Tɔ́rilɔ 18:1 - Sénoufo Nyarafolo

¹ A Yewe 'ki juu Arawɔn mɛ́ nɛ́ jo: «Muɔ nɛ́ muɔ jaala ní bèle, nɛ́ muɔ tuu kpáa wuulo ní bèle, yeli béri kolimɔ tugoro turu dè bàa pi bága de kpínʔini saawalidɛngɛgɛ nɛ̄ gè. Muɔ nɛ́ muɔ jaala ní bèle, yeli béri kolimɔ tugoro turu dè bàa pi bága de kpínʔini kacuɔnrilɔ baara nī dè.

Tɔ́rilɔ 18:1 Iomraidhean Croise

Yirile 28:38

Kire yakpɔbigɔ gáà ki bé puu Arawɔn gbɛlɛ nɛ̄ lè, kire ga buu Arawɔn gbɛ̀ri kolimɔ kàsulugo sùlu gè, kolimɔ báà pi bé gbɛ̀ pari nyaʔa kakuɔrɔ nɛ́ yakɔnrɔ yɛrɛ nī dè dàa ní Isirayɛli siɛnnɛ pe béri báan bè pa ti wàli dɛ́ngɛ dè. Yakpɔbigɔ gáà ki 'yɛli bè buu wi gbɛlɛ nɛ̄ lè súuri kire ga buu Yewe de fɔ̀ligi ti nɛ̄.

Leviiyé 10:17

«Gáa nɛ̄ yeli sì kapiʔile kàsulugo kaara káa dè tiɛwalidɛngɛgɛ káà nī gàa gī saawalidɛngɛgɛ táanni gèʔ ? Yakaa gī gàa gī cɛ̀njɛngɛ wàlidɛngɛgɛ gè. Yewe yé ti kɛn yeli mɛ́ kire ga buu yeli de Isirayɛli tògo siɛnnɛ kolimɔ tugoro turu dè, bè kàsulugosuɔ baara kúɔ dè pe mɛ́ Yewe yiʔɛ mɛ́ gè.

Leviiyé 22:16

A kacuɔnrilɔ pe 'siɛnnɛ yaʔa a pe 'yakɔnrɔ wàlidɛngɛrɛ káa dè, peli bé ki yaʔa siɛnnɛ pe bé pe kolimɔ tugoro tugo dè nɛ́ ki wuʔɔgɔ ní gè, nɛ́ ki cɛ́n mi yē Yewe ŋáà wiī nɛ yakɔnrɔ wàli dè nɛ tɛ́ngi dè.»

Leviiyé 22:9

«Kacuɔnrilɔ pe 'yɛli bè mi kajuugbɛngɛlɛ cò gèle, kire ga buu pe fǎga kùu pe kolimɔ kɛnmɛ nɛ̄ bèʔ bà pe 'yakɔnrɔ wàlidɛngɛrɛ núʔɔ dèʔ. Mi yē Yewe ŋáà wiī nɛ pe wàlí nɛ tɛ́ngi bèle mìɛ mɛ́.

Tɔ́rilɔ 14:34

Yeli nyɛ́nì kùlo saanri lè nɛ̀ wéli cɛnyɛ togosiin, kire kɛnmɛ nɛ̄ yeli míɛni bé wuʔɔgɔ taa bè yɛli nɛ́ yeli kolimɔ ní bè fúɔ bè taa yiʔɛlɛ togosiin, kire 'jo cɛngɛ ó cɛngɛ, nɛ́ ki yiɛlɛ. Bà yeli bé ki cɛ́n, a siɛn mi 'cíi wè, gàa ki bé wi taa wè.

Tɔ́rilɔ 16:10

Wi nyɛ́nì yeli sìʔɛrɛ nɛ̀ kpɔni wìi nɛ̄, muɔ nɛ́ muɔ wuulo ní bèle Leviiyé narigɛ nī gè. A yeli ń'nɛ̀ koli nɛ caa pe- yeli kpíʔile kacuɔnrilɔ cígini !

Tɔ́rilɔ 17:13

Wi yé yéri siɛnwiile nɛ́ bàli pe yé kùu bèle pe sunʔɔmɔ nī bè, a wuʔɔgbuʔɔ ki 'yéri.

