Arawɔn nɛ́ wi jaala pe béri kire jàdigile nii bèle bèri jíin Kpàlidiʔɛ Kpátaʔa nī gè, nɛ́ míɛni a pe kɛ́ni sìʔɛrɛ́ nɛ waa gbùʔɔrɔdiʔɛ yafanʔa mɛ́ gè bè sa pe baara kúɔ dè tiɛcɛ̀ngɛ wàlidɛngɛgɛ nī gè, kire ga buu pe fǎga kolimɔ kpíʔile bè kùuʔ. Dàa tire yē fànʔa kaala lɛ̀lɛ ó lɛ̀lɛ nī Arawɔn mɛ́ nɛ́ wi siimɛ pi mìɛni ní bè.»
Tɔ́rilɔ 18:8 - Sénoufo Nyarafolo8 A Yewe 'ki juu Arawɔn mɛ́ wè nɛ́ jo: «Mi wè, kpuʔɔrɔ dáà piyē nɛ kɔ̀ngí nɛ kanʔa m'mɛ́ dè, m'bé muɔ tɛ́ngɛ muɔ de ti kàrigí. Dàa ti mìɛni Isirayɛliyé pe 'wàli nɛ̀ tɛ́ngɛ mi wori dè, m'bé tire kɛn muɔ mɛ́ nɛ́ muɔ jaala ní bèle yeli liɛlɛ. Tire bé puu fànʔa kaala lɛ̀lɛ ó lɛ̀lɛ nī. Faic an caibideil |
Tɔ́rilɔ 18:8
32 Iomraidhean Croise
«A Arawɔn kɛ́nì kùu wè, a wàa kɛ́nì kò pe nī kacuɔnrilɔ kàfɔli Arawɔn kàduʔumɛ gè, Arawɔn buruwalidɛngɛrɛ dáà ti bé kɛn míɛni Arawɔn jaala mɛ́ bèle, lɛ̀lɛ líì nī pe bé wàa nyíɛnɛ gɔ̀n nɛ́ sùnmɔ ní bè, bé tɛ́ngɛ wi baara nɛ̄ dè. A wi kɛ́nì jíin Kpàlidiʔɛ Kpátaʔa nī gè bèri wi baara kúu dè tiɛcɛ̀ngɛ wàlidɛngɛgɛ nī gè, wi bé bururo dáà le dè cɛnyɛ kɔlisiin sunʔɔmɔ nī bè.
«Kacuɔnrilɔ kàfɔli wè, wire ŋáà wi 'kpúʔɔ wi siinyɛninɛ sunʔɔmɔ nī bè, nɛ́ wire ŋáà nɛ̄ pe yé siɛnnyiɛnɛgɔn sùnmɔ wo bè nyùgo nɛ̄ gè, nɛ́ siɛntɛngɛ kakuɔrɔ kele kpíʔile gèle wi nɛ̄ kire ga buu wi de burudo wàlidɛngɛrɛ nii dè, wire wè, wi fǎga wi nzìire yaʔa dè nyaʔamidɛʔ kire ga laa bé wi burudo cɛnminɛ dèʔ.
«-Ki juu ma gbɛ̀ngɛ Arawɔn nɛ́ wi jaala mɛ́ bèle, ma kire fànʔa kajuʔulo tìɛ gèle pe nɛ̄. «Fànʔa kajuʔulo ke n'gɛlɛ gàli gīɛlɛ kapiʔile kàsulugo kakuɔrɔ wuʔulo gèle. Pe 'yɛli bè kapiʔile kàsulugo yajuʔu kɔni gè Yewe yiʔɛ mɛ́ tiʔɛ gáà nī pe nɛ̂ kakuɔrɔ kaasuʔuro yajuʔu kɔni gè. Yakaa gī gàa gī cɛ̀njɛngɛ wàlidɛngɛgɛ.
