Tɔ́rilɔ 2:2 - Sénoufo Nyarafolo

² «Isirayɛli siɛnnɛ pe mìɛni nigbe nigbe bé tɛ́ni bùguro nī dè pe káfalilɛ láara bèle, pe tobilo kpáaya fìɛlɛ láara bèle. Pe 'bùguro ti bé líili bè yɛli, bè Kpàlidiʔɛ Kpátaʔa màʔa gè bè suʔu.

Tɔ́rilɔ 2:2 Iomraidhean Croise

Ŋúnuyɔ 74:4

Muɔ piɛnnɛ pe 'cuulo bɛ̀ jàri tíɛlɛ muɔ kpàlidiʔɛ sunʔɔmɔ nī bè, á pe 'pe káfalilɛ cɔ́ri bèle nɛ̀ yérige baa.

Ŋúnuyɔ 76:11

Siɛnnɛ pe béri muɔ gbùʔɔrɔ́ muɔ fundanʔanigɛ kàyuʔujuuro tire kɛnmɛ nɛ̄ siɛnnɛ nɛ̄ bèle, a muɔ 'fundanʔanigɛ kapiɛnnɛ bururo le dè.

Tɔ́rilɔ 1:50

Muɔ 'yɛli bè Leviiyé tɛ́ngɛ bèle peri Kòridiʔɛ wéli gè, gáa gī nyakungɛngɛ siɛnrɛ kàdɛnitɛnyɛ yi tɛ́ngɛdiʔɛ gè, nɛ́ ki yakpiʔilide ti mìɛni ní dè, nɛ́ ki yɛrɛ ti mìɛni ní dè. Pe 'yɛli bèri Koridiʔɛ nɛ́ ki yakpiʔilide ti mìɛni turu dè, béri ti wéli. Pe béri pe bùguro kpúɔn dè bèri Koridiʔɛ màʔa gè.

Tɔ́rilɔ 10:14

Zuda gboli wuulo bèle, kapiɛngbuɔn tòyo taanri yi 'puu nɛ waa wi káfali láara wè. Nasɔn, Aminadabi jaa wè, wire wi 'puu Zudayé kapiɛngbuɔn tògo ki kàfɔli wè.

Tɔ́rilɔ 10:18

Wurubɛni gboli wuulo bèle, kapiɛngbuɔn tòyo taanri yi 'puu nɛ waa wi káfali láara wè. Elizuri, Sedewuri jaa wè, wire wi 'puu Wurubɛniyé kapiɛngbuɔn tògo ki kàfɔli wè.

Tɔ́rilɔ 10:22

Ɛfirayimi gboli wuulo bèle, kapiɛngbuɔn tòyo taanri yi 'puu nɛ waa wi káfali láara wè. Elisama, Amikudi jaa wè, wire wi 'puu Ɛfirayimiyé kapiɛngbuɔn tògo ki kàfɔli wè.

Tɔ́rilɔ 10:25

Dan gboli wuulo bèle, kapiɛngbuɔn tòyo taanri yi 'puu nɛ waa wi káfali láara wè, nɛ̀ pe mìɛni kàduʔu tɔ́n gè pe kapiɛngbuɔn tòyo nī yè. Akiyɛzɛri, Amisadayi jaa wè, wire wi 'puu Danyé kapiɛngbuɔn tògo ki kàfɔli.

Tɔ́rilɔ 2:1

A Yewe ń'nɛ̀ ki juu Misa nɛ́ Arawɔn mɛ́ nɛ́ pe yɛ:

Tɔ́rilɔ 2:10

«Bàli bīɛlɛ Wurubɛni gboli wuulo bèle, pe bé pe bùguro kpúɔn dè gboli ni káfali láara wè, Kòridiʔɛ lìʔɛlɛ cɛngɛnyɛnifolimɛ kàliige kɔli mɛ́ gè. Siɛn ó siɛn 'yɛli wi- puu wi kapiɛngbuɔn tògo nī gè. Elizuri wè, Sedewuri jaa wè, wire wī Wurubɛniyé kàfɔli wè.

Tɔ́rilɔ 2:3

«Gàa sí gī baa gè, bàli bīɛlɛ Zuda gboli wuulo bèle, pe bé pe bùguro kpúɔn dè gboli ni káfali láara wè, Kòridiʔɛ lìʔɛlɛ nī lè cɛngɛnyɛnifoligɔli mɛ́ gè. Siɛn ó siɛn 'yɛli wi- puu wi kapiɛngbuɔn tògo nī gè. Nasɔn, Aminadabi jaa wè, wire wī Zudayé kàfɔli wè.

Tɔ́rilɔ 24:2

A Balaami 'yiʔɛ yɛ̀gɛ gè, a wi 'Isirayɛli siɛnnɛ nyaa bèle a pe 'bùguro kpúɔn dè gbuʔulo gbuʔulo, nɛ̀ yɛli nɛ́ pe saaya tùluyo ní yè. A Kulocɛliɛ Pìle ni 'fali nɛ̀ tìgi wi nɛ̄.

Korɛntiyé 1 14:33

Nɛ́ ki cɛ́n Kulocɛliɛ wi wè nɛ kanyaʔamirɛ kpínʔiniʔ, macɛn yanyige. Nɛ̀ yɛli nɛ́ kɛnmɛ bíì ní kele kiyē nɛ kpínʔini tɛ́ngɛfɔlilɔ gbuʔulo ke mìɛni nī gèle,

Korɛntiyé 1 14:40

Gìi ki 'pɔ́ri gè, kele ke mìɛni ke 'yɛli keri kpínʔini nɛ́ laaduumɔ ní, yeri ke gbòborí de kpínʔini.

Filipiyé 1:27

Gìi ki 'pɔ́ri gè, yeri yeli sìi tári wè yeri yɛligi nɛ́ Kirisi Kataanna Siɛnrɛ ní dè, gìi ki bé tí a mi kɛ́nì kɛ́ bè sa nyaa yeli nɛ̄ bèle, á kire 'laa a mi nɛ́ cɛ wè baa yo, mi de yeli wori lúru dè, ki- nyaa yeli 'gbɛ̀nmɛ le nɛ̀ yeli sɔ̀ngirɔ pínɛ dè nɛ cáanri Kataanna Siɛnrɛ ti wuʔu nɛ̄ gè nɛ́ fungo ní gè nigbe, Kataanna Siɛnrɛ dáà nɛ̄ tɛ́ngɛlɛ ni yē lè.

Kolɔsiyé 2:19

Kire siɛn wè, wiì wìi puɔ Kirisi nɛ̄ wèʔ, wire ŋáà wī nyùgo gèʔ. Wire fànʔa nɛ̄ cetinnɛ ni mìɛni lè, nɛ́ ni suʔulodiɛyɛ ní yè, nɛ́ ni kapɛnyɛ ní yè, niī nɛ ni màakuu nyuʔɔ wè, nɛ̀ nìi cò nɛ̀ yérige nɛ́ sí nɛ liʔi mɛni Kulocɛliɛ wiī nɛ ki caa wè.