Tɔ́rilɔ 18:6 - Sénoufo Nyarafolo

⁶ «Ki sí n'gɛ, mi nyɛ́nì yeli siinyɛninɛ Leviiyé líɛ bèle Isirayɛliyé sunʔɔmɔ nī bè. Pe yē wàlidɛngɛlɛ mi Yewe mɛ́; mi nyɛ́nì pe kɛn yeli mɛ́ peri Kpàlidiʔɛ Kpátaʔa baara kúu dè.

Tɔ́rilɔ 18:6 Iomraidhean Croise

Sélimɛ 6:17

Mi wè, mi je kàsakpiile cáan bè dàala tɔ́n lè, bè siɛnnɛ nɛ́ yawiire ti mìɛni cúʔɔ dàala nɛ̄ lè; yɛgɛ ó yɛgɛ gī dàala nɛ̄ lè sìi yɛgɛ gè, ti mìɛni bé kùu.

Sélimɛ 9:9

«Ye‑ wéli, mi wè, mi je ní koli mi nyakungɛngɛ siɛnrɛ nɛ̄ dè bè ti sɔ́migɔ juu yeli mɛ́, yeli nɛ́ yeli siimɛ wuulo ní bèle,

Yirile 14:17

Mi wè, yeli bé ki nyaa, m'bé Ezipiti siɛnnɛ nàzɔnnɔ gbɛ̀n bèle, kire ga buu pe- jíin yeli kúrugu luʔɔ nī gè. Bà ki bé kpíʔile kpuʔɔrɔ bé taʔa mi míʔɛ nɛ̄ gè Farawɔn wire kɛnmɛ nɛ̄, nɛ́ wi kapiɛngbuɔnnɔ ní bèle nɛ́ wi suɔnyɔ wotorilo ní bèle nɛ́ wi suɔnfɛbilɛ ní bèle.

Yirile 31:6

Nɛ̀ taʔa ki nɛ̄, mi nyɛ́nì Woliyabi líɛ wè, Akisamaki jaa wè, Dan saʔa tùlugo nī gè, nɛ̀ wi fàri Bɛtisalɛli nɛ̄ wè. Mi 'sícilige nyɔ́gɔ gè pe mìɛni nigbe nigbe nī, bàli bīɛlɛ nɛ́ kacɛ́nnɛ ní pe funyɔ nī yè, kire ga buu pe- gbɛ̀ jáa bè yɛrɛ dáà ti mìɛni kpíʔile dè dàa mi 'juu nɛ̀ gbɛ̀ngɛ muɔ mɛ́ dè:

Tɔ́rilɔ 3:12

«-Ki wéli, mi tíimɛ mi nyɛ́nì Leviiyé nyíɛnɛ bèle nɛ̀ kɔ̀n Isirayɛli siɛnnɛ sunʔɔmɔ nī bè, Isirayɛliyé pìpelile sìndiʔɛ nī gè. Leviiyé peli yē mi wuulo.

Tɔ́rilɔ 3:13

Nɛ́ ki cɛ́n, pìpelile bálì bīɛlɛ nàgabigele gèle, pe mìɛni yē mi wuulo. Cɛngɛ gíì mi 'pìpelile kpúu bèle Ezipiti kùlo nī lè, mi yé Isirayɛli pìpelile pe mìɛni wàli nɛ̀ tɛ́ngɛ mi wuulo, siɛnnɛ wuulo bèle nɛ́ yajuuro wuulo ní bèle. Pe mìɛni yē mi wuulo. Mi yē Yewe.»

Tɔ́rilɔ 3:45

«Muɔ bé Leviiyé líɛ bèle mi Yewe mɛ́, Isirayɛliyé pìpelile sìndiʔɛ nī gè, bé Leviiyé yajuuro líɛ dè Isirayɛli siɛnnɛ yajuuro pìpelile sìndiʔɛ nī gè. Leviiyé peli yē mi wuulo. Mi yē Yewe.

Tɔ́rilɔ 3:6

«Ma Levii saʔa tùlugo sìʔɛrɛ gè ma kpɔni, ma pe tɛ́ngɛ kacuɔnriwɔ Arawɔn yiʔɛ mɛ́ gè kire ga buu peri baara wi mɛ́.

Tɔ́rilɔ 3:9

«Muɔ Misa wè, muɔ bé Leviiyé kɛn bèle Arawɔn mɛ́ wè, wire nɛ́ wi jaala ní bèle. Muɔ bé pe kɛn bè láʔa péwu wi mɛ́ Isirayɛli siɛnnɛ sunʔɔmɔ nī bè.