Tɔ́rilɔ 21:16 - Sénoufo Nyarafolo

¹⁶ A pe ń'nɛ̀ yɛ̀ nɛ̀ kɛ́ nɛ̀ sɛ́nì nɔ̀ Bɛri kɔ̀lɔ tiʔɛ nɛ̄ gè, kire kɔ̀lɔ ŋáà wire tiʔɛ nī Yewe yé ki juu Misa mɛ́ nɛ́ jo: «-Siɛnnɛ gbuʔulo bèle, kire ga buu mi- luʔɔ kɛn pe mɛ́.»

Tɔ́rilɔ 21:16 Iomraidhean Croise

Sélimɛ 21:19

A Kulocɛliɛ 'Agari yiʔɛ múgu gè, a wi 'kɔ̀lɔ wáà nyaa, a wi sɛ́nì luʔɔ kúu wi nī nɛ̀ le sɛ̀ngɛ forigo nī gè nɛ́ kàa kɛn nàgabile mɛ́ lè á ni‑ gbuɔ.

Yirile 17:6

Mi wè, m'bé yéri náʔa muɔ yiʔɛ mɛ́ gè kàdɛnigbaala láà nɛ̄ Worɛbi nyagurugo nɛ̄ gè. Muɔ bé sa kàdɛnigbaala kpúɔn lè, bà luʔɔ ki bé yiri, siɛnnɛ pe bé gbuɔ.» A Misa 'ki kpíʔile baa Isirayɛli liɛlɛ pe nyaamɛ nɛ̄.

Tɔ́rilɔ 20:8

«-Muɔ kàgbiile líɛ lè, muɔ nɛ́ muɔ luɔ Arawɔn ní wè, ma siɛnnɛ yeri bèle ma gbuʔulo. Má sí juu nɛ́ kàdɛnigbaala ní lè siɛnnɛ nyaamɛ nɛ̄ bè, bà ki bé luʔɔ yige gè. Bà sí ki bé kpíʔile luʔɔ ki béri kɛ́ngi de yigi pe mɛ́ kàdɛnigbaala nī lè, bà muɔ bé Isirayɛli tògo siɛnnɛ kɛn bèle pe- gbuɔ, nɛ́ pe yajuuro ní dè.»

Tɔ́rilɔ 33:46

A pe ń'nɛ̀ yiri Dibɔni Gadi kàʔa táanni gè nɛ̀ sɛ́nì pe bùguro kpúɔn dè Alimɔ Dibilatayimi kàʔa táanni gè.

Zezi Kirisi Kataanna Siɛnrɛ dè Zan juumɔ nɛ̄ bè 4:10

A Zezi wi sí siɛnnugoro kɛn wi mɛ́ nɛ́ wi yɛ: «A ki yē muɔ cé Kulocɛliɛ yakɛngɛ cɛ́n gè, nɛ́ siɛn ŋáà wi 'muɔ yɛ: ‹-Mi kɛn mi gbuɔ wè›, muɔ tíimɛ ma sî ní koli bè wi náari; wi sî muɔ kɛn nɛ́ sìi luʔɔ ní gè.»

Zezi Kirisi Kataanna Siɛnrɛ dè Zan juumɔ nɛ̄ bè 4:14

A ŋìi sí mi luʔɔ gbuɔ gè, luʔɔ gáà m'bé kɛn siɛn mɛ́ wè, luʔɔwuʔɔ sǐ ń'nɛ̀ je kire siɛn taa wè yirile náà nī lèʔ. Nɛ̀ taʔa gíi nɛ̄, luʔɔ gáà m'bé kɛn siɛn mɛ́ wè, ki bé kò lawiile bèri kɛ́ngi de yigi bè bànguɔ sìi kɛn wè wi mɛ́.»

Tìɛlɛ 21:6

A wi 'mi yɛ: «Ti n'dɛ, ti sí nyɛ́nì kpíʔile ! Mi wī Alifa wè nɛ́ Omega wè, mi wī sélimɛ nɛ̄ bè nɛ́ ní láʔala nɛ̄ lè. Mi wè, a luʔɔwuʔɔ yē siɛn ŋíì nɛ̄, m'bé wi kɛn wi- gbuɔ sìi lawiile ni luʔɔ nɛ̄ gè waʔanɛ.

Tìɛlɛ 22:1

A nyìʔɛnɛ tundunwɔ wi 'sìi luʔɔ cáʔa tìɛ gè mi nɛ̄. Ki 'puu nɛ nyíʔɛnɛ cìilige nɛ wéli nɛ sùurí, níɛ kɛ́ngi nɛ yigi kùlofɔlilɔ kácunʔɔ nī gè, Kulocɛliɛ wuʔu gè nɛ́ Sìnbapile ní lè,

Tìɛlɛ 22:17

Kulocɛliɛ Pìle lè nɛ́ cefɔnwɔ ní wè, pe 'jo: «Te báan !» Ŋìi míɛni wi ti lúru dè, wi- jo: «Te báan !» A luʔɔwuʔɔ yē ŋìi nɛ̄, wiri báan. A ŋìi nɛ ki caa bè gbuɔ wè, wi- pa sìi luʔɔ suɔ gè waʔanɛ.