Tɔ́rilɔ 19:9 - Sénoufo Nyarafolo

⁹ «Nàguɔ wáà ŋàa wi 'cìiliwe wè, wire bé nɛ̀nuu wi cúnʔɔ kɔ̀n gè bè sa ki tɛ́ngɛ bùguro kàduʔu mɛ́ gè, tiɛciilige káà nī. Kire pe béri líi bèri jígemununɔ kakuɔrɔ luʔɔ kpínʔini gè Isirayɛli tògo siɛnnɛ mɛ́ bèle. Kire gī kapiʔile kàsulugo wuʔu gè.

Tɔ́rilɔ 19:9 Iomraidhean Croise

Leviiyé 15:20

«Bè wi yaʔa wi gbélige lɛ̀lɛ nī lè, yɛgɛ ó yɛgɛ gáà nɛ̄ wi 'sínɛ gè nɛ́ yɛgɛ ó yɛgɛ gáà nɛ̄ wi 'tɛ́ni gè ki bé kò núʔɔgɔ.

Tɔ́rilɔ 19:13

«A ŋìi sí cò nɛ̀ taa kpúu nɛ̄ wè, lewiiwe ŋáà wi 'kùu wè, a siɛn wiì fɔ̀li nɛ̀ wìi cìile wèʔ, wiī nɛ Yewe Kòridiʔɛ nɔ́ri gè wī; kire siɛn wi bé yige péwu Isirayɛli siɛnnɛ nī bèle. Nɛ́ ki cɛ́n wiì fɔ̀li nɛ̀ pe yaʔa pe- jígemununɔ kakuɔrɔ luʔɔ nyɛri nyɛri gè wi nɛ̄ʔ; wi bé kò núʔɔwɔ, wi fuɔnrɔ míɛni ti bé kò wi nɛ̄.

Tɔ́rilɔ 19:17

«Bè siɛnnuʔɔwɔ cìile wè, yeli bé nɛ̀nuu wi cúnʔɔ líɛ gè, ŋàa pe 'sórigo kapiʔile kàsulugo kakuɔrɔ wuu wè, bè ki le yalege káà nī, bé pìndiɛlɛ laciilige le ki nī.

Tɔ́rilɔ 19:18

Siɛnciiliwe wáà bé isɔpi wɛrɛ líɛ dè bè ti le luʔɔ gáà nī gè bé ki nyɛri nyɛri fɛ̀ni saʔa nɛ̄ gè, nɛ́ ki yɛrɛ ní dè nɛ́ siɛnnɛ ní bèle bàli bīɛlɛ baa ki nī bèle. «Siɛn ŋáà wi 'cò nɛ̀ taa siɛn kácege nɛ̄ gè, kire ga laa kpúu nɛ̄ wè ŋàa siɛn 'kpúu wè kire ga laa ŋàa wi 'kùu wìimɛ wè, á kire ga laa ŋàa wi 'cò nɛ̀ taa nyɛgɛ nɛ̄ gè, siɛnciiliwe wi bé wi nyɛri nyɛri míɛni nɛ́ luʔɔ gáà ní gè.

Tɔ́rilɔ 19:3

Yeli bé wi kɛn kacuɔnriwɔ Eleyazari mɛ́ wè; wire bé wi cò bè yige bùguro kàduʔu mɛ́ gè dí pe sí wi kɔni wi nyaamɛ nɛ̄ bè.

Tɔ́rilɔ 19:8

Ŋàa wi 'nɛ̀nuu sórigo wè, wire míɛni bé wi burudo jíge dè nɛ́ luʔɔ ní gè bé sí gbéli. Kire nɛ́ ki míɛni wi bé kò núʔɔwɔ Yewe yiʔɛ mɛ́ gè fúɔ bè pa nɔ̀ cɛngɛnyɛnijiin lɛ̀lɛ nī lè.

