Tɔ́rilɔ 15:4 - Sénoufo Nyarafolo

^4-5 «A siɛn wi 'pɛn nɛ́ sìnbapɛnnɛ ní, lire náà nī kakuɔrɔ kaasuʔuro woli lè kire ga laa kakuɔrɔ táà tiiyɛ woli lè, bà wi bé yaliire yakɛnrɛ fàri dè dàa ti bé puu míifuɔnibɔ juubaanyɛni tílaga gè gàa pe 'nyaʔami nɛ́ sùnmɔ yakuunyɛni nigbe ní lè, bé sí kakuɔrɔ diviɛn yakuunyɛni nigbe fàri lè ti nɛ̄. Wi bé ki kpíʔile bɛ̀ sìnbapɛngɛlɛ ke mìɛni nigbe nigbe nɛ̄ gèle.

Tɔ́rilɔ 15:4 Iomraidhean Croise

Yirile 29:40

Nɛ́ taʔa ki nɛ̄, muɔ bé míifuɔnibɔ juubaanyɛni tílaga nigbe nyaʔami gè nɛ́ wolivi sùnjiilimɛ yakuunyɛni nigbe ní lè. Tire muɔ bé líɛ bè fàri sìnbapɛnnɛ pélile ni kaara nɛ̄ dè, bé ní diviɛn kíri wè yakuunyɛni nigbe bè wo ti nɛ̄.

Leviiyé 1:13

Bà wi bé yajuʔu ki laafungbuʔɔ nɛ́ ki laara nɛ́ ki tɔliyɔ jíge yè nɛ́ luʔɔ ní. Kire kàduʔumɛ, kacuɔnriwɔ wi bé ti mìɛni tɛ́ngɛ Yewe yiʔɛ mɛ́ bé ti sórigo gbùʔɔrɔdiʔɛ nɛ̄ gè. Kakuɔrɔ kaasuʔuro dī dáà kàsun ki sórigi dè, dàa nùdaanna ni nyɛ́ni Yewe fungo nyígi gè.

Leviiyé 14:10

«Cɛnyɛ kataanriwuʔu nɛ̄ gè, wi bé sìnbapɛngɛlɛ siin cò, kpɔlidiɛlɛfun wuʔulo, nɛ́ sìnbapori nigbe ní, kpɔlidiɛlɛfun wuu ŋàa wi 'liɛ nɛ̀ yiɛlɛ nigbe taa lè, nɛ́ míifuɔnibɔ gbɔngbonyiʔɛ tílaya kiɛ ki tiɛyɛ taanriwuʔu bàa pi 'nyaʔami nɛ́ sùnmɔ ní, yaliire yakɛnrɛ wori dè, nɛ́ sùnmɔ yakuunyɛni tílaga nigbe ní gè.

Leviiyé 2:1

«A siɛn wáà kɛ́nì pɛn nɛ́ yaliire yakɔnrɔ ní bè pa kɛn Yewe mɛ́ wè, wi kpuʔɔrɔ ti 'yɛli bè puu míifuɔnibɔ. Wi bé sùnmɔ wo pi nɛ̄ bé wusuna cìiliwe taʔa pi nɛ̄.

Leviiyé 2:15

Muɔ bé sùnmɔ wo ti nɛ̄ bé sí wusuna cìiliwe taʔa ti nɛ̄. Kire yē yaliire yakɛnrɛ.

Leviiyé 23:13

Yeli bé yaliire yakɛnrɛ fàri dè ti nɛ̄; ti bé puu juubaanyɛni nigbe míifuɔnibɔ báà pe 'nyaʔami nɛ́ sùnmɔ ní bè, yakɔnrɔ dáà kàsun ki sórigi dè, dàa nùdaanna ni mi Yewe fungo nyígi gè. Yeli bé ní kakuɔrɔ diviɛn kíri wè, yakuunyɛni nigbe nī lè, bè fàri ti nɛ̄.

