Tɔ́rilɔ 20:12 - Sénoufo Nyarafolo

¹² A Yewe sí ki juu Misa nɛ́ Arawɔn mɛ́ nɛ́ jo: «ʔmʔm díɛʔ ! Yeli sì tɛ́ngɛ mi siɛnrɛ nɛ̄ dèʔ ! Yeli míɛni sì ki tìɛ Isirayɛli siɛnnɛ nɛ̄ bèle dí mi yē tiɛlɛ fùn ! Kire kɛnmɛ nɛ̄ yeli bɛ̀ʔ ye bé siɛnniʔɛmɛ báà nyɔ́gɔ bè kùlo nī lèʔ, nàa nyuɔ mi 'kún nɛ̀ kɛn pe mɛ́ lè.»

Tɔ́rilɔ 20:12 Iomraidhean Croise

Ŋúnuyɔ 106:32

A pe 'Yewe fungo yɛ̀gɛ gè baa Mɛriba luɔyɔ táanni yè, a Misa 'yawuʔɔ taa peli kɛnmɛ nɛ̄.

Ŋúnuyɔ 99:8

Yewe weli Kulocɛliɛ, muɔ wī ma nyɛ́nì lúʔu pe mɛ́. Muɔ yé puu pe mɛ́ Kulocɛliɛ ŋáà wi ki yɛri gè, nɛ̀ ki yaʔa muɔ cé puu nɛ pe kapiʔile fuʔɔ tɔ́ngi gè pe nɛ̄.

Leviiyé 10:3

A Misa 'ki juu Arawɔn mɛ́ nɛ́ jo: «Dàa tire dī Yewe cé juu lɛ̀lɛ líì nī wi 'jo, ‹Bàli pe 'sìʔɛrɛ nɛ̀ kpɔni mi nɛ̄ wè, pe 'yɛli bè ki cɛ́n dí mi yē tiɛlɛ fùn, bà kpuʔɔrɔ bè taʔa mi nɛ̄ siɛnnɛ pe mìɛni nyaamɛ nɛ̄ bè.› » A Arawɔn 'pìiri.

Tɔ́rilɔ 11:15

A ki yē mi 'kpuʔɔrɔ taa muɔ yiʔɛ mɛ́ gè, náʔanɛ muɔ de mi wuʔɔ mmɛ gè, ma mi kpúu sɛni. Bà miǐ ní ń'de mi wuʔɔgɔ nyaʔa gè cíginiʔ !»

Tɔ́rilɔ 20:24

«Arawɔn wiǐ mɔgɔ bé kùu bè kɛ́ wi tobilo kúrugu bèleʔ. Wiǐ ga tíi jíin kùlo nī lèʔ, nàa mi je kɛn Isirayɛli siɛnnɛ mɛ́ bèleʔ, nɛ́ ki cɛ́n yeli nyɛ́nì cíi, yeli sì lúʔu m'mɛ́ʔ, Mɛriba luɔyɔ wuʔu nɛ̄ gèʔ.

Tɔ́rilɔ 27:14

Kire bé kpíʔile bè yɛli nɛ́ gàa ní yeli yé kpíʔile gè lɛ̀lɛ líì nī yeli 'mi siɛnrɛ cíi dè dàa mi yé juu nɛ̀ gbɛ̀ngɛ dè, bà Isirayɛli tògo siɛnnɛ pe 'puu nɛ kúnʔɔri Yewe nɛ̄ wè, baa Zɛnɛ waama kùlo tiʔɛ nī gè. Yeli sì yé kpuʔɔrɔ taʔa mi tiɛlɛfun kɛnmɛ nɛ̄ bè siɛnnɛ yiʔɛ mɛ́ gèʔ, bà yeli cé luʔɔ yige gè kàdɛnigbaala nī lè. Kire yé puu gàa ki yé kpíʔile baa Mɛriba luɔyɔ tiʔɛ nī gè, baa Kadɛsi tɛ́nimɛ nī bè, baa Zɛnɛ waama kùlo tiʔɛ nī gè.»

Matiye 17:17

A Zezi wi 'jo: «ʔé, yeli bèle yirile náà wuulo bèle, yeli yē tɛ́ngɛlɛ fùn, yeli wè sínminɛʔ ! Lɛ̀lɛ jori mi 'yɛli bè kúɔ bile nɛ́ yeli ní cígini ? Lɛ̀lɛ jori mi 'yɛli bè ní yeli kpàri bè ? Ye- pùɔ líɛ wè ye sìʔɛrɛ náʔa mi mɛ́.»

