma pa dɛ́ngɛ juu wè ma wáa mi leguulo nɛ̄ bèle o, á mi ń'nɛ̀ pɛ́nì ki nyaa muɔ nɛ diba kpínʔini wè pe mɛ́ !»

Tɔ́rilɔ 23:7

A Balaami 'fali nɛ̀ séli nɛ wi kanyaamijuʔulo nyu gèle nɛ́ jo: «Balaki, wire wi 'mi kɔ́ri nɛ̀ pɛn nɛ̀ kɔ́n Arami kùlo mɛ́ lè; ʔaan, Mowabi kùlofɔli wi 'mi kɔ́ri nɛ̀ kɔ́n nyaguruyo mɛ́ yè cɛngɛnyɛnifoligɔli mɛ́ gè, nɛ́ jo m'báa dɛ́ngɛ taʔa wè Yakuba nɛ̄ wè ! ‹Te báan ma pa dɛ́ngɛ taʔa wè Isirayɛli siɛnnɛ nɛ̄ bèle !›

Tɔ́rilɔ 24:10

A Balaki fungo ki 'yɛ̀ kpuʔɔ Balaami kúrugu wè, a wi 'kadaʔala píɛ gèle, nɛ̀ ki juu Balaami mɛ́ nɛ́ jo: «Mi cé muɔ yeri nɛ́ jo muɔ pa dɛ́ngɛ siɛnrɛ juu ma taʔa mi leguulo nɛ̄ bèle wī. Ki sí n'gɛ, muɔ pɛ́nì kò nɛ diba kpínʔini wè pe mɛ́ fúɔ nɛ̀ taa tɔliyɔ taanri !