Tɔ́rilɔ 17:8 - Sénoufo Nyarafolo

⁸ A Misa nɛ́ Arawɔn 'fali nɛ̀ kɛ́ Kpàlidiʔɛ Kpátaʔa yiʔɛ mɛ́ gè.

Tɔ́rilɔ 17:8 Iomraidhean Croise

Sélimɛ 40:10

a fétirige ki 'fali nɛ̀ fìin nɛ̀ yɛ̀ nɛ̀ lèye taanri yige nɛ̀ mígele nɛ̀ fíɛn, nɛ́ fali nɛ pígele sɛngi kàtoyo kàtoyo, a ɛrɛzɛn yasɛnrɛ ti 'fali nɛ̀ nyɛ́nigɛ.

Ŋúnuyɔ 110:2

Bè ki líɛ Siyɔn kàʔa nī gè, Yewe bé muɔ fànʔa kàgbiile sìɛn lè, dí muɔ bé tɛ́ni fànʔa nɛ̄ gè muɔ leguulo sunʔɔmɔ nī bè.

Tɔ́rilɔ 16:5

A wi 'yɛ̀ nɛ́ ki juu Kore mɛ́ nɛ́ wi gboli siɛnnɛ ní bèle nɛ́ jo: «Mbànʔa sínbinimɛ táanni bè, Yewe bé wi wuulo tìɛ bèle, nɛ́ míɛni wi bé ki tìɛ ŋàa wī wàlidɛngɛwɛ wi mɛ́ wè, bè wi kpɔni wìi nɛ̄. Siɛn ŋáà wi 'nyíɛnɛ nɛ̀ kɔ̀n wè, wi bé ki siɛn sìʔɛrɛ wè bè kpɔni wìi nɛ̄.

Tɔ́rilɔ 17:5

Kire nɛ̀gɛvaliyɛ nyáà yi 'puu nɛ Isirayɛli siɛnnɛ sɔ̀ngí bèle nɛ taʔa kele gálì nɛ̄ gèle, majo bɛ̀ Yewe yé tóri Misa mɛ́ wè nɛ́ ki juu gè, nɛ́ jo dí a wire sì siɛn ŋíì nyíɛnɛ nɛ̀ kɔ̀n wèʔ, ŋàa wi wè Arawɔn siimɛ wuu wèʔ, kire siɛn wiì yɛli wi sìʔɛrɛ kpɔni Yewe nɛ̄ wè bèri wusuna sórigi wèʔ, kire ga buu ki siɛn wi fǎga kò bɛ̀ Kore nɛ́ wi gboli siɛnnɛ tíɛlɛ bèleʔ.

Tɔ́rilɔ 17:9

A Yewe 'ki juu Misa mɛ́ nɛ́ jo:

Eburulo 9:4

Baa wusuna sórigodiʔɛ ki 'puu, tiɛ cɛ̀nwɛ wuʔu gè, nɛ́ nyakungɛngɛ finʔɛgɛ ní gè, gàa ki mìɛni pe yé tɔ́n nɛ́ tiɛ cɛ̀nwɛ ní wè. Mana wi 'puu baa tiɛ cɛ̀nwɛ daanbile nī lè, a pe 'ni tɛ́ngɛ nyakungɛngɛ finʔɛgɛ ki laamɛ nī bè, nɛ́ Arawɔn kàgbiile ní lè nàa ni yé fùn lè, nɛ́ nyakungɛngɛ siɛnrɛ kàdɛnitɛnyɛ ní yè.