Tɔ́rilɔ 16:3 - Sénoufo Nyarafolo

³ A pe 'pìye gbuʔulo Misa nɛ́ Arawɔn kɛnmɛ nɛ̄ nɛ́ pe yɛ: «Weli kɛ́nì fùrɔ ! Isirayɛli tògo siɛnnɛ pe mìɛni nigbe nigbe yē wàlidɛngɛlɛ Yewe mɛ́; Yewe yē pe sunʔɔmɔ nī. Gáa nɛ̄ yeli nɛ ki sɔ̀ngí yeli nyɛ́nì kpúʔɔ nɛ̀ tóri Yewe siɛnniʔɛmɛ nɛ̄ bè ?»

Tɔ́rilɔ 16:3 Iomraidhean Croise

Ŋúnuyɔ 106:16

Baa bùguro nī dè, a yejaʔa 'yɛ̀ pe mɛ́ Misa kúrugu wè, nɛ́ Arawɔn kúrugu wè, wire ŋáà wi 'puu Yewe siɛnwalidɛngɛwɛ wè.

Ŋúnuyɔ 68:17

ʔé ! Nyagurugo muɔ, muɔ ŋáà nɛ̄ kpàʔaladiɛyɛ yi yē nìʔɛyɛ yè, gáa nɛ̄ yejaʔa yē muɔ nī nyagurugo gíì nɛ̄ gè gàa Kulocɛliɛ 'nyíɛnɛ nɛ̀ kɔ̀n nɛ̀ tɛ́ni ki nɛ̄ gè  ? ʔaan, Yewe bé ki kpíʔile wire kòridiʔɛ súuri !

Yirile 19:6

Yeli bèle yeli ye mìɛni bé puu mi kùlofɔligɔ ki kacuɔnrilɔ; m'bé yeli kpíʔile siɛnfelige gáà mi 'nyíɛnɛ nɛ̀ kɔ̀n gè nɛ̀ tɛ́ngɛ kiiyɛ gè.› «Siɛnrɛ dáà tire dī dàa muɔ bé sa juu Isirayɛli siɛnnɛ mɛ́ bèle.»

Tɔ́rilɔ 14:14

Pe nyɛ́nì ki juu Kanaa kùlo siɛnnɛ mɛ́ bèle a pe 'ki lúʔu nɛ́ jo muɔ wè, Yewe, muɔ yē pe sunʔɔmɔ nī, nɛ́ míɛni muɔ Yewe wè, muɔ nyɛ́nì mìɛ tìɛ pe nɛ̄ a pe 'muɔ nyaa. Muɔ kàsadibagɛ ki nɛ̂ yéri pe nyùgo nī gè nɛ̀ pe yiʔɛ kíni gè, kàsadibagɛ sìtɔnigɔ nī gàa ki 'cùungu cɛngɛ nī gè, nɛ́ kàsadibagɛ kàsun sìtɔnigɔ ní pìlige nī gè.

Tɔ́rilɔ 16:11

«Gàa gī baa gè, Yewe ní yeli nɛ túngu, muɔ nɛ́ muɔ gboli wuulo ní bèle. Á kire bɛ̀ʔ gè o, ŋáa wī Arawɔn wè dí yeli de wi sànʔá bèri túngu nɛ́ wi ní ?»

Tɔ́rilɔ 16:7

yé kàsunnɛganʔana le ke nī, ye wusuna le tingbopile nī lè Yewe yiʔɛ mɛ́ gè. Siɛn ŋáà Yewe nyíɛnɛ nɛ̀ kɔ̀n wè, kire siɛn wire yē wàlidɛngɛwɛ Yewe yiʔɛ mɛ́ gè. Yeli kɛ́nì ki líɛ nɛ̀ tórigo, Levii jaala yeli bèle !»

Tɔ́rilɔ 23:21

Cúʔɔmɔ wè nɛ báan baaʔ, bàa pi bé Yakuba taa wè. Fuunmɔ wè nɛ nyaʔaʔ, bàa pi báan Isirayɛli siɛnnɛ kúrugu bèleʔ. Yewe pe Kulocɛliɛ wè, wiī nɛ́ pe ní; pe 'wi nyíɛnɛ nɛ̀ kɔ̀n pe Kùlofɔli.

Tɔ́rilɔ 35:34

Kire nɛ̄ yeli fǎga kùlo núʔɔ lèʔ nàa nī yeli yē tɛ́ninɛ bèleʔ, nàa nī mi tíimɛ yē tɛ́niwɛ wè, nɛ́ ki cɛ́n mi Yewe, mi yē kòriwo Isirayɛli siɛnnɛ sunʔɔmɔ nī bè.»

Tɔ́rilɔ 5:3

Nàguɔ wī yo, cɛliwɛ wī yo, yeli bé pe yige bùguro kàduʔu mɛ́ gè kire ga buu pe fǎga bùguro núʔɔ dèʔ, dàa sunʔɔmɔ nī mi yē wè.»

Kakpiʔiligele 7:39

Kire nɛ́ ki mìɛni ní, weli tuuliɛyɛ yiì cé lúʔu wi mɛ́ʔ. A pe cɛ́nì wi cíi nɛ́ koli nɛ̀ pe sɔ̀ngirɔ taʔa dè Ezipiti kùlo tiʔɛ kire nɛ̄.

Kakpiʔiligele 7:51

«ʔé, yeli bèle, cíimɛ siɛnnɛ bīɛlɛ yeli bèle, nɛ̀ pínɛ yeli nàzɔnnɔ pe 'gbɛ̀n a yeli ngbúʔulo ke 'pàanni ke wè lúru Kulocɛliɛ Pìle mɛ́ lèʔ.