Tɔ́rilɔ 18:9 - Sénoufo Nyarafolo

⁹ «Ti n'dɛ dàa ti bé puu muɔ wori dè kpuʔɔrɔ ti mìɛni nī dè, yacɛ̀njɛnrɛ wàlidɛngɛrɛ nī dè dàa kàsun wè nɛ sórigi dèʔ: yaliire yakɛnrɛ ti mìɛni dè, nɛ́ kapiʔile kàsulugo kaara ti mìɛni ní dè, nɛ́ kolimɔ kakuɔrɔ ti mìɛni ní dè dàa pe 'kɔ̀n m'mɛ́ dè. Tire yacɛ̀njɛnrɛ wàlidɛngɛrɛ dáà dè, ti bé puu muɔ nɛ́ muɔ jaala wori.

Tɔ́rilɔ 18:9 Iomraidhean Croise

Leviiyé 10:17

«Gáa nɛ̄ yeli sì kapiʔile kàsulugo kaara káa dè tiɛwalidɛngɛgɛ káà nī gàa gī saawalidɛngɛgɛ táanni gèʔ ? Yakaa gī gàa gī cɛ̀njɛngɛ wàlidɛngɛgɛ gè. Yewe yé ti kɛn yeli mɛ́ kire ga buu yeli de Isirayɛli tògo siɛnnɛ kolimɔ tugoro turu dè, bè kàsulugosuɔ baara kúɔ dè pe mɛ́ Yewe yiʔɛ mɛ́ gè.

Leviiyé 14:13

Wi bé sìnbapɛnnɛ kɔni lè, tiʔɛ nī gàa nī pe sî kapiʔile kàsulugo yajuʔu nɛ́ kakuɔrɔ kaasuʔuro yajuʔu kɔni gè, saawalidɛngɛgɛ tiʔɛ nī gè. Nɛ́ ki cɛ́n kolimɔ kakuɔrɔ dè, kire yē kacuɔnriwɔ wire wuʔu kanumɔ nɛ̄ kapiʔile kàsulugo kaara ti yē. Yakaa gī gàa gī cɛ̀njɛngɛ wàlidɛngɛgɛ.

Leviiyé 2:10

Yaliire yakɛnrɛ sɛnrɛ dè, tire bé kò Arawɔn nɛ́ wi jaala wori. Kire liɛlɛ niī yaliicɛ̀njɛnrɛ wàlidɛngɛrɛ; ni 'yiri yakɔnrɔ nī, dàa kàsun ki sórigi dè Yewe mɛ́ wè.

Leviiyé 22:11

«Nɛ̀ ki yaʔa a ki sí nyaa kacuɔnriwɔ wi yé sùkulowo suɔ nɛ́ wali ní wè, wire bé gbɛ̀ ti káa, nɛ́ sùkulowo ŋáà pe 'sii wi saʔa nī gè, wi bé gbɛ̀ wi lìile lìi lè.

Leviiyé 22:7

A cɛngɛ ki 'jíin nɛ̀ kúɔ wè, wiī cìiliwe. Kire nɛ̄ wi bé gbɛ̀ yakɔnrɔ wàlidɛngɛrɛ káa dè, nɛ́ ki cɛ́n wi lìile nī.

Leviiyé 4:22

«A ki sí nyaa kàfɔli wáà wi 'kapiile kpíʔile lè, wiì sí ki kɔ̀rirɔ wèʔ, nɛ́ ki kpíʔile gàa kiì yɛli nɛ́ wi Yewe Kulocɛliɛ kajuudiɛlɛ láà ní lèʔ, a wi 'kolimɔ taa bè,

Leviiyé 4:27

«A ki sí nyaa kùlo siɛnwariwɛ wáà wi 'kapiile kpíʔile lè, wiì sí ki kɔ̀rirɔ wèʔ, nɛ́ ki kpíʔile gàa kiì yɛli nɛ́ Yewe kajuudiɛlɛ láà ní wèʔ, a wi 'kolimɔ taa bè,

Leviiyé 5:1

«A ki sí nyaa wàa 'yerile lúʔu yeli nī kaala láà wuʔu nɛ̄, bè sa kányiʔɛ juu gàa wi 'nyáà gè, kire ga laa gàa wi 'lúʔu gè, a wi 'cíi, wiì fɔ̀li wèʔ, wi kolimɔ pi bé tuu wi nɛ̄.

Leviiyé 5:6

Wi bé sí pɛn nɛ́ sìnbapori ní, kire ga laa nɛ́ síkacuɔ ní, Yewe mɛ́ wè, kapiʔile kàsulugo kakuɔrɔ wuu kapiile náà wi 'kpíʔile lè. Kacuɔnriwɔ wi bé kàsulugosuɔ baara kúɔ dè wi mɛ́, wi kapiile wuʔu nɛ̄ gè.»

Leviiyé 6:17

A Yewe sí ń'nɛ̀ ki juu Misa mɛ́ nɛ́ jo:

Leviiyé 6:19

«Kacuɔnriwɔ ŋáà wi 'kapiʔile kàsulugo kakuɔrɔ baara kúu dè, wire bé ti káa tiɛwalidɛngɛgɛ káà nī Kpàlidiʔɛ Kpátaʔa dàligɛ nɛ̄ gè.

Leviiyé 7:1

A Yewe ń'nɛ̀ ki juu nɛ́ jo: «Fànʔa kajuʔulo ke n'gɛlɛ gàli gīɛlɛ kolimɔ kakuɔrɔ wuʔulo gèle. Yakaa gī gàa gī cɛ̀njɛngɛ wàlidɛngɛgɛ.

Leviiyé 7:6

Nàguɔlɔ bálì bīɛlɛ kacuɔnrilɔ bèle, peli yákuɔ pe bé gbɛ̀ kaasɛnrɛ káa dè. Pe 'yɛli pe ti káa tiɛwalidɛngɛgɛ káà nī. Yakaa gī gàa gī cɛ̀njɛngɛ wàlidɛngɛgɛ.

Leviiyé 7:7

Kolimɔ kakuɔrɔ fànʔa kajuʔulo gèle, kiyē nugolo nɛ́ kapiʔile kàsulugo kakuɔrɔ wuʔulo ní gèle. Kaasɛnrɛ tire yē kacuɔnriwɔ wire wori, wire ŋáà wi 'kàsulugosuɔ baara kúɔ dè.

Tɔ́rilɔ 18:10

Yeli béri ti yacɛ̀njɛnrɛ wàlidɛngɛrɛ dáà káa dè; nàguɔ ó nàguɔ muɔ Arawɔn narigɛ nī gè wi bé gbɛ̀ri ti káa. Yeli béri tɔ́ri nɛ́ ti ní tiī wàlidɛngɛrɛ Yewe mɛ́ wè.

Fànʔa Kajuʔulo 18:1

A Misa sí jo: «Leviiyé kacuɔnrilɔ bèle, ki saʔa tùlugo ki mìɛni gè, dàala kɔrigɔ sǐ puu pe mɛ́ Isirayɛli nī wèʔ. Kakuɔrɔ yakɔnrɔ dáà siɛnnɛ pe kanʔa Yewe mɛ́ wè, kacuɔnrilɔ pe liɛlɛ lè, tire peli béri káa.