Tɔ́rilɔ 19:11 - Sénoufo Nyarafolo

¹¹ «Siɛn ŋáà wi 'cò nɛ̀ taa kpúu nɛ̄ wè, a ki cɛ́nì nyaa kpúu ó kpúu yo ŋàa wī lewiiwe wè, kire siɛn wi bé kò núʔɔwɔ cɛnyɛ kɔlisiin.

Tɔ́rilɔ 19:11 Iomraidhean Croise

Leviiyé 11:31

Tire yawiiyiride dáà ti tári nɛ mári dàala nɛ̄ lè, tiī núʔɔrɔ yeli mɛ́ Yewe yiʔɛ mɛ́. A ki sí nyaa wàa 'cò nɛ̀ taa ti wokuugo káà nɛ̄, wi bé kò núʔɔwɔ fúɔ bè pa nɔ̀ cɛngɛnyɛnijiin lɛ̀lɛ nī lè.

Leviiyé 21:1

A Yewe 'ki juu Misa mɛ́ nɛ́ jo: «Ma siɛnrɛ dáà juu dè kacuɔnrilɔ mɛ́ bèle, Arawɔn jaala bèle: «Kacuɔnriwɔ wáà fǎga wìi núʔɔʔ wi siɛnnɛ sunʔɔmɔ nī bèʔ bè cò bè taa kpúu wáà nɛ̄ʔ,

Leviiyé 21:11

Kacuɔnrilɔ kàfɔli wi fǎga sìʔɛrɛ kpɔni kpúu wáà fáala nɛ̄ʔ. Wi fǎga wìi núʔɔʔ a ki cɛ́nì nyaa wi tuuʔ kire ga laa wi yàa wèʔ.

Leviiyé 22:4

«Siɛn ó siɛn Arawɔn siimɛ nī bè, ŋàa wī césɛngɛ yaabiimɛ yē wi nɛ̄ wè, kire ga laa fiinmɛnige gè, wiǐ gbɛ̀ wi liɛlɛ káa lè yakɔnrɔ wàlidɛngɛrɛ nī dèʔ fúɔ bè taa wi 'kò cìiliwɛʔ. Ki bé puu nugo nɛ́ siɛn ŋáà ní wi 'wìi núʔɔ wè, bà wi 'cò nɛ̀ taa kpúu wáà nɛ̄ wè, kire ga laa wi 'nàguɔmɔ luʔɔ ki 'wo wi mɛ́ gè,

Leviiyé 5:2

«A wàa 'cò nɛ̀ taa yɛgɛ káà nɛ̄ gáà ki 'núʔɔ Yewe yiʔɛ mɛ́ gè, nɛ̀ ki yaʔa wiì ki cɛ́n gèʔ, a ki cɛ́nì yē nyàʔayɛgɛ yakuugo kire ga laa yajuʔu yakuugo gáà ki 'núʔɔ Yewe yiʔɛ mɛ́ gè, á kire bɛ̀ʔ yafuloligo káà nɛ̄ gàa ki 'núʔɔ Yewe yiʔɛ mɛ́, wire tíimɛ bé kò núʔɔwɔ Yewe yiʔɛ mɛ́ bè kolimɔ taa.

Tɔ́rilɔ 19:16

«A siɛn ó siɛn cò nɛ̀ taa kpúu nɛ̄ nyàʔa nī gè, ŋàa wī siɛn wáà wi 'wi kpúu wè, kire ga laa ŋàa wi 'kùu wìimɛ wè, a ki cɛ́nì nyaa siɛn kácege gī yo, kire ga laa nyɛgɛ gī yo, kire siɛn wi bé sí kò núʔɔwɔ Yewe yiʔɛ mɛ́ gè cɛnyɛ kɔlisiin.

Tɔ́rilɔ 31:19

«Yeli bálì sí bīɛlɛ, ye 'siɛn wáà kpúu nɛ̀ nyaa wè, kire ga laa nɛ̀ cò nɛ̀ taa kpúu wáà nɛ̄ wè, yeli 'yɛli bè kò cɛnyɛ kɔlisiin bùguro kàduʔu mɛ́ gè. Ye- yìye jíge yè cìile cɛnyɛ taanriwuʔu nɛ̄ gè nɛ́ cɛnyɛ kɔlisiinwuʔu ní gè, yeli nɛ́ siɛnnɛ bálì ní yeli yé cò bèle.

Tɔ́rilɔ 5:2

«Muɔ bé ki juu bè gbɛ̀ngɛ Isirayɛli siɛnnɛ mɛ́ bèle, pe 'yɛli bè césɛngɛ yaabiimɛfɔlilɔ yige bèle bùguro nī dè, nɛ́ siɛn ó siɛn ní ŋàa wī luʔɔ nɛ yigi wi mɛ́ wi fìɛrɛ tiɛyɛ nī yè, nɛ́ a siɛn ó siɛn 'cò nɛ̀ taa kpúu wáà nɛ̄ wè nɛ̀ wìi núʔɔ Yewe yiʔɛ mɛ́ gè.

