Tɔ́rilɔ 16:2 - Sénoufo Nyarafolo

² a pe 'cíi Misa nɛ̄ wè, nɛ́ siɛnnɛ sirakeli togosiin nɛ́ kpɔrigɔ (250) kɔ́ri nɛ̀ fàri pìye nɛ̄. Peli bálì pe 'puu Isirayɛli tògo kàfɔlilɔ bèle, nɛ́ ní yiɛgininɛ bèle nɛ́ ní míɛkpoliyo ní yè.

Tɔ́rilɔ 16:2 Iomraidhean Croise

Sélimɛ 6:4

Kire lɛ̀lɛ lire nī, siɛnkpaʔajɛnminɛ pe 'puu nɛ tíin bile dàala nɛ̄ lè, nɛ́ míɛni kire kàduʔumɛ gè yi 'puu bile. A Kulocɛliɛ pìile pe pɛ́nì sínɛ nɛ́ siɛnnɛ pórilo ní bèle a pe 'pìile sii pe nɛ̄. Peli pe 'puu nàgaliriye yè nyàa yi 'puu nɛ́ ŋɔri ní dè faʔa gè, nɛ́ ní míʔɛfɔlilɔ bèle.

Tɔ́rilɔ 1:16

Bàli bèle, peli yē nàguɔlɔ bálì pe 'nyíɛnɛ nɛ̀ kɔ̀n Isirayɛli tògo siɛnnɛ nī bèle. Peli pe yé puu pe saaya tùluyo kàfɔlilɔ bèle; pe 'puu míɛni Isirayɛli kapiɛngbuɔn tòyo nyùyɔ nɛ̄ yè.

Tɔ́rilɔ 12:1

Ki 'nyaa, Misa cé Kusi kùlo cuɔ wáà líɛ. A Miriyami 'wi sànʔa, a Arawɔn míɛni 'wúɔ nɛ́ wi ní, a pe 'wi sànʔa kire kɛnmɛ nɛ̄ bè.

Tɔ́rilɔ 16:35

A Yewe 'fali nɛ̀ kàsun káà yige nɛ̀ siɛnnɛ sirakeli togosiin nɛ́ kpɔrigɔ (250) sórigo bèle, bàli pe 'puu nɛ́ tingbopigele ní gèle nɛ́ wusuna ní wè pe kiyɛ nī yè.

Tɔ́rilɔ 26:9

Ɛliyabi jaala peli pe 'puu bàli bèle: Nɛmuwɛli, nɛ́ Datan, nɛ́ Abirami. Kire Datan ŋáà wè nɛ́ Abirami ní wè, peli pe yé puu Isirayɛli tògo yiɛgininɛ pálì bàli pe 'cíi Misa nɛ́ Arawɔn nɛ̄ wè, nɛ́ pìye fàri Kore gboli nɛ̄ lè lɛ̀lɛ líì nī pe 'cíi Yewe nɛ̄ wè.

Tɔ́rilɔ 27:3

«Weli tuu wi nyɛ́nì kùu waama kùlo nī lè, nɛ̀ ki yaʔa wiì cé puu nɛ́ bàli ní pe yé cíi Yewe nɛ̄ wèʔ, Kore gboli nī lèʔ. Wi nyɛ́nì kùu wi tíimɛ kapiile nɛ̄ wī. Jaafɔli sí wè wi mɛ́ʔ.