Tɔ́rilɔ 19:2 - Sénoufo Nyarafolo

² «Ki n'gɛ fànʔa kele gálì ke yē Fànʔa Siɛnrɛ nī dè, dàa mi Yewe 'juu nɛ̀ gbɛ̀ngɛ nɛ́ jo: «-Ki juu Isirayɛli siɛnnɛ mɛ́ bèle ma pe yɛ peri báan nɛ́ nɛ̀nuunyiɛwɛ ní, ŋàa wī cìiliwe nɛ́ ní kpɔlidiɛlɛ fùn, nɛ́ míɛni ŋàa nɛ̄ pe fìɛ zuu puɔ wèʔ.

Tɔ́rilɔ 19:2 Iomraidhean Croise

Yirile 12:5

Siɛn ó siɛn wi- sìnbapɛnnɛ cò, á kire 'laa síkapɛnnɛ cò, nàa nī yiɛlɛ nigbe woli lè nɛ́ ní kpɔlidiɛlɛ fùn.

Leviiyé 1:10

«A ki 'nyaa siɛn wi kpuʔɔrɔ ti 'kɔ́n wi sìnbatogo nī kire ga laa wi síkatogo nī, bè kakuɔrɔ kaasuʔuro kɔ̀n dè, wi 'yɛli bè pɛn nɛ́ sìnbapɛnnɛ ní kire ga laa síkapɛnnɛ ní nàa nī kpɔlidiɛlɛ fùn lè.

Leviiyé 1:3

«A ki 'nyaa siɛn wi kpuʔɔrɔ ti 'kɔ̀n wi nɛ̀togo nī, bè kakuɔrɔ kaasuʔuro kɔ̀n dè, wi 'yɛli bè pɛn nɛ́ nɛ̀piɛlɛ ní nàa nī kpɔlidiɛlɛ fùn lè. Wi sí pɛn nɛ́ ni ní Kpàlidiʔɛ Kpátaʔa wìile yiʔɛ mɛ́ gè, kire ga buu Yewe- fɔ̀li wi nɛ̄.

Leviiyé 14:6

Bà wi bé sínjapile wowiile cò lè, nɛ́ sɛdiri tiige lège ní gè, nɛ́ jèsii ŋáà wī nyìɛwɛ kpólokpolo wè, nɛ́ isɔpi wɛrɛ ní dè. Wi bé ti mìɛni líɛ nɛ́ sínjapile wowiile ní lè, bè ti nyɔ́gɔ sìsiɛn nī gè gàa gī kàjuʔɔ nī gè, gàa nī pìndiɛlɛ luʔɔ ki yē gè, gàa nyuɔ naamɛ wi 'sínjapile kɔni lè.

Tɔ́rilɔ 19:1

A Yewe 'juu nɛ́ Misa nɛ́ Arawɔn ní wè nɛ́ pe yɛ:

Tɔ́rilɔ 19:6

Bà kacuɔnriwɔ wi bé sɛdiri tiige lège líɛ, bé isɔpi wɛrɛ líɛ, nɛ́ jèsii ŋáà wī nyìɛwɛ kpólokpolo wè, bè ti mìɛni wáa kàsun sunʔɔmɔ nī bè gàa nī nɛ̀nuu wiī nɛ sóri wè.

Tɔ́rilɔ 31:21

A kacuɔnriwɔ Eleyazari wi 'ti juu kapiɛngbuɔnnɔ mɛ́ bèle bàli pe yé kɔ́n kapiɛnnɛ kpúɔndiʔɛ nī gè, nɛ́ jo: «Ti n'dɛ fànʔa kele gálì kiyē Fànʔa Siɛnrɛ nī dè, dàa Yewe 'juu nɛ̀ gbɛ̀ngɛ Misa mɛ́ wè.

Luku 1:35

A nyìʔɛnɛ tundunwɔ wi 'wi yɛ: «Kulocɛliɛ Pìle ni bé pɛn muɔ mɛ́, dí Kulocɛliɛ ŋáà wī Duniya wi Mìɛni Nyùgo nɛ̄ gè, wi fànʔa ki nyúmɔ pi sí tɔ́n muɔ nɛ̄. Kire nɛ̄ pùɔ ŋáà wi bé sii wè, wi bé puu siɛnciiliwe tiɛlɛ fùn, pe béri wi yeri Kulocɛliɛ Jaa.

Fànʔa Kajuʔulo 21:3

A kàʔa ki pɛ́nì cɛ́n gàa táanni kpúu wi 'puu wè, kire kàʔa liɛlɛ pe bé yiri bè nɛ̀pori wáà cò, ŋàa ní piyè fìɛ fáli wèʔ, pe míɛni sì fìɛ zuu puɔ wi nɛ̄ wèʔ.

Eburulo 7:26

Zezi wiī kacuɔnrilɔ kàfɔli ŋáà nɛ̄ weli màakuu yē wè. Wiī tiɛlɛ fùn, kolimɔ fùn, cìiliwe: wi 'wàli nɛ̀ líili kapiigbiʔilile nɛ̄ bèle, wiī tɛ́niwɛ naamɛ nyìʔɛnɛ nī.

Eburulo 9:10

Kire Kulocɛliɛ gbùʔɔrigɛnmɛ fànʔa kele gèle, keli ke 'puu nɛ nyu céri kele yákuɔ nɛ̄ gèle: yaliire nɛ́ yagbuɔrɔ wori nɛ̄ dè nɛ́ jígemununɔ kele feliye wori nɛ̄. Ti yé puu fànʔa kele fúɔ nɛ̀ pɛ́nì nɔ̀ lɛ̀lɛ líì nī ti tìɛgɛnmɛ pi 'yiʔɛ nɛ̀ kò fɔnbɔ bè.

Piɛri 1 1:19

Wi 'yeli suɔ lagbɛnrɛ nɛ̄ nɛ́ Kirisi sìsiɛn ní wī, wire ŋáà wi 'puu bɛ̀ kakuɔrɔ sìnbapile tíɛlɛ lè, cìiliwe nɛ́ ní kpɔlidiɛlɛ fùn.

Piɛri 1 2:22

Wiì kapiile yafiɛn kpíʔileʔ; káfinɛrɛ sì kɛ́nì yiri nɛ̀ nyaa wi nyuɔ nī gèʔ.