Tɔ́rilɔ 18:13 - Sénoufo Nyarafolo

¹³ Yaliipelide ti mìɛni dáà pe 'fáli dè níɛ̀ pɛ́nì Yewe liɛlɛ kɛn lè, ti mìɛni bé puu muɔ wori. Muɔ saʔa wuulo pe mìɛni bàli bīɛlɛ cìilile bèle, pe mìɛni bé gbɛ̀ ti káa.

Tɔ́rilɔ 18:13 Iomraidhean Croise

Yirile 22:29

Bà muɔ bé ki kpíʔile míɛni nɛ́ muɔ nìɛyɛ ní yè, nɛ́ muɔ sìnbaara ní dè, nɛ́ muɔ síkaala ní bèle. Muɔ bé wi pìpeliwe yaʔa wè wi- kò cɛnyɛ kɔlisiin nɛ́ wi yàa ní wè; cɛnyɛ kataanriwuʔu nɛ̄ gè, muɔ bé wi láʔa bè kɛn mi Kulocɛliɛ mɛ́.

Yirile 23:19

«Muɔ bé muɔ siʔi yaliipelide líɛ dè bè pɛn nɛ́ ti ní Yewe saʔa mɛ́ gè, wire ŋáà wī muɔ Kulocɛliɛ wè. «Muɔ sì yɛli bè síkapile ni yàa yírimɛ líɛ bè, bè ni suʔɔʔ.»

Yirile 34:26

«Yeli 'yɛli bè yeli siiye yaliipelide líɛ dè bè pɛn nɛ́ ti ní Yewe yeli Kulocɛliɛ saʔa mɛ́ gè. «Yeli sì yɛli bè síkapile ni yàa yírimɛ tíʔɛ bè, bè ni suʔɔʔ.»

Leviiyé 22:7

A cɛngɛ ki 'jíin nɛ̀ kúɔ wè, wiī cìiliwe. Kire nɛ̄ wi bé gbɛ̀ yakɔnrɔ wàlidɛngɛrɛ káa dè, nɛ́ ki cɛ́n wi lìile nī.

Leviiyé 23:17

Yeli bé yiri yeli tɛ́nidiɛyɛ nī yè bè pɛn nɛ́ búrulo siin ní, búrulo bálì yeli 'kpúɔn bèle nɛ́ juubaanyɛni nigbe míifuɔnibɔ ní bè, bè pe yɛ̀gɛ naamɛ Yewe yiʔɛ mɛ́ gè, yasɛnpelide kpuʔɔrɔ wi mɛ́.

Fànʔa Kajuʔulo 18:4

Muɔ siʔi yaliipelide dè, nɛ́ ɛrɛzɛn luʔɔ pélige nɛ́ wolivi sùnvɔnbɔ pélibe liɛlɛ ní lè, nɛ́ muɔ sìnbaala pe sìnbasiire pélide ní dè dàa muɔ 'kùnu dè, muɔ bé ti kɛn kacuɔnrilɔ mɛ́ bèle.

Fànʔa Kajuʔulo 26:2

muɔ bé muɔ siʔi yaliipelide nɛ́ yasɛnrɛ pélide ti mìɛni líɛ, dàa muɔ 'taa kùlo nī lè nàa Yewe muɔ Kulocɛliɛ wi 'kɛn muɔ mɛ́ lè. Muɔ bé ti le juɔlɔ láà nī bè kɛ́ nɛ́ ti ní tiʔɛ gáà nī Yewe muɔ Kulocɛliɛ wire tíimɛ bága nyíɛnɛ bè kɔ̀n gè bè ki kpíʔile wi míʔɛ ki kòridiʔɛ gè.