Matiye 17:20

A wi 'pe yɛ: «Yeli tɛ́ngɛlɛ ni 'cɛ́ri nɛ̀ tóri. M'bé sí ki juu yeli mɛ́ kányiʔɛ nɛ̄, a ki yē tɛ́ngɛlɛ yē yeli mɛ́ bɛ̀ mutaridi pìle kpúʔɔgɛnmɛ tíɛlɛ bè, a yeli 'juu nɛ́ nyagurugo gáà ní gè nɛ́ ki yɛ: ‹Kɔ́n bile náʔa gè, mari waa baa mmɛ gè›, ki bé kɔ́n; yafiɛn sì je yeli jáaʔ.

Luku 1:20

Ki sí n'gɛ, muɔ bé kò bobogo, muɔ sǐ ní gbɛ̀ juuʔ, fúɔ bè pa taa cɛngɛ gíì kele gálì ke bé pa kpíʔile ke kpíʔile lɛ̀lɛ nī lè, bɛ̀ muɔ sì tɛ́ngɛ mi siɛnrɛ nɛ̄ dèʔ. Ti bé sí ga pa kpíʔile ti lɛ̀lɛ nī lè.»

Luku 1:45

Muɔ wuʔu kiī tànʔa, muɔ ŋáà ma 'tɛ́ngɛ Kàfɔli wi siɛnrɛ nɛ̄ dè, nɛ́ ki cɛ́n gàa wi 'juu gè ki bé kpíʔile wī.»

Zezi Kirisi Kataanna Siɛnrɛ dè Zan juumɔ nɛ̄ bè 1:17

'Fànʔa Siɛnrɛ dè, Misa wi 'tire tìɛ; gìi sí ki 'kpuʔɔrɔ kúɔ dè, nɛ́ kányiʔɛ ní gè, Zezi Kirisi wi 'pɛn nɛ́ tire ní.

Wurɔmiyé 4:20

Kire nɛ́ ki mìɛni ní, wiì cé káaliyɛ le wìi nī Kulocɛliɛ nyafɛnigɛ ki wori nɛ̄ dèʔ. Wi cé nɛ́ cɛ́nì ŋɔri le tɛ́ngɛlɛ nī lè wī, nɛ̀ kpuʔɔrɔ taʔa Kulocɛliɛ nɛ̄ wè.

Fànʔa Kajuʔulo 1:37

«Yeli kɛnmɛ nɛ̄ bè, a Yewe tíimɛ fungo ki 'yɛ̀ mi kúrugu, a wi 'jo: ‹Muɔ tíimɛ sǐ ga tíi bé jíin baaʔ !

Fànʔa Kajuʔulo 34:4

A Yewe 'ki juu Misa mɛ́ nɛ́ jo: «Kùlo náà lire nī nàa nɛ̄ mi yé kàli nɛ̀ kɛn Birayima mɛ́ wè, nɛ́ Siaga ní wè, nɛ́ Yakuba ní wè, bà mi yé ki juu pe mìɛni nigbe nigbe mɛ́ nɛ́ jo peli siimɛ pire mɛ́ m'bé ni kɛn lè. Mi nyɛ́nì ni tìɛ muɔ nɛ̄, a muɔ 'ni nyaa muɔ tíimɛ nyapigele ní gèle, nɛ̀ ki yaʔa muɔ sǐ jíin baa ni nīʔ.»

Fànʔa Kajuʔulo 4:21

«A Yewe fungo ki 'yɛ̀ kpuʔɔ mi kúrugu yeli kɛnmɛ nɛ̄ bè, a wi 'kàli nɛ́ jo mi sǐ ga tíi Zurudɛn cáʔa jeli gèʔ bè jíin kùtaanna nī lèʔ nàa Yewe yeli Kulocɛliɛ wi bé kɛn yeli mɛ́ lè ni- puu yeli kɔrigɔ gè.

Piɛri 1 3:15

Nɛ̀ ki yaʔa ye- Kirisi kpúʔɔ wè yeli funyɔ nī yè; wi yē yeli Kàfɔli. Ye- puu gbòboriyaʔala bè siɛnnugoro kɛn dè wàa mɛ́ a wi 'yeli yúgo wè, nɛ́ jo gáa nɛ̄ sɔ̀ngirɔ taʔadiʔɛ gáà kiī yeli mɛ́ wè.