Tɔ́rilɔ 20:16 - Sénoufo Nyarafolo

¹⁶ Bà weli sí kòkuʔulo wáa Yewe kúrugu wè, a wi 'ke lúʔu gèle, a wi 'tundunwɔ wáà tun a wi pɛ́nì weli yige Ezipiti kùlo nī lè. «Weli sí m'bɛlɛ náʔa Kadɛsi kàʔa nī gè, gàa gī muɔ kùlo láʔala nɛ̄ lè.

Tɔ́rilɔ 20:16 Iomraidhean Croise

Yirile 14:10

Bà Farawɔn 'puu nɛ kpɔni pe nɛ̄ wè, a Isirayɛli siɛnnɛ pe 'yiʔɛ yɛ̀gɛ gè nɛ̀ ki nyaa Ezipiti siɛnnɛ pe ń'nɛ̀ yiri nɛ̀ taʔa peli nɛ̄ ! Fíɛrɛ ti yé Isirayɛli siɛnnɛ cò bèle kpuʔɔ, a pe 'yékpuʔulo wáa nɛ̀ Yewe náari.

Yirile 14:19

Nyìʔɛnɛ tundunwɔ ŋáà wi 'puu nɛ kínigi Isirayɛli siɛnnɛ pe yiʔɛ mɛ́ gè, a wire 'koli nɛ̀ pɛ́ni kò pe kàduʔu mɛ́ gè, a kàsadibagɛ sìtɔnigɔ gáà ki 'cùungu gè kire 'yéri míɛni pe kàduʔu mɛ́.

Yirile 23:20

«M'bé mi nyìʔɛnɛ tundunwɔ tórigo wè muɔ yiʔɛ mɛ́, muɔ ŋáà wī mi siɛnmɛ bè, wiri muɔ wéli koligo nɛ̄ gè, bè sa muɔ nyɔ́gɔ tiʔɛ nī gè gàa mi 'gbòbori muɔ mɛ́ gè.

Yirile 33:2

M'bé mi nyìʔɛnɛ tundunwɔ tórigo wè muɔ yiʔɛ mɛ́, bé sí Kanaa siɛnnɛ cìra bèle bè yige, peli nɛ́ Amɔriyé ní bèle, nɛ́ Etiyé, nɛ́ Pereziyé, nɛ́ Eviyé nɛ́ Jebusiyé ní bèle.

Yirile 6:5

Ki 'nyaa, mi tíimɛ nyɛ́nì Isirayɛli siɛnnɛ pe cíɛnmɛ lúʔu bè, peli bálì bīɛlɛ Ezipiti siɛnnɛ piyē nɛ wuʔɔ sùkulomɔ nɛ̄ bè, a mi 'sɔ̀ngi nɛ̀ taa nɛ́ mi nyakungɛngɛ ní gè.

Tɔ́rilɔ 20:15

Faʔa faʔa gè, weli tobilo pe yé kɛ́ Ezipiti kùlo mɛ́ lè, baa pe 'weli sii kire tiʔɛ nī gè yiɛniʔɛgɛlɛ gálì sunʔɔmɔ nī bè. Nɛ̀ ki yaʔa Ezipiti siɛnnɛ pe 'weli tobilo wuʔɔ bèle, nɛ̀ pɛ́nì weli wuʔɔ míɛni.

Tɔ́rilɔ 21:22

«-Weli yaʔa weli sùuri muɔ kùlo nī lè. Weli sì je jíin muɔ siʔi káà nīʔ, bé nɛ́ ga jo ɛrɛzɛn siʔi káà nī wīʔ. Weli míɛni sì je muɔ kɔ̀lɔ wáà luʔɔ gbuɔʔ. Weli béri waa kùlofɔli koligo yákuɔ nī gè, fúɔ bè taa weli sa sùuri bè yiri muɔ kùlo nī lè.»

Tɔ́rilɔ 33:37

A pe ń'nɛ̀ yiri Kadɛsi kàʔa táanni gè nɛ̀ sɛ́nì pe bùguro kpúɔn dè Wori nyagurugo táanni gè, gàa ki yē Edɔmi kùlo táanni lè.

Fànʔa Kajuʔulo 4:34

Á kire bɛ̀ʔ gè o, kulocɛliɛ wáà yē baa lé ŋàa wi 'kùlogolo siɛnfelige káà nyíɛnɛ nɛ̀ kɔ̀n ki- puu wire wuʔu lé, kagbɛngɛlɛ sunʔɔmɔ nī bè, nɛ́ fìɛlɛ ní bèle, nɛ́ kakpoliyo ní yè, nɛ́ kapiɛnnɛ ní lè, nɛ́ wi ŋɔri kɔli ní gè gàa wi 'sáʔa gè, nɛ́ kakpiʔiligele ní gèle gàli ke fíɛrɛ wáari siɛn nɛ̄ wè lé ? Wàa 'ki kpíʔile lé siɛnfelige káà mɛ́ majo bɛ̀ Yewe yeli Kulocɛliɛ ki 'kpíʔile yeli mɛ́ gè Ezipiti kùlo nī lè yeli nyapigele nyaamɛ nɛ̄ bè lé  ?

Fànʔa Kajuʔulo 4:37

Nɛ́ ki cɛ́n bɛ̀ muɔ tobilo woli ni yé kpúʔɔ wi mɛ́, nɛ́ bɛ̀ wi yé pe siimɛ nyíɛnɛ bè nɛ̀ kɔ̀n wè, wire tíimɛ wi nyɛ́nì muɔ yige Ezipiti kùlo nī lè nɛ́ wi ŋɔri kɔli ní gè.