Tɔ́rilɔ 17:5 - Sénoufo Nyarafolo

⁵ Kire nɛ̀gɛvaliyɛ nyáà yi 'puu nɛ Isirayɛli siɛnnɛ sɔ̀ngí bèle nɛ taʔa kele gálì nɛ̄ gèle, majo bɛ̀ Yewe yé tóri Misa mɛ́ wè nɛ́ ki juu gè, nɛ́ jo dí a wire sì siɛn ŋíì nyíɛnɛ nɛ̀ kɔ̀n wèʔ, ŋàa wi wè Arawɔn siimɛ wuu wèʔ, kire siɛn wiì yɛli wi sìʔɛrɛ kpɔni Yewe nɛ̄ wè bèri wusuna sórigi wèʔ, kire ga buu ki siɛn wi fǎga kò bɛ̀ Kore nɛ́ wi gboli siɛnnɛ tíɛlɛ bèleʔ.

Tɔ́rilɔ 17:5 Iomraidhean Croise

Ŋúnuyɔ 105:26

A wi 'wi baakuɔwɔ Misa tun wè pe kúrugu, wire nɛ́ Arawɔn ŋáà wi yé nyíɛnɛ nɛ̀ kɔ̀n wè.

Yirile 16:7

Sínbinimɛ táanni bè, yeli bé Yewe cɛ̀nmɛ nɛ́ wi kpuɔmɔ nyaa bè, nɛ́ ki cɛ́n wi nyɛ́nì kúnʔɔrilɔ lúʔu lè nàa yeli 'juu nɛ̀ wáa Yewe mɛ́ wè. Nɛ́ weli ní bèle, báli bīɛlɛ weli bèle kire ga buu yeli de kúnʔɔri weli nɛ̄ ?»

Tɔ́rilɔ 1:51

Lɛ̀lɛ líì nī yeli bé bùguro yɛ̀gɛ dè, Leviiyé pe bé Kòridiʔɛ kɔ́ligi gè. Peli sí bīɛlɛ pe bé ki kpúɔn a yeli sɛ́nì je tɛ́ni tiʔɛ káà nī gè. A siɛn wáà wiiyɛ 'sìʔɛrɛ nɛ̀ kpɔni Kòridiʔɛ nɛ̄ gè, ki 'yɛli pe- kire siɛn kpúu wè.

Tɔ́rilɔ 11:1

A siɛnnɛ pe 'yɛ̀ nɛ kúnʔɔri Yewe nɛ̄ wè, pe wuʔɔgɔ wuʔu nɛ̄ gè. Bà Yewe 'ti lúʔu dè, a wi fungo ki 'yɛ̀ kpuʔɔ pe kúrugu, a Yewe kàsun ki 'cò pe sunʔɔmɔ nī bè. A kire kàsun ki 'bùguro tiɛyɛ yáà sórigo.

Tɔ́rilɔ 16:11

«Gàa gī baa gè, Yewe ní yeli nɛ túngu, muɔ nɛ́ muɔ gboli wuulo ní bèle. Á kire bɛ̀ʔ gè o, ŋáa wī Arawɔn wè dí yeli de wi sànʔá bèri túngu nɛ́ wi ní ?»

Tɔ́rilɔ 16:5

A wi 'yɛ̀ nɛ́ ki juu Kore mɛ́ nɛ́ wi gboli siɛnnɛ ní bèle nɛ́ jo: «Mbànʔa sínbinimɛ táanni bè, Yewe bé wi wuulo tìɛ bèle, nɛ́ míɛni wi bé ki tìɛ ŋàa wī wàlidɛngɛwɛ wi mɛ́ wè, bè wi kpɔni wìi nɛ̄. Siɛn ŋáà wi 'nyíɛnɛ nɛ̀ kɔ̀n wè, wi bé ki siɛn sìʔɛrɛ wè bè kpɔni wìi nɛ̄.

Tɔ́rilɔ 17:10

«Ye- núgo tògo siɛnnɛ bálì táanni bèle, bà m'bé ní pe cúʔɔ bè núgo baa píra píra ŋáà nī wè !» A Misa nɛ́ Arawɔn 'fali nɛ̀ tuu nɛ̀ yiɛyɛ cúbulo yè dàala nɛ̄ lè.

Tɔ́rilɔ 17:6

Ki kpìɛnduu gè, a Isirayɛli tògo siɛnnɛ pe mìɛni ń'nɛ̀ gbuʔulo nɛ̀ sɛ́ni kúnʔɔri Misa nɛ́ Arawɔn yiʔɛ mɛ́ gè, nɛ́ jo: «Yeli nyɛ́nì Yewe siɛnnɛ kpúu bèle !»

Tɔ́rilɔ 17:8

A Misa nɛ́ Arawɔn 'fali nɛ̀ kɛ́ Kpàlidiʔɛ Kpátaʔa yiʔɛ mɛ́ gè.

Korɛntiyé 1 10:10

Ye fǎri nyu de kúnʔɔriʔ, kire kúnʔɔrilɔ lire pe pàli 'puu nɛ kúnʔɔri, á kùu tundunwɔ wi 'pe cúʔɔ bèle.