Tɔ́rilɔ 16:7 - Sénoufo Nyarafolo

⁷ yé kàsunnɛganʔana le ke nī, ye wusuna le tingbopile nī lè Yewe yiʔɛ mɛ́ gè. Siɛn ŋáà Yewe nyíɛnɛ nɛ̀ kɔ̀n wè, kire siɛn wire yē wàlidɛngɛwɛ Yewe yiʔɛ mɛ́ gè. Yeli kɛ́nì ki líɛ nɛ̀ tórigo, Levii jaala yeli bèle !»

Tɔ́rilɔ 16:7 Iomraidhean Croise

Ŋúnuyɔ 106:16

Baa bùguro nī dè, a yejaʔa 'yɛ̀ pe mɛ́ Misa kúrugu wè, nɛ́ Arawɔn kúrugu wè, wire ŋáà wi 'puu Yewe siɛnwalidɛngɛwɛ wè.

Tɔ́rilɔ 16:3

A pe 'pìye gbuʔulo Misa nɛ́ Arawɔn kɛnmɛ nɛ̄ nɛ́ pe yɛ: «Weli kɛ́nì fùrɔ ! Isirayɛli tògo siɛnnɛ pe mìɛni nigbe nigbe yē wàlidɛngɛlɛ Yewe mɛ́; Yewe yē pe sunʔɔmɔ nī. Gáa nɛ̄ yeli nɛ ki sɔ̀ngí yeli nyɛ́nì kpúʔɔ nɛ̀ tóri Yewe siɛnniʔɛmɛ nɛ̄ bè ?»

Tɔ́rilɔ 16:5

A wi 'yɛ̀ nɛ́ ki juu Kore mɛ́ nɛ́ wi gboli siɛnnɛ ní bèle nɛ́ jo: «Mbànʔa sínbinimɛ táanni bè, Yewe bé wi wuulo tìɛ bèle, nɛ́ míɛni wi bé ki tìɛ ŋàa wī wàlidɛngɛwɛ wi mɛ́ wè, bè wi kpɔni wìi nɛ̄. Siɛn ŋáà wi 'nyíɛnɛ nɛ̀ kɔ̀n wè, wi bé ki siɛn sìʔɛrɛ wè bè kpɔni wìi nɛ̄.

Tɔ́rilɔ 16:6

Kore, muɔ nɛ́ muɔ gboli ní lè, ye- gàa kire kpíʔile: ye- tingbopigele líɛ,

Tɔ́rilɔ 16:8

A Misa ń'nɛ̀ ki juu Kore mɛ́ nɛ́ jo: «Yeri lúru cɛ̀ngɛ, yeli Levii wuulo bèle !

Efɛziyé 1:4

Ki 'nyaa wi cé weli nyíɛnɛ nɛ̀ kɔ̀n nɛ̀ yaʔa we- puu pínɛnɛ nɛ́ Kirisi ní wè nɛ̀ ki yaʔa duniya wiì cé fìɛ faanʔ, we- puu we nyuɔ wire yiʔɛ mɛ́ gè, wé sí puu tiɛlɛ fùn, dɛ́nigɛ nī gè.

Tesalonikiyé 2 2:13

Siinyɛninɛ, yeli bálì bīɛlɛ ye 'Kàfɔli dɛ́ni wè, weli 'tɔ̀ni nɛ̀ yɛli bèri Kulocɛliɛ síɛri wè lɛ̀gɛlɛ ke mìɛni nī yeli kɛnmɛ nɛ̄ bè. Nɛ̀ taʔa gíi nɛ̄, Kulocɛliɛ wi 'yeli nyíɛnɛ nɛ̀ kɔ̀n siɛnpelile bèle, nɛ̀ yeli suɔ wi Pìle lire fànʔa nɛ̄ gè, lire ni 'yeli wàli nɛ̀ tɛ́ngɛ ye- puu wi wuulo bèle, nɛ́ bɛ̀ yeli 'tɛ́ngɛ kányiʔɛ nɛ̄ gè.

Piɛri 1 2:9

Nɛ̀ ki yaʔa yeli bèle, yeli yē siɛnfelige gáà Kulocɛliɛ wi 'nyíɛnɛ nɛ̀ kɔ̀n gè, nɛ́ ní Kùlofɔli wi kacuɔnrilɔ bèle, nɛ́ ní kùlo láà wuulo wàlidɛngɛlɛ wi mɛ́, nɛ́ ní Kulocɛliɛ wi wuulo. Wi 'yeli yeri nɛ̀ yige yebilige nī gè ye- puu kpìɛnmɛ nī bè bàa pi 'nyuɔ nɛ̀ tóri bè, kire ga buu yeli de wi kakpoliyo nyu yè.