Tɔ́rilɔ 21:4 - Sénoufo Nyarafolo

⁴ A Isirayɛli siɛnnɛ pe 'yɛ̀ nɛ̀ yiri Wori nyagurugo tiʔɛ nī gè nɛ̀ tóri Nyàʔanivɛgɛ Tiire kuʔɔjii koligo nī gè nɛ̀ màʔa Edɔmi kùlo kúrugu lè. A siɛnnɛ pe ń'nɛ̀ pe 'funyɔ wári yè koligo nɛ̄ gè.

Tɔ́rilɔ 21:4 Iomraidhean Croise

Yirile 6:9

A Misa 'siɛnrɛ dáà ti mìɛni juu Isirayɛli siɛnnɛ mɛ́ bèle. Kire nɛ́ ki mìɛni piyè cɛ́nì lúʔu ti nɛ̄ʔ, nɛ́ ki cɛ́n funbiɛnrɛ ti cé niʔɛ pe nī, sùkulomɔ pire kɛnmɛ nɛ̄.

Tɔ́rilɔ 14:25

«Bà Amalɛki siɛnnɛ nɛ́ Kanaa siɛnnɛ piyē baa jùlɔgɔ nī gè yeli yiʔɛ mɛ́ gè, kire nɛ̄ mbànʔa gè ye- yiʔɛ yè koli yeri waa waama kùlo mɛ́ lè Nyàʔanivɛgɛ Tiire kuʔɔjii kɔli mɛ́ gè.»

Tɔ́rilɔ 20:27

A Misa 'fali nɛ̀ ki kpíʔile gàa Yewe yé juu nɛ̀ gbɛ̀ngɛ gè. A pe taanri pe 'tánʔa Wori nyagurugo nɛ̄ gè, Isirayɛli tògo siɛnnɛ pe mìɛni nyaamɛ nɛ̄.

Tɔ́rilɔ 32:7

Gáa nɛ̄ yeli nɛ caa bè Isirayɛli siɛnnɛ céri kpúu dè pe nɛ̄, pe fǎ jíin kùlo nī lèʔ nàa Yewe bé kɛn pe mɛ́ lè ?

Tɔ́rilɔ 32:9

Bà pe 'kɛ́ nɛ̀ sɛ́nì nɔ̀ Ɛsikɔli kápaligɛ tiʔɛ nɛ̄ gè, a pe 'kùlo nyaa lè, bà pe 'koli nɛ̀ pɛn wè, a pe pɛ́nì Isirayɛli siɛnnɛ céri kpúu dè pe nɛ̄ pe fǎga kɛ́ baa kùlo mɛ́ lèʔ nàa Yewe 'kɛn pe mɛ́ lèʔ.

Tɔ́rilɔ 33:41

A pe ń'nɛ̀ yiri Wori nyagurugo tiʔɛ nī gè nɛ̀ sɛ́nì pe bùguro kpúɔn dè Zalimɔna tiʔɛ nī gè.

Kakpiʔiligele 14:22

Pe 'puu nɛ nyu nɛ ŋɔri nɛ́ lèbaanna nyɔ́gi tɛ́ngɛfɔlilɔ nī bèle nɛ́ pe yɛ pe- tɛ́ngɛlɛ cò lè kpuʔɔ, nɛ̀ taʔa gíi nɛ̄, pe 'puu nɛ ki nyu nɛ́ jo: «Ki 'kàri fànʔa wī wuʔɔgɔ bé weli taa kpuʔɔ dí weli nɛ́ béli jíin Kulocɛliɛ Kùlofɔligɔ nī gè.»

Fànʔa Kajuʔulo 1:40

Yeli bèle, ye- koli yeri waa waama kùlo mɛ́ lè, bèri waa Nyàʔanivɛgɛ Tiire kuʔɔjii kɔli mɛ́ gè.›

Fànʔa Kajuʔulo 2:1

A Misa wi ń'nɛ̀ ki juu nɛ́ jo: «A weli ń'nɛ̀ koli nɛ̀ yiʔɛ nɛ waa cígini waama kùlo kɔli mɛ́ gè, Nyàʔanivɛgɛ Tiire kuʔɔjii kɔli mɛ́ gè, majo bɛ̀ Yewe cé ki juu m'mɛ́ wè. A weli sɛ́nì Seyiiri nyaguruyo kùlo màʔa lè nɛ̀ mɔgɔ.»