Tɔ́rilɔ 18:7 - Sénoufo Nyarafolo

⁷ «Muɔ Arawɔn wè, muɔ nɛ́ muɔ jaala ní bèle, yeli béri kacuɔnrilɔ baara kúu dè dàa ti mìɛni dī gbùʔɔrɔdiʔɛ yafanʔa wori dè nɛ́ dàa dī baa gunbɔli fɛ̀ni kàduʔu mɛ́ gè. Mi nyɛ́nì kacuɔnrilɔ baara kɛn dè yeli mɛ́ yakɛngɛ; a siɛn wáà wiiyɛ sìʔɛrɛ nɛ̀ kpɔni saawalidɛngɛgɛ nɛ̄ gè, pe 'yɛli pe- kire siɛn kpúu wè.»

Tɔ́rilɔ 18:7 Iomraidhean Croise

Ŋúnuyɔ 115:10

Arawɔn siimɛ yo, ye‑ yeli sɔ̀ngirɔ taʔa dè Yewe nɛ̄ ! Wire wī yeli sáʔafɔli wè nɛ́ yeli timɔzigege gè.

Yirile 28:1

A Yewe 'ki juu nɛ̀ gbɛ̀ngɛ Misa mɛ́ nɛ́ jo: «Bɛ̀ Kòridiʔɛ ki 'faan nɛ̀ kúɔ gè, ma muɔ luɔ Arawɔn kɔ́ri wè nɛ́ wi jaala ní bèle: Nadabi, Abiyu, Eleyazari nɛ́ Itamari. Muɔ bé pe wàli dɛ́ngɛ piyeyɛ Isirayɛli siɛnnɛ nī bèle, kire ga buu peri kacuɔnrilɔ baara kúu dè mi mɛ́.

Yirile 29:9

Muɔ bé Arawɔn nɛ́ wi jaala puɔ bèle nɛ́ burudɔniyɔ màʔagɛlɛ ní gèle, bé sí pe ndɔ̀ngɔlɔ tɔ́n gèle pe nɛ̄. Bà pe bé nɛ́ gbɛ̀ri kacuɔnrilɔ baara kúu dè; tire bé puu fànʔa kaala lɛ̀lɛ ó lɛ̀lɛ. «Píra ŋáà nī wè muɔ bé pe tɛ́ngɛ kacuɔnrilɔ baara nɛ̄ dè.

Leviiyé 16:2

A Yewe 'wi yɛ: «-Ki juu muɔ luɔ Arawɔn mɛ́ wè wi fǎga de jiinʔ wi nyɛ́ni lɛ̀lɛ nī lè tiɛcɛ̀njɛngɛ wàlidɛngɛgɛ nī gèʔ gàa gī gunbɔli fɛ̀ni kúrugu wè, kàsulugo suɔdiʔɛ yiʔɛ mɛ́ gè gàa gī nyakungɛngɛ finʔɛgɛ naamɛ gè nɛ̀ ki tɔ́n gè. Kire bé ki yaʔa wi fǎga kúuʔ a mi kɛ́nì tìgi kàsadibagɛ nī gè, kàsulugo suɔdiʔɛ naamɛ gè.

Leviiyé 7:35

Tire yē Arawɔn nɛ́ wi jaala liɛlɛ kakuɔrɔ nī dè dàa kàsun ki sórigi dè, dàa dī Yewe wori dè, nɛ̀ ki líɛ cɛngɛ gíì pe 'pe tɛ́ngɛ peri kacuɔnrilɔ baara kúu dè Yewe yiʔɛ mɛ́ gè.

Tɔ́rilɔ 1:51

Lɛ̀lɛ líì nī yeli bé bùguro yɛ̀gɛ dè, Leviiyé pe bé Kòridiʔɛ kɔ́ligi gè. Peli sí bīɛlɛ pe bé ki kpúɔn a yeli sɛ́nì je tɛ́ni tiʔɛ káà nī gè. A siɛn wáà wiiyɛ 'sìʔɛrɛ nɛ̀ kpɔni Kòridiʔɛ nɛ̄ gè, ki 'yɛli pe- kire siɛn kpúu wè.

Tɔ́rilɔ 18:20

A Yewe 'ki juu Arawɔn mɛ́ nɛ́ jo: «Muɔ̌ ga tíi dàala taa kɔrigɔ kùlo nī lèʔ, kire ga laa bè liɛlɛ taa Isirayɛli siɛnnɛ sunʔɔmɔ nī bèʔ kùlo nī lè nàa mi je kɛn Isirayɛli siɛnnɛ mɛ́ bèle. Mi wī mi bé puu yeli kɔrigɔ gè Isirayɛli siɛnnɛ sunʔɔmɔ nī bè.

