Tɔ́rilɔ 20:6 - Sénoufo Nyarafolo

⁶ A Misa nɛ́ Arawɔn 'yiri pe tògo sunʔɔmɔ nī bè nɛ̀ kɛ́ Kpàlidiʔɛ Kpátaʔa wìile mɛ́ lè. A pe sɛ́nì tuu nɛ̀ yiɛyɛ cúbulo yè dàala nɛ̄ lè. A Yewe cɛ̀nmɛ nɛ́ wi kpuɔmɔ pi 'fali nɛ̀ pìi tìɛ pe nɛ̄.

Tɔ́rilɔ 20:6 Iomraidhean Croise

Yirile 16:10

Bà Arawɔn 'puu nɛ nyu nɛ́ Isirayɛli tògo siɛnnɛ ní bèle, a pe 'yiʔɛ nɛ̀ yiɛyɛ wáa yè waama kùlo kɔli mɛ́ gè. Kire tiʔɛ nī gè, a Yewe 'wi cɛ̀nmɛ nɛ́ wi kpuɔmɔ tìɛ bè pe nɛ̄ kàsadibagɛ nī gè.

Yirile 17:4

A Misa sí yékpoli wáa Yewe mɛ́ nɛ́ jo: «Gáa mi 'yɛli bè kpíʔile siɛnnɛ bálì mɛ́ bèle ? Ki 'kò cɛ̀ri dí pe sí mi wáa gbúu nɛ́ kàdari ní !»

Tɔ́rilɔ 12:5

A Yewe 'tìgi kàsadibagɛ nī gáà ki 'tɔni nɛ̀ cùungu gè, nɛ̀ yéri Kpátaʔa wìile yiʔɛ mɛ́ gè, nɛ́ Arawɔn nɛ́ Miriyami yeri wè, a pe siin pe 'sìʔɛrɛ nɛ̀ kpɔni wi nɛ̄.

Tɔ́rilɔ 14:10

A Isirayɛli tògo siɛnnɛ pe mìɛni 'fali nɛ ki nyu nɛ́ jo: «Ye- tí we- pe wáa nɛ́ kàdari ní !» A Yewe cɛ̀nmɛ nɛ́ wi kpuɔmɔ pi 'fali nɛ̀ tìgi Kpàlidiʔɛ Kpátaʔa nɛ̄ gè.

Tɔ́rilɔ 14:5

A Misa nɛ́ Arawɔn 'fali nɛ̀ tuu nɛ̀ yiɛyɛ cúbulo yè dàala nɛ̄ lè, Isirayɛli tògo siɛnnɛ pe mìɛni yiʔɛ mɛ́ gè, bàli pe 'puu gbuʔulilo bèle.

Tɔ́rilɔ 16:19

A Kore míɛni 'wi gboli siɛnnɛ pe mìɛni gbuʔulo pìye nɛ̄ Kpàlidiʔɛ Kpátaʔa wìile yiʔɛ mɛ́ gè. Cɛ̀ri 'sìʔɛrɛ, a Yewe cɛ̀nmɛ nɛ́ wi kpuɔmɔ pi 'fali nɛ̀ tìgi siɛnnɛ pe mìɛni nyaamɛ nɛ̄.

Tɔ́rilɔ 16:22

A Misa nɛ́ Arawɔn pe 'fali nɛ̀ tuu nɛ̀ yiɛyɛ cúbulo yè dàala nɛ̄ lè, nɛ́ náari nɛ́ jo: «ʔé, Kulocɛliɛ, muɔ ŋáà kiyɛ nī siɛnnɛ sìi wi yē wè, muɔ bé muɔ fungo yɛ̀gɛ gè lé Isirayɛli siɛnniʔɛmɛ tògo gáà ki mìɛni kúrugu gè lé, nɛ̀ sí ki yaʔa siɛn nigbe wī ŋàa wi 'kapiile kpíʔile lé ?»

Tɔ́rilɔ 16:4

Bà Misa 'kire siɛnrɛ lúʔu dè, a wi 'fali nɛ̀ tuu nɛ̀ yiʔɛ cúbulo gè dàala nɛ̄ lè.

Tɔ́rilɔ 20:7

A Yewe 'juu nɛ́ Misa ní nɛ́ jo:

Matiye 26:39

A wi 'fali nɛ̀ sìʔɛrɛ cɛ̀ri nɛ̀ sɛ́nì tuu nɛ̀ yiʔɛ kíri gè dàala nɛ̄ lè, nɛ náari nɛ́ jo: «Tuufɔli, a ki yē ki bé gbɛ̀ kpíʔile gè, -wuʔɔgɔ gáà líili gè mi nɛ̄. Mi sí wè ki mɛ́ gìi mi nɛ caa gèʔ, fúɔ macɛn gìi muɔ nɛ caa gè.»