Tɔ́rilɔ 2:34 - Sénoufo Nyarafolo

³⁴ A Isirayɛli siɛnnɛ pe 'ti sɔ́migɔ nɛ̀ kpíʔile nɛ̀ yɛli nɛ́ dàa ní Yewe cé juu nɛ̀ gbɛ̀ngɛ Misa mɛ́ wè. Pe 'puu nɛ pe bùguro kpúɔn dè pe káfalilɛ láara bèle, níɛ yɛ̀gí nɛ waa taʔalimɛ taʔalimɛ pìye kúrugu nɛ̀ yɛli nɛ́ pe nariyɛ nɛ́ pe tobilo kpáaya kɛnmɛ ní bè.

Tɔ́rilɔ 2:34 Iomraidhean Croise

Ŋúnuyɔ 119:6

Kire bé ki yaʔa fìɛrɛ sì ga tíi mi taaʔ, bà mi nɛ sɔ̀ngí muɔ kajuudiʔɛlɛ ke mìɛni nɛ̄ gèle.

Yirile 39:42

A Isirayɛli siɛnnɛ pe 'baara ti mìɛni kúɔ nɛ̀ yɛli nɛ́ gàa ní Yewe cé juu nɛ̀ gbɛ̀ngɛ Misa mɛ́ wè.

Tɔ́rilɔ 1:19

A pe 'pe sɔ́migɔ nɛ̀ pe tɔ́ri baa Sinayii waama kùlo nī lè, nɛ̀ yɛli nɛ́ gàa ní Yewe yé juu nɛ̀ gbɛ̀ngɛ Misa mɛ́ wè.

Tɔ́rilɔ 1:52

«Isirayɛli siɛnnɛ nī bèle, siɛn ó siɛn bé wi fɛ̀ni saʔa kóri gè bùguro nī dè tiʔɛ gíì pe bé tìɛ wi nɛ̄ gè, wi káfali láara wè, baa wi kapiɛngbuɔn tògo nī gè.

Tɔ́rilɔ 1:54

A Isirayɛli siɛnnɛ pe 'ti mìɛni kúɔ nɛ̀ yɛli nɛ́ gàa ní Yewe cé juu nɛ̀ gbɛ̀ngɛ Misa mɛ́ wè. Kire gī gàa pe 'kpíʔile gè.

Tɔ́rilɔ 10:12

A Isirayɛli siɛnnɛ pe 'yɛ̀ nɛ̀ yiri Sinayii waama kùlo tiʔɛ nī gè nɛ sìʔɛrɛ nɛ waa cɛ̀cɛ. A kàsadibagɛ ki sɛ́nì yéri Paran waama kùlo tiʔɛ nī gè.

Tɔ́rilɔ 10:28

Kɛnmɛ báà pire nɛ̄ Isirayɛli siɛnnɛ pe 'puu nɛ waa, kapiɛngbuɔn tòyo nyáà yi gbuʔulo nī gèle. Bà pe 'puu nɛ ki kpínʔini a pe 'yɛ̀ nɛ waa wè.

Tɔ́rilɔ 2:2

«Isirayɛli siɛnnɛ pe mìɛni nigbe nigbe bé tɛ́ni bùguro nī dè pe káfalilɛ láara bèle, pe tobilo kpáaya fìɛlɛ láara bèle. Pe 'bùguro ti bé líili bè yɛli, bè Kpàlidiʔɛ Kpátaʔa màʔa gè bè suʔu.

Tɔ́rilɔ 2:33

Nɛ̀ ki yaʔa piyè cé Leviiyé tɔ́ri bèle nɛ̀ le baa Isirayɛli siɛnnɛ nī bèleʔ, nɛ̀ yɛli nɛ́ dàa ní Yewe cé juu nɛ̀ gbɛ̀ngɛ Misa mɛ́ wè.

Tɔ́rilɔ 23:21

Cúʔɔmɔ wè nɛ báan baaʔ, bàa pi bé Yakuba taa wè. Fuunmɔ wè nɛ nyaʔaʔ, bàa pi báan Isirayɛli siɛnnɛ kúrugu bèleʔ. Yewe pe Kulocɛliɛ wè, wiī nɛ́ pe ní; pe 'wi nyíɛnɛ nɛ̀ kɔ̀n pe Kùlofɔli.

Tɔ́rilɔ 24:2

A Balaami 'yiʔɛ yɛ̀gɛ gè, a wi 'Isirayɛli siɛnnɛ nyaa bèle a pe 'bùguro kpúɔn dè gbuʔulo gbuʔulo, nɛ̀ yɛli nɛ́ pe saaya tùluyo ní yè. A Kulocɛliɛ Pìle ni 'fali nɛ̀ tìgi wi nɛ̄.

Tɔ́rilɔ 3:1

Arawɔn nɛ́ Misa wè, peli pìile tùlugo siɛnrɛ dī dàa dè, lɛ̀lɛ líì nī Yewe juu nɛ́ Misa ní wè Sinayii nyagurugo nɛ̄ gè.

Luku 1:6

Pe mìɛni siin pe 'puu siɛnsinminɛ Kulocɛliɛ yiʔɛ mɛ́ gè, nɛ Kàfɔli wi kajuʔulo nɛ́ wi sínmɛ kakpiʔiligele ke mìɛni koliyo tári yè kolimɔ fùn.