Tɔ́rilɔ 20:8 - Sénoufo Nyarafolo

⁸ «-Muɔ kàgbiile líɛ lè, muɔ nɛ́ muɔ luɔ Arawɔn ní wè, ma siɛnnɛ yeri bèle ma gbuʔulo. Má sí juu nɛ́ kàdɛnigbaala ní lè siɛnnɛ nyaamɛ nɛ̄ bè, bà ki bé luʔɔ yige gè. Bà sí ki bé kpíʔile luʔɔ ki béri kɛ́ngi de yigi pe mɛ́ kàdɛnigbaala nī lè, bà muɔ bé Isirayɛli tògo siɛnnɛ kɛn bèle pe- gbuɔ, nɛ́ pe yajuuro ní dè.»

Tɔ́rilɔ 20:8 Iomraidhean Croise

Sélimɛ 18:14

Yakaa yē baa lé gàa ki 'Yewe jáa wè ? Yiɛlɛ láà bìinɛ ŋáà nī wè, m'bé ní koli bɛn muɔ mɛ́; Sara wi bé jaafɔli taa.»

Ŋúnuyɔ 105:41

A wi 'kàdɛnigbaala kpúɔn lè nɛ̀ jaa, a luʔɔ yɛ̀ nɛ cɛ̀ri nɛ yigi ni nī, a luʔɔ ki 'fúu bɛ̀ lakoligo tíɛlɛ waama kùlo nī lè.

Ŋúnuyɔ 114:8

wire ŋáà wi 'kàdɛnigbaala yiʔɛ lè a ni 'kò pìndiʔɛ gè, nɛ́ kàdɛnigbaala fìile 'kpíʔile lè lawiile lè.

Ŋúnuyɔ 33:9

Wire wi 'juu á ki 'kpíʔile bɛ̀, wire wi 'ki juu nɛ̀ gbɛ̀ngɛ á ki 'yéri bɛ̀.

Yirile 14:16

Muɔ wè, ma kàgbiile yɛ̀gɛ lè, ma muɔ kɔli sìɛn gè kuʔɔjii nɛ̄ wè, ma ki ceri tiɛyɛ siin, kire ga buu Isirayɛli siɛnnɛ pe- luʔɔ jeli gè dàawaʔala nɛ̄ lè.

Yirile 17:9

A Misa 'ki juu Yesuwe mɛ́ nɛ́ jo: «Yɛ̀ ma nàguɔlɔ pálì nyíɛnɛ ma kɔ̀n ma sa kapiɛnnɛ kpúɔn lè nɛ́ Amalɛki ní wè. Mbànʔa gè, m'bé yɛ̀ bè yéri nyagurugo naamɛ gè nɛ́ Kulocɛliɛ kàgbiile ní lè mi kɔli nī gè.»

Yirile 4:17

-Kàgbiile náà cò lè muɔ kɔli nī gè; lire ní muɔ béri fìɛlɛ kpínʔini bèle.»

Yirile 4:2

A Yewe sí wi yɛ: «Gáayɛgɛ gī gàa gè muɔ kɔli nī gè ?» A Misa sí jo: «Kàgbiile nī.»

Yirile 4:20

A Misa 'yɛ̀ nɛ̀ wi cuɔ líɛ wè, nɛ́ wi jaala ní bèle, nɛ̀ pe tárigɛ sèfɛngɛlɛ nɛ̄ gèle, nɛ̀ koli nɛ waa Ezipiti kùlo mɛ́ lè. A Misa 'Kulocɛliɛ kàgbiile cò lè wi kɔli nī gè.

Yirile 7:20

A Misa nɛ́ Arawɔn 'ki kpíʔile gàa Yewe yé juu nɛ̀ gbɛ̀ngɛ gè. A Arawɔn 'kàgbiile yɛ̀gɛ lè Farawɔn nɛ́ wi siɛnkpolilo nyaamɛ nɛ̄ bè, nɛ̀ Niili cáʔa luʔɔ kpúɔn gè. A Niili cáʔa luʔɔ ki mìɛni yiʔɛ nɛ̀ kò sìsiɛn.