Tɔ́rilɔ 17:3

Wi- siɛnnɛ bálì pe tingbopigele líɛ gèle, bàli pe 'kapiile kpíʔile lè nɛ́ ki sàri nɛ́ pe sìi ní wè, wi- sa tingbopigele kpúɔn gèle wi kpɔbi bè gbùʔɔrɔdiʔɛ yafanʔa tɔ́n gè nɛ́ ke ní, nɛ́ ki cɛ́n pe nyɛ́nì yéri nɛ́ ke ní Yewe yiʔɛ mɛ́ gè á ke 'kò wàlidɛngɛgɛlɛ. Ke bé kò fìɛpiiwe Isirayɛli siɛnnɛ mɛ́ bèle.»

Tɔ́rilɔ 17:7

Bà siɛnnɛ pe 'gbuʔulo nɛ kúnʔɔri Misa nɛ́ Arawɔn yiʔɛ mɛ́ gè, a pe siin pe 'yiʔɛ nɛ̀ yiʔɛ wáa gè Kpàlidiʔɛ Kpátaʔa mɛ́ gè, a pe 'kàsadibagɛ nyaa gè a ki 'tìgi nɛ̀ ki tɔ́n, á Yewe cɛ̀nmɛ nɛ́ wi kpuɔmɔ pi 'yiri.

Tɔ́rilɔ 18:11

«Ki n'gɛ cígini dàa ti bé puu muɔ wori dè: kpuʔɔrɔ yɛrɛ dáà Isirayɛli siɛnnɛ piyē nɛ kɔ̀ngí nɛ kanʔa m'mɛ́ dè, m'bé muɔ liɛlɛ kɔ̀n lè ti nī, tire dáà dī yakɔnrɔ dáà pe yɛ̀gí naamɛ Yewe yiʔɛ mɛ́ gè. Ti mìɛni dè m'bé ti kɛn muɔ mɛ́ nɛ́ muɔ jaala ní bèle, nɛ́ muɔ pórilo ní bèle. Ki bé puu fànʔa kaala lɛ̀lɛ ó lɛ̀lɛ nī. Muɔ saʔa wuulo pe mìɛni bèle, bàli pe bé puu cìilile bèle, pe mìɛni bé gbɛ̀ ti káa.

Tɔ́rilɔ 3:6

«Ma Levii saʔa tùlugo sìʔɛrɛ gè ma kpɔni, ma pe tɛ́ngɛ kacuɔnriwɔ Arawɔn yiʔɛ mɛ́ gè kire ga buu peri baara wi mɛ́.

Fànʔa Kajuʔulo 10:8

Kire lɛ̀lɛ lire nī Yewe 'Levii saʔa tùlugo wàli gè nɛ̀ tɛ́ngɛ bèri Yewe nyakungɛngɛ finʔɛgɛ turu gè, béri yèrí Yewe yiʔɛ mɛ́ gè bèri baara wi mɛ́, bé sí de Yewe náari wi- diba taʔa wè siɛnnɛ nɛ̄ bèle. Kire Leviiyé pe kpínʔini fúɔ nɛ̀ pɛ́nì nɔ̀ pàngɛ nɛ̄ gè.

Eburulo 13:17

Yeri lúru yeli yiɛgininɛ mɛ́ bèle, ye sí yìye cɛ́rigɛ pe mɛ́; piyē nɛ yeli wéli nɛ́ ki cɛ́n cɛngɛ káà Kulocɛliɛ bè pe yúgo yeli wuʔu nɛ̄ gè. Yeri kire kpínʔini kire ga buu peri baara kúu dè nɛ́ fundaanra ní, ki fǎga buu nɛ́ kúnʔɔrilɔ níʔ; kire bé sí ki yaʔa yeli sǐ tɔ̀ni taaʔ.

Eburulo 4:15

Nɛ́ ki cɛ́n weli kacuɔnrilɔ kàfɔli wè, kiì nyaa majo wiǐ gbɛ̀ jáa bè nyinimɛ taa weli ŋɔrifun kele nɛ̄ gèleʔ. Kire sì cɛ bɛ̀ʔ; wi yé puuwelige taa kele ke mìɛni nī majo bɛ̀ weli míɛni nɛ puuweliye taʔa yè, nɛ̀ ki yaʔa wiì kapiile kpíʔileʔ.

Piɛri 1 2:24

Wi 'weli kapiʔile tugo gèle wi céri nī dè tiiparigɛ nɛ̄ gè, kire ga buu weli- kùu kapiile kɔli mɛ́ gè bé sí puu sìi nɛ̄ sínmɛ kɔli mɛ́ gè. Wi kpúɔnluɔlɔ lire kɛnmɛ nɛ̄ yeli nyɛ́nì puʔɔ.