Tɔ́rilɔ 16:5 - Sénoufo Nyarafolo

⁵ A wi 'yɛ̀ nɛ́ ki juu Kore mɛ́ nɛ́ wi gboli siɛnnɛ ní bèle nɛ́ jo: «Mbànʔa sínbinimɛ táanni bè, Yewe bé wi wuulo tìɛ bèle, nɛ́ míɛni wi bé ki tìɛ ŋàa wī wàlidɛngɛwɛ wi mɛ́ wè, bè wi kpɔni wìi nɛ̄. Siɛn ŋáà wi 'nyíɛnɛ nɛ̀ kɔ̀n wè, wi bé ki siɛn sìʔɛrɛ wè bè kpɔni wìi nɛ̄.

Tɔ́rilɔ 16:5 Iomraidhean Croise

Ŋúnuyɔ 105:26

A wi 'wi baakuɔwɔ Misa tun wè pe kúrugu, wire nɛ́ Arawɔn ŋáà wi yé nyíɛnɛ nɛ̀ kɔ̀n wè.

Ŋúnuyɔ 115:10

Arawɔn siimɛ yo, ye‑ yeli sɔ̀ngirɔ taʔa dè Yewe nɛ̄ ! Wire wī yeli sáʔafɔli wè nɛ́ yeli timɔzigege gè.

Ŋúnuyɔ 65:4

Weli kolimɔ kele ke 'lúbugo mi nɛ̄, nɛ̀ ki yaʔa muɔ nɛ weli tuudiʔɛlɛ ke mìɛni kàsulugo suu gè.

Yirile 28:1

A Yewe 'ki juu nɛ̀ gbɛ̀ngɛ Misa mɛ́ nɛ́ jo: «Bɛ̀ Kòridiʔɛ ki 'faan nɛ̀ kúɔ gè, ma muɔ luɔ Arawɔn kɔ́ri wè nɛ́ wi jaala ní bèle: Nadabi, Abiyu, Eleyazari nɛ́ Itamari. Muɔ bé pe wàli dɛ́ngɛ piyeyɛ Isirayɛli siɛnnɛ nī bèle, kire ga buu peri kacuɔnrilɔ baara kúu dè mi mɛ́.

Yirile 28:41

Muɔ Misa wè, muɔ bé bururo dáà le dè Arawɔn nɛ̄ wè nɛ́ wi jaala ní bèle, bé siɛnnyiɛnɛgɔn sùnmɔ wo bè pe nyùyɔ nɛ̄ yè, bè pe tɛ́ngɛ pe baara nɛ̄ dè bè pe wàli dɛ́ngɛ, kire ga buu peri kacuɔnrilɔ baara kúu dè mi mɛ́.

Yirile 28:43

Arawɔn nɛ́ wi jaala pe béri kire jàdigile nii bèle bèri jíin Kpàlidiʔɛ Kpátaʔa nī gè, nɛ́ míɛni a pe kɛ́ni sìʔɛrɛ́ nɛ waa gbùʔɔrɔdiʔɛ yafanʔa mɛ́ gè bè sa pe baara kúɔ dè tiɛcɛ̀ngɛ wàlidɛngɛgɛ nī gè, kire ga buu pe fǎga kolimɔ kpíʔile bè kùuʔ. Dàa tire yē fànʔa kaala lɛ̀lɛ ó lɛ̀lɛ nī Arawɔn mɛ́ nɛ́ wi siimɛ pi mìɛni ní bè.»

Leviiyé 10:3

A Misa 'ki juu Arawɔn mɛ́ nɛ́ jo: «Dàa tire dī Yewe cé juu lɛ̀lɛ líì nī wi 'jo, ‹Bàli pe 'sìʔɛrɛ nɛ̀ kpɔni mi nɛ̄ wè, pe 'yɛli bè ki cɛ́n dí mi yē tiɛlɛ fùn, bà kpuʔɔrɔ bè taʔa mi nɛ̄ siɛnnɛ pe mìɛni nyaamɛ nɛ̄ bè.› » A Arawɔn 'pìiri.

Leviiyé 8:2

«Ma Arawɔn nɛ́ wi jaala kɔ́ri bèle, ma pe burudo líɛ dè, nɛ́ siɛnnyiɛnɛgɔn sùnmɔ ní bè, nɛ́ kapiʔile kàsulugo kakuɔrɔ nɛ̀piɛyɛlilɛ ní lè, nɛ́ sìnbapɔlilɔ siin, nɛ́ sìnvarifun búrulo danʔa ní gè.

Tɔ́rilɔ 16:3

A pe 'pìye gbuʔulo Misa nɛ́ Arawɔn kɛnmɛ nɛ̄ nɛ́ pe yɛ: «Weli kɛ́nì fùrɔ ! Isirayɛli tògo siɛnnɛ pe mìɛni nigbe nigbe yē wàlidɛngɛlɛ Yewe mɛ́; Yewe yē pe sunʔɔmɔ nī. Gáa nɛ̄ yeli nɛ ki sɔ̀ngí yeli nyɛ́nì kpúʔɔ nɛ̀ tóri Yewe siɛnniʔɛmɛ nɛ̄ bè ?»

Tɔ́rilɔ 16:6

Kore, muɔ nɛ́ muɔ gboli ní lè, ye- gàa kire kpíʔile: ye- tingbopigele líɛ,

Tɔ́rilɔ 17:5

Kire nɛ̀gɛvaliyɛ nyáà yi 'puu nɛ Isirayɛli siɛnnɛ sɔ̀ngí bèle nɛ taʔa kele gálì nɛ̄ gèle, majo bɛ̀ Yewe yé tóri Misa mɛ́ wè nɛ́ ki juu gè, nɛ́ jo dí a wire sì siɛn ŋíì nyíɛnɛ nɛ̀ kɔ̀n wèʔ, ŋàa wi wè Arawɔn siimɛ wuu wèʔ, kire siɛn wiì yɛli wi sìʔɛrɛ kpɔni Yewe nɛ̄ wè bèri wusuna sórigi wèʔ, kire ga buu ki siɛn wi fǎga kò bɛ̀ Kore nɛ́ wi gboli siɛnnɛ tíɛlɛ bèleʔ.

