A Yewe 'ti nùdaanna suɔ lè a wi fungo ki 'nyígi, a wi 'ki kɔ̀rirɔ nɛ̀ ki yɛ̀gɛ wi fungo nī gè nɛ́ jo: «Mi sì ní ga tíi dàala cúʔɔ lè siɛn kɛnmɛ nɛ̄ʔ, nɛ́ ki cɛ́n siɛn wi funzɔngirɔ tiī sìpiire nɛ̀ líɛ wi pìimɛ lɛ̀lɛ nī lè. Mi sì ní ga tíi yawiire nɛ́ siɛnnɛ kpúu bèle kɛnmɛ báà nɛ̄ mi 'ki kpíʔile gèʔ.
Tɔ́rilɔ 15:3 - Sénoufo Nyarafolo3 a yeli nɛ caa bè kakuɔrɔ yajuuro kpúu dè tire dáà kàsun ki sórigi dè, a ki yē kakuɔrɔ kaasuʔuro dè kire ga laa kakuɔrɔ yajuuro dè bè nyakungɛngɛ fori gè Yewe mɛ́ wè, á kire bɛ̀ʔ kinɛdɛnigɛ yakɔngɔ gè, á kire bɛ̀ʔ Yewe kpàli lɛ̀gɛlɛ wori dè, kakuɔrɔ dáà nùgo ki Yewe fungo nyígi gè, a ki yē nùɔ yo kire ga laa sìnbuɔ yo nɛ́ síkpuɔ ní wè, dàa nùdaanna ni béri Yewe fungo nyígi gè, kɛnmɛ báà pire nɛ̄ yeli bé ki cò. Faic an caibideil |
Tɔ́rilɔ 15:3
27 Iomraidhean Croise
Muɔ bé sìnbapɛnnɛ siinwoli kpúu lè bè ni kɔ̀n kakuɔrɔ kaara cɛnguʔɔ táanni gè, bé ní ki kpíʔile cígini gàa muɔ 'kpíʔile sínbinimɛ táanni bè: bé ní míifuɔnibɔ nɛ́ wolivi sùnjiilimɛ yakɔngɔ kɔ̀n gè, bé ní kakuɔrɔ diviɛn wo wè ti nɛ̄. Tire yē kakuɔrɔ kaasuʔuro mi Yewe yiʔɛ mɛ́ gè, dàa nùdaanna ni 'mi Yewe fungo nyígi gè, dàa kàsun ki sórigi mi Yewe yiʔɛ mɛ́ gè.
«Ma ki juu Isirayɛli siɛnnɛ mɛ́ bèle ma kele gálì tìɛ gèle pe nɛ̄: «A siɛn wáà 'ki nyíɛnɛ nɛ̀ kɔ̀n bè nyakungɛngɛ kpíʔile Yewe mɛ́ wè, bè wìi kɛn kire ga laa bè wi saʔa wuu wáà kɛn Yewe mɛ́ wè, wi bé nyakungɛngɛ fori gè bè wali kɛn siɛn sìndiʔɛ nī gè bè tánʔa bè yɛli nɛ́ wali nyuɔ ní gè gàa 'ki tìɛ gè.
«Kire lɛ̀lɛ nī lè, tiʔɛ gíì Yewe yeli Kulocɛliɛ wi bága nyíɛnɛ bè kɔ̀n bè ki kpíʔile wire míʔɛ ki kòridiʔɛ gè, baa yeli béri waa nɛ́ yɛrɛ ní dè dàa wori mi 'juu nɛ̀ gbɛ̀ngɛ yeli mɛ́ dè: yeli kakuɔrɔ kaasuʔuro dè, nɛ́ yeli kakuɔrɔ yajuuro ní dè, nɛ́ yeli kiɛkiɛwuʔulo yakɔnrɔ ní dè, nɛ́ yɛrɛ dáà yeli 'kɔ̀n nɛ̀ kɛn Yewe mɛ́ wè kpuʔɔrɔ dè, nɛ́ yeli yakɔnrɔ dáà yeli 'nyíɛnɛ bè kɔ̀n bè kɛn Yewe mɛ́, dáà wori yeli yé nyuɔ kún nɛ̀ kɛn dè.
«Baa muɔ kàʔa nī gè gàa nī muɔ yē tɛ́niwɛ wè, muɔ sǐ gbɛ̀ jáa muɔ yaliifɔnrɔ yakɛnrɛ kiɛkiɛwuʔulo lìi gèleʔ, a ki yē ɛrɛzɛn luʔɔ gè nɛ́ wolivi sùnvɔnbɔ bè. Muɔ sǐ gbɛ̀ jáa míɛni bè yeli nìɛyɛ yi pìpelile káa bèle nɛ́ sìnbaala nɛ́ síkaala pe pìpelile ní bèleʔ. Nɛ́ míɛni yakɔnrɔ dáà wuʔu míɛni nɛ̄ muɔ cé nyuɔ kún nɛ̀ kɛn gè, nɛ́ muɔ kinɛdɛnigɛ yakɔnrɔ ní dè, nɛ́ kpuʔɔrɔ dáà muɔ 'kɔ̀n nɛ̀ kɛn Yewe mɛ́ wè, muɔ sǐ gbɛ̀ ti káaʔ.
Kire tiʔɛ kire nī yeli béri waa nɛ́ yeli kakuɔrɔ kaasuʔuro ní dè, nɛ́ yeli kakuɔrɔ yajuuro ní dè, nɛ́ yeli kiɛkiɛwuʔulo ní gèle gàli yeli nɛ láʔala nɛ kanʔa Yewe mɛ́ wè, nɛ́ yɛrɛ dáà muɔ 'kɔ̀n nɛ̀ kɛn Yewe mɛ́ wè kpuʔɔrɔ dè, nɛ́ yeli yakɔnrɔ dáà wori míɛni muɔ yé nyuɔ kún nɛ́ kɛn wè, nɛ́ yeli kinɛdɛnigɛ yakɔnrɔ ní dè, nɛ́ yeli nìɛyɛ yi pìpelile ní bèle, nɛ́ sìnbaala nɛ́ síkaala pe pìpelile ní bèle.
Sanasan