Tɔ́rilɔ 16:9 - Sénoufo Nyarafolo

⁹ Yeli nɛ sɔ̀ngí lé kaciɛlɛ nī yeli mɛ́, bà Isirayɛliyé Kulocɛliɛ wi 'yeli wàli nɛ̀ tɛ́ngɛ Isirayɛli tògo siɛnsɛnminɛ nī bèle, bè ki kpíʔile yeli gbɛ̀ri sìʔɛrɛ́ de kpɔni wi nɛ̄ wè, bèri Yewe Kòridiʔɛ baara kúu dè, bé ní de yèrí siɛnniʔɛmɛ yiʔɛ mɛ́ gè bèri pe yiʔɛ kínigi gè de kele cuɔnri gèle ?

Tɔ́rilɔ 16:9 Iomraidhean Croise

Sélimɛ 30:15

A Leya sí jo: «Muɔ nɛ sɔ̀ngí lé kaciɛlɛ nī lè, bɛ̀ muɔ 'mi pɔli suɔ wè m'mɛ́ wè, nɛ́ ń'nɛ̀ jo muɔ bé wìyedɛnigɛ yasɛnrɛ suɔ dè m'mɛ́ cígini, dàa ní mi jaa wi 'pɛn dè?» A Arasɛli sí ń'nɛ̀ jo: «A ki yē bɛ̀ gè, Yakuba bé jíin muɔ saʔa nī gè pàngɛ pìlige nī gè, a muɔ 'fɔ̀li nɛ̀ wìyedɛnigɛ yasɛnrɛ kɛn dè m'mɛ́ dè, dàa ní muɔ jaa wi 'pɛn dè.»

Tɔ́rilɔ 1:53

Nɛ̀ ki yaʔa Leviiyé bèle, peli bé tɛ́ni bè nyakungɛngɛ siɛnrɛ Kòridiʔɛ màʔa gè, kire ga buu Yewe funyɛrigbuʔɔ ki fǎga Isirayɛli tògo siɛnnɛ kpúɔn bèle. Leviiyé bèle, peli pe 'yɛli bèri Kòridiʔɛ wéli gè.»

Tɔ́rilɔ 16:13

Muɔ nɛ sɔ̀ngí lé kaciɛlɛ nī, bà muɔ 'weli yige baa kùlo náà nī lè tiʔɛ gíì nī nɛ̀yirimɛ nɛ́ sárigɛ kiī nɛ fúu gè, bè pa weli kpúu náʔa waama kùlo náà nī lè ? Muɔ nɛ caa lé bè mìɛ kpíʔile kùlofɔli jaa wī náʔa gè, bè puu weli nyùgo nɛ̄ gè ?

Tɔ́rilɔ 16:8

A Misa ń'nɛ̀ ki juu Kore mɛ́ nɛ́ jo: «Yeri lúru cɛ̀ngɛ, yeli Levii wuulo bèle !

Tɔ́rilɔ 3:6

«Ma Levii saʔa tùlugo sìʔɛrɛ gè ma kpɔni, ma pe tɛ́ngɛ kacuɔnriwɔ Arawɔn yiʔɛ mɛ́ gè kire ga buu peri baara wi mɛ́.

Tɔ́rilɔ 3:9

«Muɔ Misa wè, muɔ bé Leviiyé kɛn bèle Arawɔn mɛ́ wè, wire nɛ́ wi jaala ní bèle. Muɔ bé pe kɛn bè láʔa péwu wi mɛ́ Isirayɛli siɛnnɛ sunʔɔmɔ nī bè.

Kakpiʔiligele 13:2

Cɛngɛ káà, pe ní baa nɛ Kàfɔli gbùʔɔrɔ́ wè nɛ́ ní sún nɛ̄ wè, a Kulocɛliɛ Pìle ni kɛ́nì jo: «Ye- Barinabasi nɛ́ Sɔli wàli ye tɛ́ngɛ m'mɛ́ baara díì nɛ̄ mi 'pe yeri bèle.»

Korɛntiyé 1 4:3

Mi wè, kiì mi líɛ yafiɛn mɛ́ʔ, a ki yē yeli ye je mi kɛnmɛ siʔɛ bè bè wéli wèʔ, á kire 'laa siɛnwarilɛ pálì bèleʔ. Mi tíimɛ wè, mi wè káala mìɛ nɛ̄ʔ.

Fànʔa Kajuʔulo 10:8

Kire lɛ̀lɛ lire nī Yewe 'Levii saʔa tùlugo wàli gè nɛ̀ tɛ́ngɛ bèri Yewe nyakungɛngɛ finʔɛgɛ turu gè, béri yèrí Yewe yiʔɛ mɛ́ gè bèri baara wi mɛ́, bé sí de Yewe náari wi- diba taʔa wè siɛnnɛ nɛ̄ bèle. Kire Leviiyé pe kpínʔini fúɔ nɛ̀ pɛ́nì nɔ̀ pàngɛ nɛ̄ gè.