Tɔ́rilɔ 20:10 - Sénoufo Nyarafolo

¹⁰ A Misa nɛ́ Arawɔn pe 'siɛnnɛ yeri bèle nɛ̀ gbuʔulo kàdɛnigbaala táanni lè, a Misa sí ki juu pe mɛ́ nɛ́ jo: «Yeri lúru mi mɛ́, yeli siɛnluʔubiɛnnɛ bálì bèle ! Weli 'yɛli lé bè luʔɔ yige kàdɛnigbaala náà nī lè bè kɛn yeli mɛ́ ?»

Tɔ́rilɔ 20:10 Iomraidhean Croise

Sélimɛ 40:8

A pe 'Yusufu yɛ wè: «Ŋɔ́niyɔ yi 'tuu weli siɛnnɛ siin nɛ̄ bèle; siɛn sí wè náʔa bè yi kɔri juu wè weli mɛ́ʔ.» A Yusufu wi sí pe yɛ: «Kulocɛliɛ mɛ́ bɛ̀ʔ ki yē lé, bè ŋɔ́niyɔ kɔri tìɛ wè lé ? Ye‑ yi juu ye tìɛ mi nɛ̄.»

Sélimɛ 41:16

A Yusufu sí fali nɛ̀ Farawɔn yɛ wè: «A Kulocɛliɛ bɛ̀ʔ wè, ŋáa wi bé gbɛ̀ jáa bè ŋɔ́nigɔ ki kɔri sɔ́migɔ wè bè juu Farawɔn mɛ́ wè ? Mi yē ŋáa ?»

Ŋúnuyɔ 78:16

Wi yé lakoliyo yige yè kàdɛnigbaala nī lè, a wi 'luʔɔ yige gè bɛ̀ cáʔa tíɛlɛ.

Yirile 17:6

Mi wè, m'bé yéri náʔa muɔ yiʔɛ mɛ́ gè kàdɛnigbaala láà nɛ̄ Worɛbi nyagurugo nɛ̄ gè. Muɔ bé sa kàdɛnigbaala kpúɔn lè, bà luʔɔ ki bé yiri, siɛnnɛ pe bé gbuɔ.» A Misa 'ki kpíʔile baa Isirayɛli liɛlɛ pe nyaamɛ nɛ̄.

Tɔ́rilɔ 20:24

«Arawɔn wiǐ mɔgɔ bé kùu bè kɛ́ wi tobilo kúrugu bèleʔ. Wiǐ ga tíi jíin kùlo nī lèʔ, nàa mi je kɛn Isirayɛli siɛnnɛ mɛ́ bèleʔ, nɛ́ ki cɛ́n yeli nyɛ́nì cíi, yeli sì lúʔu m'mɛ́ʔ, Mɛriba luɔyɔ wuʔu nɛ̄ gèʔ.

Matiye 5:22

Mi wè mi sí yeli yɛ, a siɛn ó siɛn 'fungo tanʔana wi siɛnnyɛni kúrugu, ki 'yɛli pe- kàyuʔu juu ki siɛn nɛ̄ wè. A siɛn sí ní nɛ̀ wi siɛnnyɛni tiʔɛlɛ nɛ́ wi yɛ ‹ledogo wéli díɛ !›, ki siɛn wi 'yɛli pe- wi yeri kàyuʔujuulo gboli mɛ́ lè. A siɛn sí ní nɛ̀ wi siɛnnyɛni tiʔɛlɛ nɛ́ jo ‹kàalafɔli wéli díɛ !›, ki siɛn wi 'yɛli bè jíin bànguɔ kàsun nī gè.

Korɛntiyé 1 3:7

Kire kɛnmɛ nɛ̄, ŋàa wi 'ki cɔ́ri gè, wire wè yakaaʔ, nɛ̀ pínɛ ŋàa wi 'ki fuɔn gè, wire bɛ̀ʔ. Ki 'nyaa Kulocɛliɛ wire ŋáà wi 'ki kpíʔile gè, wire wī kayugofɔli wè.

Efɛziyé 4:26

A yeli funyɔ yi 'yɛ̀, ye fǎga kapiile kpíʔileʔ. Cɛngɛ kiì yɛli bè jíin bè yeli funyɔ yaʔa yè yi de tíin yɛ̀riyɛʔ.

Fànʔa Kajuʔulo 9:24

Nɛ́ ki líɛ mi 'yeli cɛ́n wè, yeli yē siɛnciile Yewe kɔli mɛ́ gè.

Zaki 3:2

Ki 'nyaa we mìɛni bèle, wiyē nɛ tun kele nìʔɛgɛlɛ nī. A siɛn ŋíì wè tun nyasiɛnrɛ nī dèʔ, kire siɛn wi 'nyuɔ nɛ̀ fori, wi bé wìi cògɛnmɛ cɛ́n.