Leviiyé 3:7

A ki 'nyaa sìnbapile wi 'kɛn kpuʔɔrɔ dè, wi bé pɛn nɛ́ ni ní Yewe yiʔɛ mɛ́ gè.

Leviiyé 6:14

Ti bé fúɔ yakpɔbigɔ nɛ̄ nɛ́ sùnmɔ ní bè, dí muɔ ti nyaʔami cɛ̀ngɛ. Muɔ bé ti peguɔrɔ cùnʔɔ dè, bé nɛ́ pɛn nɛ́ ti ní Yewe mɛ́ wè; yakɔnrɔ dī, dàa nùdaanna ni Yewe fungo nyígi gè.

Tɔ́rilɔ 28:12

Ti mìɛni yaliire yakɛnrɛ ti bé puu míifuɔnibɔ báà pe 'nyaʔami nɛ́ sùnmɔ ní bè. Nɛ̀piɛyɛlilɛ ó nɛ̀piɛyɛlilɛ nɛ̄ lè, ti bé puu juubaanyɛni nigbe. Sìnbapɔli ó sìnbapɔli nɛ̄ wè, ti bé puu míifuɔnibɔ juubaanyɛni nigbe.

Tɔ́rilɔ 28:4

Yeli bé sìnbapɛnnɛ láà nigbe kpúu sínbinimɛ táanni bè, bé sí nìi nigbe kpúu lè cɛnguɔwuɔmɔ nī bè.

Tɔ́rilɔ 29:6

Dàa tire ti mìɛni bé fàri yevɔnyɔ ó yevɔnyɔ kakuɔrɔ kaasuʔuro nɛ̄ dè nɛ́ ti yaliire yakɛnrɛ ní dè, nɛ́ míɛni cɛngɛ ó cɛngɛ kakuɔrɔ kaasuʔuro dáà tiǐ gbɛ̀ yaʔa dèʔ, nɛ́ ti yaliire yakɛnrɛ, nɛ́ ti kakuɔrɔ diviɛn ní wè nɛ̀ yɛli nɛ́ ti tìɛgɛnmɛ ní bè, dàa nùdaanna ni nyɛ́ni Yewe fungo nyígi gè. Dàa tire dī kakuɔrɔ yakɔnrɔ dè dáà kàsun ki 'sórigo dè.»

Tɔ́rilɔ 7:13

Wire kpuʔɔrɔ tire ti 'puu dàa dè: walifiiwe tasaa nigbe, ŋàa wi lúbugogɛnnɛ ni 'puu culo nigbe nɛ́ tílaga, nɛ́ walifiiwe tasaaduru nigbe, ŋàa wi lúbugogɛnnɛ ni 'puu giraminɛ sirasicɛri (800), nɛ̀ yɛli nɛ́ Yewe saawalidɛngɛgɛ ki culolo tɔ́rigɛnmɛ ní bè. Tasaala bálì pe mìɛni siin cé puu nyìminɛ nɛ́ míifuɔnibɔ ní bàa pe 'nyaʔami nɛ́ sùnmɔ ní bè, yaliire yakɛnrɛ wori dè.

Wurɔmiyé 15:16

bà wi 'mi kpíʔile Zezi Kirisi wi baakuɔwɔ wè kùlogolo kálì wuulo sunʔɔmɔ nī bè wè. Mi yē Kataanna Siɛnrɛ ti baakuɔwɔ nɛ̀ kò majo mi yē nɛ kakuɔrɔ kúu kùlogolo kálì siɛnnɛ kɛnmɛ nɛ̄ bè, bè pe wàli bè tɛ́ngɛ Kulocɛliɛ mɛ́ wè Kulocɛliɛ Pìle lire fànʔa nɛ̄ gè.

Eburulo 13:16

Ye fǎga fìʔɛ bèri kacɛ̀ngɛ kpínʔiniʔ, bé míɛni de ki liile gàa yeli nɛ taʔa gè. Nɛ́ ki cɛ́n kire kakuɔrɔ yakɔnrɔ dè, ti nyɛ́nì Kulocɛliɛ dɛ́ni.