Tɔ́rilɔ 17:11 - Sénoufo Nyarafolo

¹¹ A Misa 'fali nɛ̀ ki juu Arawɔn mɛ́ nɛ́ jo: «Te fé ma sa muɔ tingbopile líɛ lè, má sí kàsunnɛganʔana kálì kɔ̀n gbùʔɔrɔdiʔɛ yafanʔa nɛ̄ gè ma ke le n'nī, ma wusuna wo wè kàsunnɛganʔana nɛ̄ gèle, mari ŋàʔana mari waa nɛ́ ki ní tògo siɛnnɛ tiʔɛ nī gè, ma sa kàsulugosuɔ baara kúɔ dè pe mɛ́. Nɛ́ ki cɛ́n Yewe fungo ki 'yɛ̀ kpuʔɔ; wuʔɔgbuʔɔ ki séli nɛ̀ kúɔ !»

Tɔ́rilɔ 17:11 Iomraidhean Croise

Leviiyé 16:15

«Bà wi bé síkapɔli kɔni wè, siɛnnɛ pe kapiʔile kàsulugo wuu wè, bé sìsiɛn líɛ gè bè jíin gunbɔli fɛ̀ni kúrugu wè. Bà wi bé ki kpíʔile míɛni nɛ́ sìsiɛn ní gè majo bɛ̀ wi 'ki kpíʔile nɛ̀piɛyɛlilɛ sìsiɛn ní gè: wi bé ki nyɛri nyɛri kàsulugo suɔdiʔɛ nɛ̄ gè nɛ́ kàsulugo suɔdiʔɛ yiʔɛ mɛ́ gè.

Leviiyé 16:16

«Bɛ̀ ki bé kpíʔile wi bé kàsulugosuɔ baara kúɔ dè tiɛcɛ̀njɛngɛ wàlidɛngɛgɛ wuʔu nɛ̄ gè, Isirayɛli siɛnnɛ pe núʔɔmɔ kele nɛ́ pe tuudiʔɛlɛ kɛnmɛ nɛ̄ bè, kire 'jo Isirayɛliyé pe kapiʔile ke mìɛni gèle. Bɛ̀ wi bé ki kpíʔile míɛni Kpàlidiʔɛ Kpátaʔa wuʔu nɛ̄ gè, nɛ́ ki cɛ́n kiī tɛ́ngɛgɛ pe núʔɔmɔ sunʔɔmɔ nī bè.

Tɔ́rilɔ 11:33

Kaara ti 'puu nɛ tíin pe gànʔana nɛ̄ gèle, piyè cé fìɛ ti sànʔa nɛ̀ júɔʔ, a Yewe fungo ki 'yɛ̀ siɛnnɛ kúrugu bèle kpuʔɔ, a wi 'siɛnnɛ kpúɔn bèle nɛ́ wuʔɔgbuʔɔ ní gè.

Tɔ́rilɔ 17:10

«Ye- núgo tògo siɛnnɛ bálì táanni bèle, bà m'bé ní pe cúʔɔ bè núgo baa píra píra ŋáà nī wè !» A Misa nɛ́ Arawɔn 'fali nɛ̀ tuu nɛ̀ yiɛyɛ cúbulo yè dàala nɛ̄ lè.

Tɔ́rilɔ 17:12

A Arawɔn 'fali nɛ̀ ki kpíʔile gàa Misa yé juu gè. A wi 'koli nɛ̀ tingbopile líɛ lè, nɛ̀ fɛ̀ nɛ̀ kɛ́ siɛnniʔɛmɛ sunʔɔmɔ nī bè. A wi sɛ́nì ki nyaa yaama pi yé séli nɛ̀ kúɔ nɛ siɛnnɛ kpúu bèle. A Arawɔn 'ŋàʔana nɛ̀ wusuna le wè kàsunnɛganʔana nī gèle, nɛ̀ kàsulugosuɔ baara kúɔ dè pe mɛ́.