Tɔ́rilɔ 18:5 - Sénoufo Nyarafolo

⁵ «Yeli tíimɛ ye béri saawalidɛngɛgɛ baara kúu dè nɛ́ ki gbùʔɔrɔdiʔɛ yafanʔa wori ní dè, kire ga buu mi funyɛrigbuʔɔ ki fǎga tuu Isirayɛliyé nɛ̄ bèleʔ.

Tɔ́rilɔ 18:5 Iomraidhean Croise

Yirile 27:21

Arawɔn nɛ́ wi jaala ní bèle, peli pe béri fètingele gbòborí gèle Kpàlidiʔɛ Kpátaʔa nī gè, baa gunbɔli fɛ̀ni yiʔɛ mɛ́ gè, wire ŋáà wi nyakungɛngɛ finʔɛgɛ láara gè. Pe béri ke cáanri cɛnguʔɔ gè keri nyí de kpìɛnmɛ tun bè, Yewe yiʔɛ mɛ́ gè. Dàa tire yē fànʔa kaala lɛ̀lɛ ó lɛ̀lɛ nī Isirayɛli siɛnnɛ yiʔɛ mɛ́ gè, kɛ̀ngɛlɛ ke mìɛni nī.»

Leviiyé 10:6

A Misa sí 'ki juu Arawɔn nɛ́ wi jaasɛnminɛ mɛ́ bèle, Eleyazari nɛ́ Itamari wè, nɛ́ pe yɛ̀: «Ye fǎga yeli nzìire yaʔa dè nyaʔamidɛʔ, ye fǎga yeli buruyo cɛnminɛ yè kùu kayaʔa nɛ̄ gèʔ. Á kire bɛ̀ʔ yeli bé ní kùu yeri wè bè wáa yìye nɛ̄, nɛ́ Yewe funbiɛnrɛ ní dè Isirayɛli tògo ki mìɛni nɛ̄. Yeli siinyɛninɛ Isirayɛliyé bèle, peli yákuɔ pe béri nyɛni de cáaduu kɔnrɔ wáari dè kúbilo nɛ̄ bèle, bàli Yewe 'kpúu nɛ́ kàsun ní gè.

Leviiyé 24:3

Arawɔn béri fètingele gbòborí gèle Kpàlidiʔɛ Kpátaʔa nī gè, baa gunbɔli fɛ̀ni yiʔɛ mɛ́ gè, fɛ̀ni ŋáà wi nyakungɛngɛ finʔɛgɛ làrigí gè, kire ga buu keri nyí súuri Yewe yiʔɛ mɛ́ gè, cɛnguʔɔ gè bè kpìɛnmɛ tuu bè. «Ti bé puu fànʔa kaala súuri yeli mɛ́ nɛ́ yeli siimɛ ní bè.

Tɔ́rilɔ 1:50

Muɔ 'yɛli bè Leviiyé tɛ́ngɛ bèle peri Kòridiʔɛ wéli gè, gáa gī nyakungɛngɛ siɛnrɛ kàdɛnitɛnyɛ yi tɛ́ngɛdiʔɛ gè, nɛ́ ki yakpiʔilide ti mìɛni ní dè, nɛ́ ki yɛrɛ ti mìɛni ní dè. Pe 'yɛli bèri Koridiʔɛ nɛ́ ki yakpiʔilide ti mìɛni turu dè, béri ti wéli. Pe béri pe bùguro kpúɔn dè bèri Koridiʔɛ màʔa gè.

Tɔ́rilɔ 1:53

Nɛ̀ ki yaʔa Leviiyé bèle, peli bé tɛ́ni bè nyakungɛngɛ siɛnrɛ Kòridiʔɛ màʔa gè, kire ga buu Yewe funyɛrigbuʔɔ ki fǎga Isirayɛli tògo siɛnnɛ kpúɔn bèle. Leviiyé bèle, peli pe 'yɛli bèri Kòridiʔɛ wéli gè.»

