Tɔ́rilɔ 20:1 - Sénoufo Nyarafolo

¹ Yiɛlɛ ni yebelige nī gè, a Isirayɛli tògo siɛnnɛ pe mìɛni sɛ́nì nɔ̀ Zɛnɛ waama kùlo nɛ̄ lè, a pe 'tɛ́ni baa Kadɛsi kàʔa táanni gè. Kire tiʔɛ kire nī Miriyami wi 'kùu, a pe 'wi tɔ́n baa.

Tɔ́rilɔ 20:1 Iomraidhean Croise

Sélimɛ 14:7

A pe 'koli baa kire tiʔɛ nī gè nɛ̀ pɛ́nì nɔ̀ kàʔa káà nɛ̄ gàa pe 'puu nɛ yeri faʔa gè Ɛni Misipati wè níɛ ki yeri píra ŋáà nī wè Kadɛsi wè. A pe 'Amalɛki kùlo siɛnnɛ jáa bèle, nɛ́ míɛni Amɔri siɛnnɛ ní bèle bàli pe 'puu Azazɔn Tamari kàʔa wuulo bèle.

Ŋúnuyɔ 29:8

Yewe yékpoli niī nɛ waama kùlo cúungu lè. Yewe wiī nɛ Kadɛsi waama kùlo cúungu lè.

Yirile 15:20

Miriyami wè, Kulocɛliɛ siɛnjuuwo wè, Arawɔn juɔ wè, a wire pìnbile láà líɛ wi kɔli nī gè, a cɛlilɛ pe mìɛni 'taʔa wi nɛ̄ nɛ yúu, níɛ pìnbigele kpúɔn gèle.

Yirile 2:4

A pìfinʔɛ ki juɔ wi 'sìʔɛrɛ nɛ̀ yéri níɛ wéli baa, gàa ki bága kpíʔile gè.

Yirile 2:7

A pìfinʔɛ ki juɔ wi 'Farawɔn póri yɛ wè: «Muɔ nɛ caa lé mi- sa cɛliwɛ wáà caa Eburulo cɛlilɛ nī bèle wi- pari pìfinʔɛ kanʔa gè kiri ŋɔri muɔ mɛ́ lé ?»

Tɔ́rilɔ 12:1

Ki 'nyaa, Misa cé Kusi kùlo cuɔ wáà líɛ. A Miriyami 'wi sànʔa, a Arawɔn míɛni 'wúɔ nɛ́ wi ní, a pe 'wi sànʔa kire kɛnmɛ nɛ̄ bè.

Tɔ́rilɔ 12:10

A kàsadibagɛ ki 'fali nɛ̀ yɛ̀ Kpátaʔa naamɛ gè. A yaanyiɛmɛ 'fali nɛ̀ Miriyami cò a wi céri ti 'yiʔɛ nɛ̀ fílige pérepere. A Arawɔn 'yiʔɛ nɛ̀ Miriyami wéli wè, a wi 'ki nyaa: yaanyiɛmɛ 'wi cò.

Tɔ́rilɔ 12:15

A pe 'fali nɛ̀ Miriyami yige wè bùguro nī dè a wi sɛ́nì cɛnyɛ kɔlisiin kúɔ kpànʔanɛ. Kire nɛ̄ a siɛnnɛ pe 'yéri, piyè cé ń'nɛ puu nɛ waa tánʔana nɛ̄ lèʔ fúɔ nɛ̀ taa a wi 'koli nɛ̀ pɛn bùguro nī dè.

Tɔ́rilɔ 13:21

A pe 'fali nɛ̀ yɛ̀ nɛ̀ kɛ́ nɛ̀ ki séli Zɛnɛ waama kùlo tiʔɛ nī gè, nɛ̀ kùlo saanri lè fúɔ nɛ̀ sɛ́nì nɔ̀ Erewobi kàʔa nɛ̄ gè, kire gáà ki 'puu Lebo Amati kàʔa táanni gè.

Tɔ́rilɔ 13:26

A pe pɛ́nì yéri Misa nɛ́ Arawɔn yiʔɛ mɛ́ gè, nɛ́ Isirayɛli tògo siɛnnɛ pe mìɛni ní, baa Paran waama kùlo nī lè, Kadɛsi kàʔa tiʔɛ nī gè. A pe pɛ́nì siɛnnugoro juu dè nɛ̀ tìɛ Isirayɛli tògo siɛnnɛ pe míɛni nɛ̄, nɛ́ kùlo ni yasɛnrɛ tìɛ dè pe nɛ̄.

