Tɔ́rilɔ 17:10 - Sénoufo Nyarafolo

¹⁰ «Ye- núgo tògo siɛnnɛ bálì táanni bèle, bà m'bé ní pe cúʔɔ bè núgo baa píra píra ŋáà nī wè !» A Misa nɛ́ Arawɔn 'fali nɛ̀ tuu nɛ̀ yiɛyɛ cúbulo yè dàala nɛ̄ lè.

Tɔ́rilɔ 17:10 Iomraidhean Croise

Ŋúnuyɔ 57:4

Bè wi yaʔa baa nyìʔɛnɛ nī lè, wi bé suɔlɔ kɛn lè m'mɛ́, bé siɛn láʔa wè mi nɛ̄ ŋàa wiī nɛ mi cìrá wè. Ye‑ ŋɔ́ cɛ̀. Wi bága wi bànguɔ dɛ́nigɛ nɛ́ wi kányiʔɛ tórigo gè mi mɛ́.

Yirile 16:32

A Misa sí pe yɛ: «Ti n'dɛ dàa Yewe 'juu nɛ̀ gbɛ̀ngɛ dè: ‹Ye- mana gbɔngbonyiʔɛ nigbe kíri, ye tɛ́ngɛ yeli siimɛ mɛ́ bè, kire ga buu pe bága pa ti nyaa dàa mi 'kɛn yeli mɛ́ dè, a yeli 'lìi waama kùlo nī lè lɛ̀lɛ líì nī mi 'yeli yige Ezipiti kùlo nī lè.› »

Yirile 16:34

A Arawɔn kɛ́nì mana yalenyɛni líɛ lè, nɛ̀ ni tɛ́ngɛ nyakungɛngɛ finʔɛgɛ táanni gè ti- kò sɔ̀ngidaadiʔɛ, majo bɛ̀ Yewe yé ki juu nɛ̀ gbɛ̀ngɛ Misa mɛ́ wè.

Tɔ́rilɔ 14:5

A Misa nɛ́ Arawɔn 'fali nɛ̀ tuu nɛ̀ yiɛyɛ cúbulo yè dàala nɛ̄ lè, Isirayɛli tògo siɛnnɛ pe mìɛni yiʔɛ mɛ́ gè, bàli pe 'puu gbuʔulilo bèle.

Tɔ́rilɔ 16:21

«Ye mìɛni ye- núgo siɛnnɛ bálì táanni bèle, nɛ́ ki cɛ́n m'bé pe mìɛni cúʔɔ wī píra píra ŋáà nī wè !»

Tɔ́rilɔ 17:11

A Misa 'fali nɛ̀ ki juu Arawɔn mɛ́ nɛ́ jo: «Te fé ma sa muɔ tingbopile líɛ lè, má sí kàsunnɛganʔana kálì kɔ̀n gbùʔɔrɔdiʔɛ yafanʔa nɛ̄ gè ma ke le n'nī, ma wusuna wo wè kàsunnɛganʔana nɛ̄ gèle, mari ŋàʔana mari waa nɛ́ ki ní tògo siɛnnɛ tiʔɛ nī gè, ma sa kàsulugosuɔ baara kúɔ dè pe mɛ́. Nɛ́ ki cɛ́n Yewe fungo ki 'yɛ̀ kpuʔɔ; wuʔɔgbuʔɔ ki séli nɛ̀ kúɔ !»

Tɔ́rilɔ 17:4

Eleyazari ŋáà wi 'puu kacuɔnriwɔ wè, a wire 'kányiɛrɛ tingbopigele líɛ gèle, gàli ke 'puu pe kiyɛ nī yè, bàli pe yé súʔu wiile bèle kàsun nī gè. A pe 'ke kpúɔn nɛ̀ kpɔbi nɛ́ gbùʔɔrɔdiʔɛ yafanʔa tɔ́n gè nɛ́ ke ní.

Tɔ́rilɔ 17:9

A Yewe 'ki juu Misa mɛ́ nɛ́ jo:

Tɔ́rilɔ 20:9

A Misa 'fali nɛ̀ kàgbiile líɛ lè, nàa ni 'puu Yewe yiʔɛ mɛ́ gè Kpàlidiʔɛ Kpátaʔa nī gè, nɛ̀ yɛli nɛ́ dàa ní Yewe cé juu nɛ̀ gbɛ̀ngɛ wi mɛ́ dè.

Tɔ́rilɔ 4:18

«Yeri ki ciʔige kire ga buu Keyatiyé nariyɛ yi fǎga cúʔɔ bè yiri Leviiyé nī bèleʔ.

Korɛntiyé 1 10:10

Ye fǎri nyu de kúnʔɔriʔ, kire kúnʔɔrilɔ lire pe pàli 'puu nɛ kúnʔɔri, á kùu tundunwɔ wi 'pe cúʔɔ bèle.

Efɛziyé 5:6

Ye fǎga tí siɛn yeli fáanni nɛ́ nyatanʔa siɛnjuuro níʔ. Ye- ki cɛ́n tire dáà tire ti nyɛ́ni báan nɛ́ Kulocɛliɛ funyɛrigɛ ní gè siɛnsinluʔulo kúrugu bèle.

Fànʔa Kajuʔulo 9:24

Nɛ́ ki líɛ mi 'yeli cɛ́n wè, yeli yē siɛnciile Yewe kɔli mɛ́ gè.

Fànʔa Kajuʔulo 9:7

«Ma sɔ̀ngi ma taa, fǎga fìʔɛʔ kɛnmɛ bíì nɛ̄ muɔ nyɛ́nì Yewe muɔ Kulocɛliɛ fungo yɛ̀gɛ gè kpuʔɔ waama kùlo nī lèʔ. Nɛ̀ ki líɛ cɛngɛ gíì muɔ 'yiri Ezipiti kùlo nī lè, fúɔ nɛ̀ pɛ́nì nɔ̀ náʔa gè, yeli yé Yewe cíi wè.

Eburulo 9:4

Baa wusuna sórigodiʔɛ ki 'puu, tiɛ cɛ̀nwɛ wuʔu gè, nɛ́ nyakungɛngɛ finʔɛgɛ ní gè, gàa ki mìɛni pe yé tɔ́n nɛ́ tiɛ cɛ̀nwɛ ní wè. Mana wi 'puu baa tiɛ cɛ̀nwɛ daanbile nī lè, a pe 'ni tɛ́ngɛ nyakungɛngɛ finʔɛgɛ ki laamɛ nī bè, nɛ́ Arawɔn kàgbiile ní lè nàa ni yé fùn lè, nɛ́ nyakungɛngɛ siɛnrɛ kàdɛnitɛnyɛ ní yè.