«Ti n'dɛ dàa ti bé puu muɔ wori dè kpuʔɔrɔ ti mìɛni nī dè, yacɛ̀njɛnrɛ wàlidɛngɛrɛ nī dè dàa kàsun wè nɛ sórigi dèʔ: yaliire yakɛnrɛ ti mìɛni dè, nɛ́ kapiʔile kàsulugo kaara ti mìɛni ní dè, nɛ́ kolimɔ kakuɔrɔ ti mìɛni ní dè dàa pe 'kɔ̀n m'mɛ́ dè. Tire yacɛ̀njɛnrɛ wàlidɛngɛrɛ dáà dè, ti bé puu muɔ nɛ́ muɔ jaala wori.
«Kire lɛ̀lɛ nī lè, tiʔɛ gíì Yewe yeli Kulocɛliɛ wi bága nyíɛnɛ bè kɔ̀n bè ki kpíʔile wire míʔɛ ki kòridiʔɛ gè, baa yeli béri waa nɛ́ yɛrɛ ní dè dàa wori mi 'juu nɛ̀ gbɛ̀ngɛ yeli mɛ́ dè: yeli kakuɔrɔ kaasuʔuro dè, nɛ́ yeli kakuɔrɔ yajuuro ní dè, nɛ́ yeli kiɛkiɛwuʔulo yakɔnrɔ ní dè, nɛ́ yɛrɛ dáà yeli 'kɔ̀n nɛ̀ kɛn Yewe mɛ́ wè kpuʔɔrɔ dè, nɛ́ yeli yakɔnrɔ dáà yeli 'nyíɛnɛ bè kɔ̀n bè kɛn Yewe mɛ́, dáà wori yeli yé nyuɔ kún nɛ̀ kɛn dè.
Kire tiʔɛ kire nī yeli béri waa nɛ́ yeli kakuɔrɔ kaasuʔuro ní dè, nɛ́ yeli kakuɔrɔ yajuuro ní dè, nɛ́ yeli kiɛkiɛwuʔulo ní gèle gàli yeli nɛ láʔala nɛ kanʔa Yewe mɛ́ wè, nɛ́ yɛrɛ dáà muɔ 'kɔ̀n nɛ̀ kɛn Yewe mɛ́ wè kpuʔɔrɔ dè, nɛ́ yeli yakɔnrɔ dáà wori míɛni muɔ yé nyuɔ kún nɛ́ kɛn wè, nɛ́ yeli kinɛdɛnigɛ yakɔnrɔ ní dè, nɛ́ yeli nìɛyɛ yi pìpelile ní bèle, nɛ́ sìnbaala nɛ́ síkaala pe pìpelile ní bèle.
«Muɔ bága ki juu Yewe muɔ Kulocɛliɛ mɛ́ wè bé jo: ‹Mi nyɛ́nì yɛrɛ kɔ̀n dè mi saʔa nī gè dàa mi 'wàli nɛ̀ tɛ́ngɛ muɔ mɛ́ dè, nɛ̀ ti kɛn Levii siɛn mɛ́ wè, nɛ́ nabɔnwɔ nɛ́ círiwe nɛ́ lakicuɔ mɛ́ wè, nɛ̀ yɛli nɛ́ kajuudiʔɛlɛ ní gèle gàli muɔ 'juu nɛ̀ gbɛ̀ngɛ gèle nɛ́ jo mi- ke kpíʔile gèle. Mi sì làa nigbe yaʔaʔ, mi sì fìʔɛ láà nigbe nɛ̄ʔ.
Gàa ki 'yeli kúɔ bèle, Kirisi wi nyɛ́nì Kulocɛliɛ Pìle tìrige lè yeli nɛ̄ a ni 'kò kòrilo yeli nī. Kire nɛ̄ yeli màakuu ní wè ki nɛ̄ siɛn wáà wiiyɛ de yeli tɛnmɛʔ, bɛ̀ Kulocɛliɛ Pìle niī nɛ yeli tɛnmɛ nɛ kúu lè. Á ni tɛnmɛnɛ ni sí yē kányiʔɛ; ni wè finɛnɛ wèʔ. Kire nɛ̄ ye- puu kòriyaʔala Kirisi nī wè, majo bɛ̀ Kulocɛliɛ Pìle ni 'yeli tɛnmɛ yeri ki kpínʔini gè.
Sanasan