Tɔ́rilɔ 6:6

Lɛ̀lɛ náà ni mìɛni nī wi bé puu wàlidɛngɛwɛ Yewe mɛ́ wè, wiì cɛ́nì yɛli bè sìʔɛrɛ kpɔni kpúu nɛ̄ʔ;

Tɔ́rilɔ 9:10

«Ma kele gálì tìɛ gèle Isirayɛli siɛnnɛ nɛ̄ bèle: «A siɛn wáà, kire ga laa yeli siimɛ wuu wáà, wi pɛ́nì nyaa yeli sunʔɔmɔ nī bè, ŋàa wi cò nɛ̀ taa kpúu nɛ̄ nɛ̀ wìi núʔɔ Yewe yiʔɛ mɛ́ gè, á kire bɛ̀ʔ gè a ki 'nyaa wiī tánʔana nɛ̄ tiɛliilige nī gè, wi bága gbɛ̀ Torimakiyaʔa Fundaanra kpíʔile dè bè Yewe gbùʔɔrɔ wè.

Tɔ́rilɔ 9:6

Nɛ̀ sí ki taa nàguɔlɔ pálì cé puu núʔɔnɔ Yewe yiʔɛ mɛ́ gè, nɛ́ ki cɛ́n pe yé cò nɛ̀ taa kpúu nɛ̄, kire nɛ̄ piyè cî gbɛ̀ Torimakiyaʔa Fundaanra kpíʔile kire cɛngɛ gèʔ. A pe sí pɛ́nì ki juu Misa nɛ́ Arawɔn mɛ́ ki cɛnnugo gè

Kakpiʔiligele 21:26

Ki kpìɛnduu gè a Pɔli wi sí nàguɔlɔ bálì kɔ́ri bèle, nɛ̀ wìi jíge nɛ̀ cìile nɛ́ pe ní, nɛ́ kɛ́ Kulocɛliɛ Gbùʔɔrɔsaʔa mɛ́ gè nɛ̀ sɛ́nì ti juu nɛ̀ tìɛ cɛngɛ gíì nàguɔlɔ bálì pe jígemununɔ kele ke cî ga kúɔ gèle, dí pe sí pe yakɔnrɔ kɔ̀n dè pe mìɛni nigbe nigbe wori dè.

Kakpiʔiligele 21:27

Bà cɛnyɛ kɔlisiin yi pɛ́nì nɔ̀ bè nyì yè, a ki 'nyaa Azii tɛ́nimɛ Zuufulo bílì pe 'puu baa Kulocɛliɛ Gbùʔɔrɔsaʔa nī gè nɛ́ Pɔli nyaa wè, a pe 'siɛnnɛ pe mìɛni líʔi bèle nɛ̀ wáa Pɔli nɛ̄ wè a pe 'wi cò,

Wurɔmiyé 5:12

Bɛ̀ ki 'nyaa kapiile ni 'jíin duniya nī wè siɛn nigbe kɛnmɛ nɛ̄ bè, á kùu míɛni wi 'jíin kapiile kɛnmɛ nɛ̄ bè, a kire 'ki kɛn a kùu wi 'nɔ̀ siɛnnɛ pe mìɛni nɛ̄, nɛ̀ taʔa gíi nɛ̄, siɛnnɛ pe mìɛni nyɛ́nì kapiile kpíʔile.

Korɛntiyé 2 6:17

Kire nɛ̄ Kàfɔli wi 'jo: Ye- yiri pe sunʔɔmɔ nī bè ! Ye- láʔa pe nɛ̄. Ye fǎga cò fuɔnrɔ nɛ̄ dèʔ, bɛ̀ m'bé fɔ̀li yeli nɛ̄ .

Efɛziyé 2:1

Ki 'nyaa yeli 'puu kúbilo yeli kakolido nɛ́ yeli kapiʔile kiyɛ nī yè wī.

Eburulo 9:14

Nɛ̀ ki yaʔa bànguɔ Kulocɛliɛ Pìle kɛnmɛ nɛ̄ bè, a Kirisi wi 'wìi tíimɛ kɛn tiɛlɛfun kakuɔrɔ Kulocɛliɛ mɛ́. Bà ki yē, Kirisi sìsiɛn ki sí yē nɛ́ ŋɔri ní bè weli funyɔ cìile yè tɔ̀nifun kapiigbiʔiligele nɛ̄ gèle, kire ga buu weli gbɛ̀ri Kulocɛliɛ wewiiwe gbùʔɔrilɔ baara kúu dè.