Tɔ́rilɔ 21:7 - Sénoufo Nyarafolo

⁷ A siɛnnɛ pe pɛ́nì ki juu Misa mɛ́ nɛ́ jo: «Weli nyɛ́nì kapiile kpíʔile bà weli siɛnrɛ dáà juu dè nɛ̀ wáa Yewe mɛ́ wè nɛ́ muɔ tíimɛ ní wè. Píra ŋáà nī wè, -Yewe náari wè weli mɛ́, kire ga buu wi- wɔ̀burɔ dáà láʔa dè weli nɛ̄.» A Misa sɛ́nì Yewe sùlu wè nɛ̀ pe kɛn.

Tɔ́rilɔ 21:7 Iomraidhean Croise

Sélimɛ 20:17

A Birayima 'Kulocɛliɛ náari wè, a Kulocɛliɛ 'Abimɛlɛki puʔɔ, wire nɛ́ wi cuɔ ní wè, nɛ́ wi sùkulocɛlilɛ ní bèle, a pe nɛ́ gbɛ́nɛ pìile sii.

Sélimɛ 20:7

Píra ŋáà nī wè, sa nàguɔ wi cuɔ kɛn wè wi mɛ́, nɛ́ ki cɛ́n Kulocɛliɛ siɛnjuuwo wī. Wi bé Kulocɛliɛ náari muɔ mɛ́ kire ga buu muɔ fǎga kùuʔ. A muɔ sí cíi wè, ma ki cɛ́n muɔ bé kùu wī, muɔ nɛ́ muɔ siɛnnɛ pe mìɛni ní.»

Ŋúnuyɔ 106:23

Kire nɛ̄ a Kulocɛliɛ sí jo wire bé pe cúʔɔ bè yige baa. Nɛ̀ ki yaʔa Misa wè, wi siɛnnyiɛnɛgɔnwɔ wè, a wire 'jíin Yewe nɛ́ wi siɛnnɛ sunʔɔmɔ nī bè nɛ̀ kàsulugo kpíʔile gè, kire ga buu Yewe fundanʔanigɛ ki fǎga pe cúʔɔʔ.

Ŋúnuyɔ 78:34

Bà Kulocɛliɛ kɛ́nì pe kpúu wè, a pe 'yiʔɛ nɛ wi caa, a pe 'koli nɛ̀ yiʔɛ wi kɔli mɛ́ gè cígini, níɛ ki caa wi‑ peli suɔ.

Yirile 10:17

Píra ŋáà nī wè, ye- mi kapiile ni kàsulugo suɔ gè cégboli náà nɛ̄ lè ! Ye- sa Yewe yeli Kulocɛliɛ náari wè wi- fɔ̀li ki nɛ̄ wi kùu ŋáà líili wè mi nɛ̄.»

Yirile 32:11

A Misa sí wi Yewe Kulocɛliɛ fiɛn wè nɛ́ jo: «Gáa nɛ̄, Yewe, muɔ fungo ki 'yɛ̀ kpuʔɔ muɔ siɛnnɛ kúrugu bèle, bàli muɔ 'yige Ezipiti kùlo nī lè nɛ́ muɔ fànʔa ní gè nɛ́ muɔ ŋɔri kɔli ní gè  ?

Yirile 32:30

Ki kpìɛnduu gè, a Misa 'ki juu siɛnnɛ mɛ́ bèle nɛ́ jo: «Yeli nyɛ́nì kapiigbuʔɔ kpíʔile. Píra ŋáà nī wè m'bé tánʔa Yewe kúrugu wè, bè ki wéli dùʔɔ m'bé jáa bè yeli kapiigbuʔɔ ki kàsulugo náari gè.»

Yirile 8:28

Kire nɛ́ ki mìɛni, a Farawɔn 'wi nàzɔn gbɛ̀n wè. Wiì ń'nɛ̀ Isirayɛli siɛnnɛ yaʔa bèle a pe 'kɛ́ʔ.

Yirile 8:4

A Farawɔn 'Misa nɛ́ Arawɔn yeri, nɛ́ jo: «Ye- Yewe náari wè, kire ga buu wi- kpìile láʔa bèle mi nɛ́ mi siɛnnɛ nɛ̄ bèle. Bà m'bé Isirayɛli siɛnnɛ yaʔa bèle pe- kɛ́ bè sa kakuɔrɔ yajuuro kpúu dè Yewe mɛ́ wè.»

Yirile 8:8

A Misa nɛ́ Arawɔn pe 'núgo Farawɔn táanni, a Misa sɛ́nì Yewe náari nɛ́ jo wi- kpìile yige bèle bàli wi yé nyɔ́gɔ Farawɔn kúrugu wè bè wi wuʔɔ wè.

Tɔ́rilɔ 11:2

A siɛnnɛ pe 'kòkuʔulo wáa Misa kúrugu wè, a Misa sɛ́nì Yewe sùlu wè, a kàsun ki 'fígi.

Matiye 27:4

nɛ̀ sɛ́nì jo: «Mi nyɛ́nì kapiile kpíʔile, nɛ́ pɛ́nì siɛnpowo kɛn wè, ŋàa wiì kaala kpíʔile lèʔ.» A pe sí wi yɛ: «Kire 'weli líɛ gáa mɛ́ ? Muɔ wori dī tire dè.»

Kakpiʔiligele 8:24

A Siimɔ wi sí jo: «Ye- Kàfɔli náari wè mi kɛn yeli tíimɛ bèle, gìi ki bé tí gàa yeli 'juu gè yafiɛn fǎga mi taaʔ.»

Wurɔmiyé 10:1

Nɛ siinyɛninɛ, gìi mi nɛ caa mi fungo nī gè, nɛ́ gìi mi nɛ náari Kulocɛliɛ mɛ́ wè Zuufulo pe kɛnmɛ nɛ̄ bè, kire yē pe- suɔlɔ taa.

Fànʔa Kajuʔulo 9:20

«Yewe fungo ki yé yɛ̀ kpuʔɔ kɛnmɛ bíì nɛ̄ bè Arawɔn kúrugu wè, fúɔ wi 'caa bè wire míɛni kpúu bè yige baa. A mi sí náari Arawɔn wuʔu nɛ̄ gè kire lɛ̀lɛ nī lè.

Zaki 5:16

Kire nɛ̄ yeri yèrí yeli kapiʔile nɛ̄ gèle, yéri ki nyu de tìí yìye nɛ̄, yéri náari yìye mɛ́, gìi ki bé tí ye- puʔɔ. Siɛn sínwɛ náarigɛ kiī nɛ baara nɛ́ fànʔa ní kpuʔɔ.