Tɔ́rilɔ 17:7 - Sénoufo Nyarafolo

⁷ Bà siɛnnɛ pe 'gbuʔulo nɛ kúnʔɔri Misa nɛ́ Arawɔn yiʔɛ mɛ́ gè, a pe siin pe 'yiʔɛ nɛ̀ yiʔɛ wáa gè Kpàlidiʔɛ Kpátaʔa mɛ́ gè, a pe 'kàsadibagɛ nyaa gè a ki 'tìgi nɛ̀ ki tɔ́n, á Yewe cɛ̀nmɛ nɛ́ wi kpuɔmɔ pi 'yiri.

Tɔ́rilɔ 17:7 Iomraidhean Croise

Yirile 38:21

Lɔri ti niʔɛgɛnmɛ pi m'bɛ, lɔri dáà pe 'líɛ nɛ̀ Kòridiʔɛ faan gè, Kòridiʔɛ gáà nī nyakungɛngɛ siɛnrɛ ti 'puu nɛ kòrí dè. Kire tɔ́rilɔ lire pe yé kpíʔile nɛ̀ yɛli nɛ́ Misa nyasiɛnrɛ ní dè. Leviiyé peli pe yé ti tɔ́ri; Itamari wi 'puu pe yiɛginiwɛ wè. Wire wi 'puu kacuɔnriwɔ Arawɔn jaa wè.

Tɔ́rilɔ 1:50

Muɔ 'yɛli bè Leviiyé tɛ́ngɛ bèle peri Kòridiʔɛ wéli gè, gáa gī nyakungɛngɛ siɛnrɛ kàdɛnitɛnyɛ yi tɛ́ngɛdiʔɛ gè, nɛ́ ki yakpiʔilide ti mìɛni ní dè, nɛ́ ki yɛrɛ ti mìɛni ní dè. Pe 'yɛli bèri Koridiʔɛ nɛ́ ki yakpiʔilide ti mìɛni turu dè, béri ti wéli. Pe béri pe bùguro kpúɔn dè bèri Koridiʔɛ màʔa gè.

Tɔ́rilɔ 1:53

Nɛ̀ ki yaʔa Leviiyé bèle, peli bé tɛ́ni bè nyakungɛngɛ siɛnrɛ Kòridiʔɛ màʔa gè, kire ga buu Yewe funyɛrigbuʔɔ ki fǎga Isirayɛli tògo siɛnnɛ kpúɔn bèle. Leviiyé bèle, peli pe 'yɛli bèri Kòridiʔɛ wéli gè.»

Tɔ́rilɔ 14:10

A Isirayɛli tògo siɛnnɛ pe mìɛni 'fali nɛ ki nyu nɛ́ jo: «Ye- tí we- pe wáa nɛ́ kàdari ní !» A Yewe cɛ̀nmɛ nɛ́ wi kpuɔmɔ pi 'fali nɛ̀ tìgi Kpàlidiʔɛ Kpátaʔa nɛ̄ gè.

Tɔ́rilɔ 17:4

Eleyazari ŋáà wi 'puu kacuɔnriwɔ wè, a wire 'kányiɛrɛ tingbopigele líɛ gèle, gàli ke 'puu pe kiyɛ nī yè, bàli pe yé súʔu wiile bèle kàsun nī gè. A pe 'ke kpúɔn nɛ̀ kpɔbi nɛ́ gbùʔɔrɔdiʔɛ yafanʔa tɔ́n gè nɛ́ ke ní.

Tɔ́rilɔ 17:6

Ki kpìɛnduu gè, a Isirayɛli tògo siɛnnɛ pe mìɛni ń'nɛ̀ gbuʔulo nɛ̀ sɛ́ni kúnʔɔri Misa nɛ́ Arawɔn yiʔɛ mɛ́ gè, nɛ́ jo: «Yeli nyɛ́nì Yewe siɛnnɛ kpúu bèle !»

Tɔ́rilɔ 18:2

«Muɔ bé muɔ siinyɛninɛ fàri bèle mìɛ nɛ̄, Levii saʔa tùlugo wuulo bèle, pe- yeli sáʔa, muɔ nɛ́ muɔ jaala ní bèle, a yeli kɛ́ni yeli baara kúu dè Kpátaʔa yiʔɛ mɛ́ gè, tiʔɛ gáà gī nyakungɛngɛ siɛnrɛ kàdɛnitɛnyɛ yi tɛ́ngɛdiʔɛ gè.

Tɔ́rilɔ 9:15

Cɛngɛ gíì pe yé Yewe Kòridiʔɛ yérige gè, kire kpáʔata gáà kire ki 'puu nyakungɛngɛ siɛnrɛ kàdɛnitɛnyɛ siin tɛ́ngɛdiʔɛ gè, a kàsadibagɛ ki 'tìgi nɛ̀ ki tɔ́n. Pìlige nī gè, kàsadibagɛ gáà ki nɛ̂ puu nɛ nyí kàsun nɛ̀ pɛ́nì kpìɛnmɛ tuu bè.

Kakpiʔiligele 7:44

«Kpátaʔa gíì nī nyakungɛngɛ siɛnrɛ sɛbɛ wi 'puu wè, ki kpátaʔa ki 'puu baa weli tuuliɛyɛ mɛ́ yè waama kùlo nī lè; Misa cé ki kpíʔile nɛ̀ yɛli nɛ́ Kulocɛliɛ tìɛgɛnmɛ ní bè. Wi cé wi yɛ wi- ki kpíʔile ki- puu bɛ̀ gìi tíɛlɛ wi cé nyaa gè.