Tɔ́rilɔ 16:11 - Sénoufo Nyarafolo

¹¹ «Gàa gī baa gè, Yewe ní yeli nɛ túngu, muɔ nɛ́ muɔ gboli wuulo ní bèle. Á kire bɛ̀ʔ gè o, ŋáa wī Arawɔn wè dí yeli de wi sànʔá bèri túngu nɛ́ wi ní ?»

Tɔ́rilɔ 16:11 Iomraidhean Croise

Ŋúnuyɔ 106:16

Baa bùguro nī dè, a yejaʔa 'yɛ̀ pe mɛ́ Misa kúrugu wè, nɛ́ Arawɔn kúrugu wè, wire ŋáà wi 'puu Yewe siɛnwalidɛngɛwɛ wè.

Yirile 17:2

A siɛnnɛ pe 'yɛ̀ nɛ Misa nyuɔ caa gè. A pe 'jo: «-Luʔɔ kɛn weli mɛ́ weli- gbuɔ !» A Misa sí pe yɛ: «Gáa nɛ̄ yeli nɛ mi nyuɔ caa gè ? Gáa nɛ̄ yeli nɛ Yewe pun wè nɛ wéli ?»

Tɔ́rilɔ 11:1

A siɛnnɛ pe 'yɛ̀ nɛ kúnʔɔri Yewe nɛ̄ wè, pe wuʔɔgɔ wuʔu nɛ̄ gè. Bà Yewe 'ti lúʔu dè, a wi fungo ki 'yɛ̀ kpuʔɔ pe kúrugu, a Yewe kàsun ki 'cò pe sunʔɔmɔ nī bè. A kire kàsun ki 'bùguro tiɛyɛ yáà sórigo.

Tɔ́rilɔ 16:12

A Misa 'siɛnnɛ tun pe- sa Datan nɛ́ Abiramiyé yeri bèle, Ɛliyabi jaala bèle. Kire nɛ́ ki mìɛni a pe 'cíi nɛ́ jo: «Weli sǐ ga tíi kɛ́ baaʔ !

Tɔ́rilɔ 16:3

A pe 'pìye gbuʔulo Misa nɛ́ Arawɔn kɛnmɛ nɛ̄ nɛ́ pe yɛ: «Weli kɛ́nì fùrɔ ! Isirayɛli tògo siɛnnɛ pe mìɛni nigbe nigbe yē wàlidɛngɛlɛ Yewe mɛ́; Yewe yē pe sunʔɔmɔ nī. Gáa nɛ̄ yeli nɛ ki sɔ̀ngí yeli nyɛ́nì kpúʔɔ nɛ̀ tóri Yewe siɛnniʔɛmɛ nɛ̄ bè ?»

Luku 10:16

«A siɛn ŋíì 'yeli siɛnrɛ lúʔu dè, mi siɛnrɛ wi 'lúʔu; a ŋìi sí yeli wáa wè, mi wi 'wáa. A siɛn ŋíì sí mi wáa wè, Kulocɛliɛ ŋáà wi 'mi tun wè, wire siɛn wi 'wáa nɛ̀ pínɛ.»

Zezi Kirisi Kataanna Siɛnrɛ dè Zan juumɔ nɛ̄ bè 13:20

M'bé ki juu yeli mɛ́ kányiʔɛ nɛ̄, a siɛn ŋíì 'mi tundunwɔ cò wè cɛ̀ngɛ wè, mi siɛn wi 'cò cɛ̀ngɛ. A ŋìi sí mi cò cɛ̀ngɛ wè, Ŋàa wi 'mi tun wè, wire siɛn wi 'cò cɛ̀ngɛ.»

Kakpiʔiligele 5:4

Muɔ wuʔu bɛ̀ʔ lé siʔi gè ? Bɛ̀ sí muɔ 'ki pári gè, wali wè muɔ wuu bɛ̀ʔ lé ? Gáa nɛ̄ muɔ 'sɔ̀ngirɔ dáà líɛ dè nɛ̀ le muɔ fungo nī gè ? Ma sí ti lúʔu, siɛn bɛ̀ʔ muɔ 'fáanniʔ, Kulocɛliɛ mɛ́ muɔ 'finɛ.»

Wurɔmiyé 13:2

Kire kɛnmɛ nɛ̄, siɛn ŋáà wi nyɛ́ni kìí nɛ́ fànʔa ní gè, wiī nɛ kìí nɛ́ Kulocɛliɛ katɛngɛlɛ ní lè wī. Bìli sí bīɛlɛ siɛnciile bèle, peli tíimɛ pe je ga kàyuʔu cáan pìye nɛ̄.

Korɛntiyé 1 10:10

Ye fǎri nyu de kúnʔɔriʔ, kire kúnʔɔrilɔ lire pe pàli 'puu nɛ kúnʔɔri, á kùu tundunwɔ wi 'pe cúʔɔ bèle.

Korɛntiyé 1 3:5

Apolɔsi wire cé kɛ́nì puu ŋáasiɛn ? Pɔli wire cé puu ŋáasiɛn ? Piyē baakuɔlɔ wī, nɛ̀ pínɛ pe mìɛni nigbe nigbe pe 'pe baara kúɔ dè nɛ̀ yɛli nɛ́ dìi Kàfɔli wi 'kɛn pe mɛ́ dè, á yeli sí tɛ́ngɛ Zezi nɛ̄ wè peli nyúmɔ nī.

Zudi 1:16

Kire siɛnnɛ bálì bèle, piyē nɛ kúnʔɔri súuri peli tíimɛ wuʔu nɛ̄ gè. Piyē nɛ tári pe nyɛ́ni koliyo nī yè nyàa yi 'pe dɛ́ni yè. Piyē nɛ pìye nyíɛnɛ pe juugɛnmɛ nī bè, níɛ siɛnnɛ fáanni bèle bè tɔ̀ni taa.