Tɔ́rilɔ 6:12

Wi bé ní koli bè wìi wàli dɛ́ngɛ Yewe mɛ́ nɛ̀ yɛli nɛ́ wàlidɛngɛlɛ lɛ̀lɛ náà ní lè wi yé nyíɛnɛ nɛ̀ kɔ̀n lè. Wi bé yiɛlɛ nigbe sìnbapɛnnɛ cò bè kolimɔ kakuɔrɔ kúɔ dè. Cɛnyɛ nyáà yi 'tóri nɛ̀ kúɔ yè, piyě ní de tɔ́ri nɛ̀ yire níʔ, nɛ́ ki cɛ́n kire cɛnwalidɛngɛyɛ nyáà yi cé núʔɔ nɛ̀ kúɔ.

Tɔ́rilɔ 8:7

«Ki n'gɛ gàa muɔ bé kpíʔile gè bè pe cìile wè: muɔ bé jígemununɔ kakuɔrɔ luʔɔ líɛ gè bè ki nyɛri nyɛri pe nɛ̄; pe- sí céri tiɛyɛ yi mìɛni kùnu pé sí pe burudo ti mìɛni jíge. Bà ki bé kpíʔile pe bé kò cìilile.

Tɔ́rilɔ 9:13

«A ki sí nyaa wàa yē cìiliwe wè, wi sì kɛ́ tánʔana nɛ̄ lèʔ, nɛ́ cíi, wiì Torimakiyaʔa Fundaanra kpíʔile dèʔ, kire siɛn wi bé yige péwu Isirayɛli siɛnnɛ nī bèle, nɛ́ ki cɛ́n wiì fɔ̀li nɛ̀ wi kpuʔɔrɔ kɛn dè Yewe mɛ́ lɛ̀lɛ nī lè nàa mi 'tìɛ lèʔ. Kire siɛn ŋáà wi bé wi kapiile sàri taa wè.

Korɛntiyé 2 5:21

Zezi wire ŋáà wiì kapiile kpíʔile nɛ̀ nyaa wèʔ, a Kulocɛliɛ wi 'wi tɔ́ri kapiigbiʔiliwe weli larigɛ nī, gìi ki bé tí Zezi wire kɛnmɛ nɛ̄ bè, a Kulocɛliɛ wi 'weli tɔ́ri siɛnsinminɛ.

Korɛntiyé 2 7:1

Mi siinyɛninɛ, yeli bálì ye mi dɛ́ni bèle, bɛ̀ kire nyafɛnigɛ ki siɛnrɛ dáà ti sí juu weli mɛ́ dè, ye tí we- wìye cìile we céri fuɔnrɔ ti mìɛni láʔa dè nɛ́ dìi dī pìle wori dè, we- ti láʔa wìye nɛ̄, wé sí wìye wàli we tɛ́ngɛ we láʔa, we- Kulocɛliɛ fíɛrɛ yaʔa ti- puu weli nī.

Eburulo 7:26

Zezi wiī kacuɔnrilɔ kàfɔli ŋáà nɛ̄ weli màakuu yē wè. Wiī tiɛlɛ fùn, kolimɔ fùn, cìiliwe: wi 'wàli nɛ̀ líili kapiigbiʔilile nɛ̄ bèle, wiī tɛ́niwɛ naamɛ nyìʔɛnɛ nī.

Eburulo 9:13

Nyakungɛngɛ liʔɛ tìɛgɛnmɛ nɛ̄ bè, síkapɛngɛlɛ nɛ́ nɛ̀piɛyɛlilɛ sìsiɛn nɛ́ nɛ̀pori cúnʔɔ ní gè, a pe cé tire nyɛri nyɛri dè siɛnnɛ nɛ̄ bèle, bàli pe cé núʔɔ bèle, tire ti nɛ̂ cé siɛn céri cìile dè nɛ̀ núʔɔmɔ láʔa bè ti nɛ̄.