Tɔ́rilɔ 19:3 - Sénoufo Nyarafolo

³ Yeli bé wi kɛn kacuɔnriwɔ Eleyazari mɛ́ wè; wire bé wi cò bè yige bùguro kàduʔu mɛ́ gè dí pe sí wi kɔni wi nyaamɛ nɛ̄ bè.

Tɔ́rilɔ 19:3 Iomraidhean Croise

Leviiyé 16:27

«Kapiʔile kàsulugo nɛ̀piɛyɛlilɛ lè nɛ́ kapiʔile kàsulugo síkapɔli ní wè, dàa sìsiɛn Arawɔn 'líɛ nɛ̀ jíin tiɛcɛ̀njɛngɛ wàlidɛngɛgɛ nī gè nɛ̀ kàsulugosuɔ baara kúɔ dè, pe bé kɛ́ bùguro kàduʔu mɛ́ gè nɛ́ ti kaasɛnrɛ ní dè, nɛ́ ti sɛ̀nyɛ ní yè, nɛ́ ti fire ní dè, bè sa ti sórigo péwu.

Leviiyé 24:14

«Ye- nàguɔ ŋáà cò wè ye yige bùguro kàduʔu mɛ́ gè. Bàli pe mìɛni pe 'ki lúʔu gàa wi 'juu gè nɛ̀ mi Yewe míʔɛ cúʔɔ gè, peli pe mìɛni bé pe kiyɛ taʔala yè wi nyùgo nɛ̄ gè, dí Isirayɛli gboli siɛnnɛ pe mìɛni sí wi wáa nɛ́ kàdari ní fúɔ wi pa kùu.

Leviiyé 4:11

Nɛ̀ ki yaʔa nɛ̀piɛyɛlilɛ sɛ̀ngɛ gè, nɛ́ kaara ti mìɛni ní dè, nɛ́ nyùgo ní gè, nɛ́ tɔliyɔ ní yè, nɛ́ laafungbuʔɔ nɛ́ ki laara nɛ́ ti fire ní dè,

Leviiyé 4:12

kire 'jo tire dáà ti mìɛni ti 'kò nɛ̀piɛyɛlilɛ wori dè, wi bé kɛ́ nɛ́ ti ní bùguro kàduʔu mɛ́ gè, tiɛciilige tiʔɛ nī gè gàa nī pe cúnʔɔ wáari gè, bè sa ti sórigo cúnʔɔ gboli nɛ̄ lè nàa nɛ̄ kásiin kàsun ki yē gè.»

Leviiyé 4:21

Wi 'yɛli bè kɛ́ nɛ́ nɛ̀piɛyɛlilɛ ni tiɛsɛnyɛ ní yè bùguro kàduʔu mɛ́ gè, bè sa ti sórigo kɛnmɛ bíì nɛ̄ wi yé nɛ̀piɛyɛlilɛ pélile wori sórigo dè. Isirayɛli tògo siɛnnɛ kapiʔile kàsulugo kakuɔrɔ dī.»

Tɔ́rilɔ 15:36

A Isirayɛli tògo siɛnnɛ pe mìɛni 'wi kɔ́ri nɛ̀ yige bùguro kàduʔu mɛ́ gè nɛ̀ sɛ́nì wi wáa nɛ́ kàdari ní dè fúɔ a wi 'kùu. Pe yé ki kpíʔile nɛ̀ yɛli nɛ́ dàa ní Yewe yé juu nɛ̀ gbɛ̀ngɛ Misa mɛ́ wè.

Tɔ́rilɔ 19:9

«Nàguɔ wáà ŋàa wi 'cìiliwe wè, wire bé nɛ̀nuu wi cúnʔɔ kɔ̀n gè bè sa ki tɛ́ngɛ bùguro kàduʔu mɛ́ gè, tiɛciilige káà nī. Kire pe béri líi bèri jígemununɔ kakuɔrɔ luʔɔ kpínʔini gè Isirayɛli tògo siɛnnɛ mɛ́ bèle. Kire gī kapiʔile kàsulugo wuʔu gè.

Tɔ́rilɔ 3:4

Nɛ̀ ki yaʔa Nadabi nɛ́ Abiyu ní wè, peli cé kùu Yewe yiʔɛ mɛ́ gè, lɛ̀lɛ líì nī pe cé jíin Yewe yiʔɛ mɛ́ gè nɛ́ kàsun káà kiiyɛ ní gàa nɛ̄ wiì cé fɔ̀li gèʔ, baa Sinayii waama kùlo nī lè. Bɛ̀ Nadabi nɛ́ Abiyu ní wè, jaafɔlilɔ sì puu peli mɛ́ʔ, pe cɔninɔ Eleyazari nɛ́ Itamari ní wè peli pe yé kò nɛ kacuɔnrilɔ baara kúu dè lɛ̀lɛ líì nī pe tuu Arawɔn wi 'puu nɛ tíin sìi nɛ̄ wè.

Tɔ́rilɔ 5:2

«Muɔ bé ki juu bè gbɛ̀ngɛ Isirayɛli siɛnnɛ mɛ́ bèle, pe 'yɛli bè césɛngɛ yaabiimɛfɔlilɔ yige bèle bùguro nī dè, nɛ́ siɛn ó siɛn ní ŋàa wī luʔɔ nɛ yigi wi mɛ́ wi fìɛrɛ tiɛyɛ nī yè, nɛ́ a siɛn ó siɛn 'cò nɛ̀ taa kpúu wáà nɛ̄ wè nɛ̀ wìi núʔɔ Yewe yiʔɛ mɛ́ gè.