Tɔ́rilɔ 20:16

Bà weli sí kòkuʔulo wáa Yewe kúrugu wè, a wi 'ke lúʔu gèle, a wi 'tundunwɔ wáà tun a wi pɛ́nì weli yige Ezipiti kùlo nī lè. «Weli sí m'bɛlɛ náʔa Kadɛsi kàʔa nī gè, gàa gī muɔ kùlo láʔala nɛ̄ lè.

Tɔ́rilɔ 20:22

A Isirayɛli tògo siɛnnɛ pe mìɛni pe 'yiri Kadɛsi tiʔɛ nī gè nɛ̀ kɛ́ Wori nyagurugo mɛ́ gè.

Tɔ́rilɔ 20:28

A Misa wi 'Arawɔn burudo fòlilo dè nɛ̀ ti le Arawɔn jaa Eleyazari nɛ̄ wè. A Arawɔn wire 'kùu baa nyagurugo naamɛ gè. A Misa nɛ́ Eleyazari a peli 'koli nɛ̀ tìgi nyagurugo nɛ̄ gè.

Tɔ́rilɔ 26:59

Yokebɛdi wi 'puu Amirami cuɔ wè; wire yé puu Levii póri wè ŋàa wi 'sii Ezipiti kùlo nī lè. A wi 'Arawɔn, nɛ́ Misa, nɛ́ pe juɔ Miriyami sii Amirami mɛ́.

Tɔ́rilɔ 27:14

Kire bé kpíʔile bè yɛli nɛ́ gàa ní yeli yé kpíʔile gè lɛ̀lɛ líì nī yeli 'mi siɛnrɛ cíi dè dàa mi yé juu nɛ̀ gbɛ̀ngɛ dè, bà Isirayɛli tògo siɛnnɛ pe 'puu nɛ kúnʔɔri Yewe nɛ̄ wè, baa Zɛnɛ waama kùlo tiʔɛ nī gè. Yeli sì yé kpuʔɔrɔ taʔa mi tiɛlɛfun kɛnmɛ nɛ̄ bè siɛnnɛ yiʔɛ mɛ́ gèʔ, bà yeli cé luʔɔ yige gè kàdɛnigbaala nī lè. Kire yé puu gàa ki yé kpíʔile baa Mɛriba luɔyɔ tiʔɛ nī gè, baa Kadɛsi tɛ́nimɛ nī bè, baa Zɛnɛ waama kùlo tiʔɛ nī gè.»

Tɔ́rilɔ 33:36

A pe ń'nɛ̀ yiri Eziyɔn Gebɛri kàʔa táanni gè nɛ̀ sɛ́nì pe bùguro kpúɔn dè Kadɛsi kàʔa táanni gè, Zɛnɛ waama kùlo nī lè.

Fànʔa Kajuʔulo 1:46

Kire nɛ̄ a yeli 'kò baa fúɔ nɛ̀ mɔgɔ nɛ̀ tóri Kadɛsi kàʔa nī gè.»

Fànʔa Kajuʔulo 2:14

Nɛ̀ ki líɛ Kadɛsi Barinɛya kàʔa nɛ̄ gè fúɔ nɛ̀ sɛ́nì Zɛrɛdi kápaligɛ jeli gè, weli tánʔana mɔgɔgɛnmɛ bè, pi mìɛni 'puu yiʔɛlɛ togo nɛ́ kpɔrigɔ nɛ́ kataanri. Kire yé kpíʔile kire ga buu kapiɛngbuɔn kɛ̀nnɛ náà siɛnnɛ bèle pe- mìɛni kùu bè yiri bùguro nī dè, majo bɛ̀ Yewe cé ki kàli nɛ̀ kɛn pe mɛ́ wè.

Fànʔa Kajuʔulo 32:51

«Nɛ́ ki cɛ́n, yeli cé koli m'mɛ́ Isirayɛli siɛnnɛ nyaamɛ nɛ̄ bè, baa Mɛriba Kadesi luɔyɔ tiʔɛ nī gè, baa Zɛnɛ waama kùlo nī lè, bà yeli sì cé mi tiɛlɛfun kɛnmɛ kpúʔɔ bèʔ, Isirayɛli siɛnnɛ yiʔɛ mɛ́ gè.