Tɔ́rilɔ 18:4

Pe bé pínɛ vàri yeli nɛ̄ bèri baara ti mìɛni kúu dè baa Kpàlidiʔɛ Kpátaʔa nī gè. Siɛn wáà wiiyɛ sì yɛli bè sìʔɛrɛ kpɔni yeli nɛ̄ʔ.

Tɔ́rilɔ 4:18

«Yeri ki ciʔige kire ga buu Keyatiyé nariyɛ yi fǎga cúʔɔ bè yiri Leviiyé nī bèleʔ.

Tɔ́rilɔ 8:19

«A mi 'pe kɛn kpuʔɔrɔ Arawɔn nɛ́ wi jaala mɛ́ bèle peri baara kúu dè Kpàlidiʔɛ Kpátaʔa nī gè Isirayɛli siɛnnɛ mɛ́ bèle, pe síri kàsulugosuɔ baara kúu dè pe mɛ́ kire ga buu wuʔɔgbuʔɔ fǎga tuu pe nɛ̄ʔ a pe wàa kɛ́nì sìʔɛrɛ nɛ̀ kpɔni saawalidɛngɛgɛ nɛ̄ gè.»

Tɔ́rilɔ 8:2

«-Ti juu Arawɔn mɛ́ wè ma jo: A muɔ kɛ́nì je fètingele kɔlisiin taʔa gèle fètindaʔagɛlɛ tiige nɛ̄ gè, ma ke taʔa kire ga buu keri kpìɛnmɛ cáanri bè pi de waa yiʔɛ mɛ́ gè.»

Timote 1 1:18

Mi jaa Timote yo, mi bé tunduro dáà kɛn dè muɔ mɛ́, dàa ti 'yɛli nɛ́ siɛnjuulo pe siɛnrɛ ní dè dàa pe 'kíni nɛ̀ juu muɔ wuʔu nɛ̄ gè. Ma ŋɔri taa kire siɛnrɛ nī dè, mari cáanjɛ̀nrɛ cáanri dè.

Timote 1 3:15

A ki sí kɛ́nì nyaa mi nɛ mɔgi bè pɛn wè, muɔ bé ki cɛ́n kɛnmɛ bíì nɛ̄ muɔ 'yɛli bè tánʔa wè Kulocɛliɛ saʔa wuulo sunʔɔmɔ nī bè, bàli bīɛlɛ Kulocɛliɛ wewiiwe tɛ́ngɛfɔlilɔ gboli lè, nàa nī kányiʔɛ ki gèdinnɛ lè nɛ́ gàa ki kányiʔɛ cògí gè nɛ yérige gè.

Timote 1 5:21

Mi 'tɔ̀ni nɛ ki nyu nɛ gbɛ̀ngí muɔ mɛ́ Kulocɛliɛ yiʔɛ mɛ́ gè, nɛ́ Zezi Kirisi yiʔɛ mɛ́ gè, nɛ́ nyìʔɛnɛ tundunminɔ pe yiʔɛ mɛ́ gè bàli bīɛlɛ Kulocɛliɛ 'nyíɛnɛ nɛ̀ kɔ̀n wè, ma kajuʔulo gálì cò gèle kpuʔɔ, ma fǎga wàa kaala juu bè ceri gbínʔɛnɛ muɔ sɔ̀ngirɔ nī dèʔ, ma fǎga wàa yige wàa nīʔ.

Timote 1 6:20

ʔé Timote, -ki sɔ́migɔ ma cò gàa Kulocɛliɛ 'kɛn muɔ mɛ́ gè. Te mìɛ ciʔige nyùgofun siɛnniʔɛrɛ nɛ̄ dè dàa tiì yɛli nɛ́ tɛ́ngɛlɛ ní lèʔ, nɛ́ kàkiɛrɛ ní dè dàa siɛnnɛ pe nyu níɛ finɛnɛ nɛ́ jo tiī kacɛ́nnɛ lè.