Tɔ́rilɔ 18:3

Pe bé yeli sáʔa baara nɛ̄ dè bèri kpátaʔa baara ti mìɛni kúu, nɛ̀ ki yaʔa pe wàa sì yɛli bàga sìʔɛrɛ kpɔni saawalidɛngɛgɛ yakpiʔilide nɛ̄ dèʔ, nɛ́ ki gbùʔɔrɔdiʔɛ yafanʔa ní gèʔ, kire ga buu pe wàa fǎga kùu pe nīʔ nɛ́ yeli míɛni ní bèleʔ.

Tɔ́rilɔ 3:10

Muɔ bé Arawɔn nɛ́ wi jaala tɛ́ngɛ bèle peri kacuɔnrilɔ baara kúu dè. A siɛn wáà wiiyɛ sìʔɛrɛ nɛ̀ kpɔni saawalidɛngɛgɛ nɛ̄ gè, ki 'yɛli pe- kire siɛn kpúu wè.»

Tɔ́rilɔ 3:38

Misa nɛ́ Arawɔn ní wè, nɛ́ Arawɔn jaala ní bèle, peli 'puu nɛ pe bùguro kpúɔn dè Kòridiʔɛ yiʔɛ mɛ́ gè, cɛngɛnyɛnifoligɔli mɛ́ gè, kire 'jo Kpàlidiʔɛ Kpátaʔa yiʔɛ mɛ́ gè. Peli pe 'puu nɛ saawalidɛngɛgɛ wéli gè Isirayɛliyé míʔɛ nɛ̄ gè. A siɛn wáà wiiyɛ 'sìʔɛrɛ nɛ̀ kpɔni kire tiʔɛ nɛ̄ gè, pe yé yɛli bè kire siɛn kpúu wè wī.

Matiye 10:8

Yaala bèle, yeri pe pori; kúbilo bèle, yeri pe yɛ̀gí; yaanyiɛmɛfɔlilɔ bèle, yeri pe pori; gbòdolifɔlilɔ bèle, yeri gbòdolilo cìrá bèle de yigi pe nī. «Yeli 'taa waʔanɛ, yeri kanʔa waʔanɛ.

Zezi Kirisi Kataanna Siɛnrɛ dè Zan juumɔ nɛ̄ bè 3:27

A Zan wi 'siɛnnugoro kɛn dè nɛ́ pe yɛ: «Siɛn sǐ gbɛ̀ jáa bè yakaa taaʔ, ka laa Kulocɛliɛ bɛ̀ʔ wi 'kire yɛgɛ kɛn gè ki siɛn mɛ́ wèʔ.

Efɛziyé 3:8

Mi ŋáà mi 'cɛ́ri Kulocɛliɛ wuulo pe mìɛni nī bèle, a wi 'ki kpuʔɔrɔ dáà kpíʔile dè mi mɛ́, mi sari ki jáari kùlogolo kálì siɛnnɛ mɛ́ bèle bɛ̀ Kirisi wiī nɛ́ lɔri ní siɛn sǐ gbɛ̀ ki cɛ́n bè kúɔ wèʔ.

Fànʔa Kajuʔulo 18:2

Levii saʔa tùlugo gáà gè, kɔrigɔ wè pe mɛ́ pe siinyɛninɛ sunʔɔmɔ nī bèʔ. Yewe wire wī pe kɔrigɔ gè, majo bɛ̀ wi 'ki juu pe mɛ́ wè.

Eburulo 5:4

Siɛn sǐ gbɛ̀ kacuɔnrilɔ kàfɔli kpuʔɔrɔ líɛ bè taʔa wìi nɛ̄ʔ. Wi nɛ̂ ti taa wī yákuɔ a Kulocɛliɛ wi 'wi nyíɛnɛ nɛ̀ kɔ̀n wè, majo bɛ̀ ki 'kpíʔile Arawɔn wuʔu nɛ̄ gè.

Piɛri 1 5:2

Tɛ́ngɛfɔlilɔ tògo gáà Kulocɛliɛ 'kɛn yeli mɛ́ gè, yeli de ki nári gè. Yeri ki wéli, kiì nyaa majo fànʔa baara dīʔ; funjɛ̀ngɛ wori dī, kɛnmɛ bíì nɛ̄ ki 'Kulocɛliɛ dɛ́ni wè. Yeri ki kpínʔini ki fǎga buu majo wali caagoligo gīʔ, nɛ̀ ki yaʔa ki 'yɛli ki- puu majo ki láa yē yeli nɛ̄ wī.

Piɛri 1 5:3

Bàli Kulocɛliɛ 'kɛn yeli mɛ́ yeli de pe nári bèle, ye fǎri ki kpínʔini kàfɔlilɔ pálì tíɛlɛ bàli pe 'gbɛ̀n bèleʔ. Yeli tánʔagɛnmɛ pi 'yɛli bè puu fìɛ cɛ̀nwɛ, ŋàa tɛ́ngɛfɔlilɔ pe béri tɛnmɛ wè.