Tɔ́rilɔ 20:11

A Misa 'fali nɛ̀ wi kɔli yɛ̀gɛ gè nɛ̀ sɛ́nì kàdɛnigbaala kpúɔn lè tɔliyɔ siin nɛ́ wi kàgbiile ní lè, a luʔɔ ki 'fali nɛ̀ yiri nìʔɛgɛ. A tògo siɛnnɛ pe 'gbuɔ, nɛ́ pe yajuuro ní dè.

Tɔ́rilɔ 20:7

A Yewe 'juu nɛ́ Misa ní nɛ́ jo:

Tɔ́rilɔ 21:15

nɛ́ ki gòriyo ní yè nyàa yi fúu nɛ waa Ari kàʔa tɛ́nimɛ kɔli mɛ́ gè, nɛ̀ sɛ́nì nɔ̀ Mowabi kùlo láʔala nɛ̄ lè.

Tɔ́rilɔ 21:18

Kɔ̀lɔ n'ŋɛ ŋàa fànʔafɔlilɔ pe 'túgu wè, á siɛnkpolilo pe 'wi túgu wè nɛ́ pe fànʔa kàgbiʔile ní gèle, nɛ́ pe kpòyo ní yè.» A pe ń'nɛ̀ yɛ̀ waama kùlo tiʔɛ nī gè, nɛ̀ kɛ́ nɛ̀ sɛ́nì nɔ̀ Matana tiʔɛ nī gè;

Matiye 21:21

A Zezi wi 'siɛnnugoro kɛn pe mɛ́ nɛ́ pe yɛ: «M'bé ki juu yeli mɛ́ kányiʔɛ nɛ̄, a tɛ́ngɛlɛ yē yeli mɛ́, á yeli wè káala wèʔ, gìi ki 'kpíʔile sàanfiidiige nɛ̄ gè, kire yákuɔ bɛ̀ʔ yeli bé kpíʔileʔ. Yeli bé cɛ gbɛ̀ juu nɛ́ nyagurugo gáà ní gè bé ki yɛ: ‹Kɔ́n náʔa gè ma sa tuu kuʔɔjii nī wè›, ki bé kpíʔile.

Luku 11:13

A ki sí yē yeli bálì bīɛlɛ sìpiile bèle, yeli 'jáa bè gbɛ̀ yacɛ̀nrɛ kɛn yeli pìile mɛ́ bèle, yeli sì ki cɛ́n lé yeli Tuu ŋáà wī baa nyìʔɛnɛ nī lè, wi bé wi Pìle kɛn lè bìli mɛ́ pe wi náari bèle, bè tóri yeli kɛngɛnmɛ nɛ̄ bè ?»

Zezi Kirisi Kataanna Siɛnrɛ dè Zan juumɔ nɛ̄ bè 16:24

«Nɛ̀ líɛ nɛ̀ pɛ́nì nɔ̀ ŋɔ̀ wè, yeli sì fìɛ yafiɛn náari mi míʔɛ nɛ̄ gèʔ. Yeri náari yeli bé taa, dí yeli fundaanra ti sí fori bè láʔa.»

Kakpiʔiligele 1:14

Pe mìɛni bálì pe 'puu nɛ pínɛ nɛ kòrí fungo ní gè nigbe níɛ Kulocɛliɛ náari wè, peli nɛ́ cɛlilɛ ní bèle, nɛ́ Maari ní wè Zezi yàa wè, nɛ́ Zezi wi siinyɛninɛ ní bèle.

Tìɛlɛ 22:1

A nyìʔɛnɛ tundunwɔ wi 'sìi luʔɔ cáʔa tìɛ gè mi nɛ̄. Ki 'puu nɛ nyíʔɛnɛ cìilige nɛ wéli nɛ sùurí, níɛ kɛ́ngi nɛ yigi kùlofɔlilɔ kácunʔɔ nī gè, Kulocɛliɛ wuʔu gè nɛ́ Sìnbapile ní lè,

Tìɛlɛ 22:17

Kulocɛliɛ Pìle lè nɛ́ cefɔnwɔ ní wè, pe 'jo: «Te báan !» Ŋìi míɛni wi ti lúru dè, wi- jo: «Te báan !» A luʔɔwuʔɔ yē ŋìi nɛ̄, wiri báan. A ŋìi nɛ ki caa bè gbuɔ wè, wi- pa sìi luʔɔ suɔ gè waʔanɛ.