Tɔ́rilɔ 20:11 - Sénoufo Nyarafolo

¹¹ A Misa 'fali nɛ̀ wi kɔli yɛ̀gɛ gè nɛ̀ sɛ́nì kàdɛnigbaala kpúɔn lè tɔliyɔ siin nɛ́ wi kàgbiile ní lè, a luʔɔ ki 'fali nɛ̀ yiri nìʔɛgɛ. A tògo siɛnnɛ pe 'gbuɔ, nɛ́ pe yajuuro ní dè.

Tɔ́rilɔ 20:11 Iomraidhean Croise

Ŋúnuyɔ 105:41

A wi 'kàdɛnigbaala kpúɔn lè nɛ̀ jaa, a luʔɔ yɛ̀ nɛ cɛ̀ri nɛ yigi ni nī, a luʔɔ ki 'fúu bɛ̀ lakoligo tíɛlɛ waama kùlo nī lè.

Ŋúnuyɔ 114:8

wire ŋáà wi 'kàdɛnigbaala yiʔɛ lè a ni 'kò pìndiʔɛ gè, nɛ́ kàdɛnigbaala fìile 'kpíʔile lè lawiile lè.

Ŋúnuyɔ 74:15

Muɔ ma 'lawiʔile múgu gèle nɛ́ kápaliyɛ ní yè. Muɔ ma 'cáaya waʔa yè nyàa nī luʔɔ yē súuri yè.

Ŋúnuyɔ 78:15

Wi yé kàdɛnigbaʔala jabari gèle waama kùlo nī lè, a luʔɔ 'yiri yi nī bɛ̀ pìndiʔɛlɛ tíɛlɛ, a pe 'gbuɔ.

Ŋúnuyɔ 78:16

Wi yé lakoliyo yige yè kàdɛnigbaala nī lè, a wi 'luʔɔ yige gè bɛ̀ cáʔa tíɛlɛ.

Ŋúnuyɔ 78:20

Wi nyɛ́nì kàdɛnigbaala kpúɔn lè a luʔɔ 'yiri, lakoliyo yi 'puu nɛ fúu nìʔɛyɛ. Nɛ̀ sí ki yaʔa wi bága jáa bè suro kɛn weli mɛ́ í ? Wi bé gbɛ̀ jáa kaara kɛn wi siɛnnɛ mɛ́ bèle í ?»

Yirile 17:6

Mi wè, m'bé yéri náʔa muɔ yiʔɛ mɛ́ gè kàdɛnigbaala láà nɛ̄ Worɛbi nyagurugo nɛ̄ gè. Muɔ bé sa kàdɛnigbaala kpúɔn lè, bà luʔɔ ki bé yiri, siɛnnɛ pe bé gbuɔ.» A Misa 'ki kpíʔile baa Isirayɛli liɛlɛ pe nyaamɛ nɛ̄.

Leviiyé 10:1

Nadabi nɛ́ Abiyu, Arawɔn jaala bèle, a pe 'pe tingbopigele líɛ gèle nɛ́ kàsunnɛganʔana kálì kɔ̀n nɛ̀ le ke nī, nɛ́ wusuna wo baa. A pe sí pɛn Yewe yiʔɛ mɛ́ gè nɛ́ kàsun káà kiiyɛ ní gàa nɛ̄ Yewe wiì cé fɔ̀li gèʔ, gàa wuʔu wiì cé juu nɛ̀ gbɛ̀ngɛ pe mɛ́ gèʔ.

Tɔ́rilɔ 20:8

«-Muɔ kàgbiile líɛ lè, muɔ nɛ́ muɔ luɔ Arawɔn ní wè, ma siɛnnɛ yeri bèle ma gbuʔulo. Má sí juu nɛ́ kàdɛnigbaala ní lè siɛnnɛ nyaamɛ nɛ̄ bè, bà ki bé luʔɔ yige gè. Bà sí ki bé kpíʔile luʔɔ ki béri kɛ́ngi de yigi pe mɛ́ kàdɛnigbaala nī lè, bà muɔ bé Isirayɛli tògo siɛnnɛ kɛn bèle pe- gbuɔ, nɛ́ pe yajuuro ní dè.»

Matiye 28:20

Yéri pe tìí pe- mi kele ke mìɛni cò, gàli mi 'tìɛ yeli nɛ̄ gèle. Mi wè, mi yē nɛ́ yeli ní cɛnyɛ yi mìɛni, fúɔ bè pa nɔ̀ duniya kúɔmɔ nɛ̄ bè.»

Korɛntiyé 1 10:4

nɛ̀ pínɛ nɛ̀ yagbuɔnugo gbuɔ gè pe mìɛni bèle, Kulocɛliɛ wuʔu gè gàa ki 'puu nɛ yigi sìndɛnigɛ nī gè, sìndɛnigɛ gáà ki cé taʔa pe nɛ̄ bèle. Kire sìndɛnigɛ kire ki 'puu Kirisi wè.

Fànʔa Kajuʔulo 8:15

«Wire wi 'muɔ yiʔɛ kíni gè waama kùlo tiɛkpuʔɔ nɛ́ tiɛpiʔi nī gè; kire tiʔɛ kire nī wɔ̀burɔ ti 'puu suɔnrɔ wori dè nɛ́ náana ní bèle, kire tiʔɛ míɛni ki 'puu luʔɔfundiʔɛ. A Yewe 'ki kpíʔile luʔɔ nɛ yigi baa kàdɛnigbaala fìile nī lè.

Zaki 1:20

Nɛ̀ taʔa gíi nɛ̄, siɛn funyɛrigɛ ki wè kaala kúu ni- puu sínnɛ Kulocɛliɛ yiʔɛ mɛ́ gèʔ.