Tɔ́rilɔ 17:8

A Misa nɛ́ Arawɔn 'fali nɛ̀ kɛ́ Kpàlidiʔɛ Kpátaʔa yiʔɛ mɛ́ gè.

Zezi Kirisi Kataanna Siɛnrɛ dè Zan juumɔ nɛ̄ bè 15:16

Yeli bɛ̀ʔ ye 'mi nyíɛnɛ nɛ̀ kɔ̀nʔ, mi mi 'yeli nyíɛnɛ nɛ̀ kɔ̀n. Yeri waa ye sa yasɛnrɛ sɛn, yeli yasɛnrɛ ti- kò ti mɔgɔ, dí ki sí puu a yeli 'yakaa náari Tuufɔli mɛ́ wè mi míʔɛ nɛ̄ gè, wi- ki kɛn yeli mɛ́.

Kakpiʔiligele 1:2

fúɔ nɛ̀ taa cɛngɛ gíì Kulocɛliɛ wi cé kɛ́nì wi líɛ nɛ̀ yɛ̀gɛ nyìʔɛnɛ nī lè. Náʔanɛ wi- kɛ́ wè, wi tundunminɔ bílì wi cé nyíɛnɛ nɛ̀ kɔ̀n bèle, a wi 'siɛnrɛ juu nɛ̀ yaʔa pe mɛ́ nɛ̀ ki juu nɛ̀ gbɛ̀ngɛ pe mɛ́ Kulocɛliɛ Pìle fànʔa nɛ̄ gè.

Kakpiʔiligele 1:24

A pe 'Kulocɛliɛ náari wè nɛ́ jo: «Kàfɔli, muɔ ma 'siɛnnɛ pe mìɛni funyɔ cɛ́n yè; ŋìi muɔ 'nyíɛnɛ nɛ̀ kɔ̀n bàli pe siin nī bèle, -wi tìɛ weli nɛ̄.

Kakpiʔiligele 13:2

Cɛngɛ káà, pe ní baa nɛ Kàfɔli gbùʔɔrɔ́ wè nɛ́ ní sún nɛ̄ wè, a Kulocɛliɛ Pìle ni kɛ́nì jo: «Ye- Barinabasi nɛ́ Sɔli wàli ye tɛ́ngɛ m'mɛ́ baara díì nɛ̄ mi 'pe yeri bèle.»

Kakpiʔiligele 15:7

A kàyuʔu 'yɛ̀ kpuʔɔ pe sunʔɔmɔ nī bè, a Piɛri kɛ́nì yɛ̀ nɛ̀ yéri nɛ́ pe yɛ: «Mi siinyɛninɛ, yeli 'ki cɛ́n Kulocɛliɛ wi 'mi nyíɛnɛ nɛ̀ yige yeli nī kiī faʔa, a kire 'ki kɛn a kùlogolo kálì siɛnnɛ 'Kataanna Siɛnrɛ taa dè nɛ̀ lúʔu mi nyuɔ nɛ̄, nɛ̀ tɛ́ngɛ.

Kakpiʔiligele 22:14

A wi 'jo: ‹Weli tobilo pe Kulocɛliɛ wi 'muɔ nyíɛnɛ nɛ̀ kɔ̀n ma ki cɛ́n gìi gī wire nyɛ́ni kaala lè, ma wire Siɛnsinwɛ cɛ́n wè, ma wi siɛnrɛ lúʔu dè wire tíimɛ nyuɔ nɛ̄.

Efɛziyé 2:13

Nɛ̀ sí ki taa píra ŋáà nī wè, bɛ̀ yeli yē Zezi Kirisi wuulo bèle, yeli bálì ye 'puu liilile bèle, a yeli 'sìʔɛrɛ nɛ̀ kpɔni Kulocɛliɛ nɛ̄ wè, Kirisi wire sìsiɛn fànʔa nɛ̄ gè.

Timote 2 2:19

Nɛ̀ sí ki yaʔa, kàkpuɔn ŋáà Kulocɛliɛ sɔ́migɔ nɛ̀ tɛ́ngɛ wè, wiī baa lìriwe súuri, a siɛnrɛ ti 'sɛbɛ wi nɛ̄ nɛ̀ kò fìɛ nɛ́ jo: Kàfɔli wi 'pe cɛ́n bàli bīɛlɛ wire wuulo bèle. A ki sí ń'nɛ̀ jo: Ŋàa wi 'jo wire yē Kàfɔli wuu wè, ki 'yɛli wi de líili kapiʔi nɛ̄ gè.

Eburulo 12:14

Yeri ki caa ye puu yanyige nɛ̄ nɛ́ siɛnnɛ pe mìɛni ní, yeri ki caa ye puu wàlidɛngɛlɛ Kulocɛliɛ mɛ́ wè. Á kire bɛ̀ʔ gè, siɛn sǐ gbɛ̀ Kàfɔli nyaa wèʔ.

Tìɛlɛ 1:6

nɛ̀ weli kpíʔile kùlofɔligɔ wuulo, a weli 'kò kacuɔnrilɔ Kulocɛliɛ mɛ́ wè, wi Tuu wè. Kpuʔɔrɔ dè nɛ́ fànʔa ní gè, ti 'yɛli wi nɛ̄ lɛ̀gɛlɛ ke mìɛni nī. Ki- taa ki puu bɛ̀.