Tɔ́rilɔ 14:9 - Sénoufo Nyarafolo

⁹ «Gìi sí gī baa gè, kiì yɛli weli cíi Yewe nɛ̄ wèʔ. We fǎga de fìʔɛ́ kùlo náà ni siɛnnɛ nɛ̄ bèleʔ; pe cɛ́ni yē sipiɛlɛ wī weli mɛ́. Weli bé cɛ pe jáa wī. Pe kulocɛlɛlɛ nyúmɔ pi cɛ́nì láʔa pe nɛ̄; gàa sí ki weli kúɔ gè, Yewe yē nɛ́ weli ní. Ye fǎga tí weri fìʔɛ́ pe nɛ̄ʔ.»

Tɔ́rilɔ 14:9 Iomraidhean Croise

Sélimɛ 48:21

A Isirayɛli sí ki juu Yusufu mɛ́ wè nɛ́ jo: «Ki 'kò cɛ̀ri m'bé kùu wī. Kulocɛliɛ wi bé puu nɛ́ muɔ ní. Wi bé yeli koli bè yeli tórigo baa yeli tobilo kùlo mɛ́ lè.

Ŋúnuyɔ 106:24

A pe 'cíi, pìye jíinʔ kùtaanna nī lèʔ, piyè tɛ́ngɛ Yewe siɛnrɛ nɛ̄ dèʔ.

Ŋúnuyɔ 121:5

Yewe yē muɔ wélifɔli, Yewe yē muɔ nyúmɔ, wi yē muɔ kàliige kɔli mɛ́.

Ŋúnuyɔ 14:4

Siɛnnɛ bálì pe mìɛni pe kapiʔi kpínʔini gè, piyè yakaa cɛ́nʔ wī lé ? Nɛ́ ki cɛ́n piyē nɛ mi siɛnnɛ káa bèle majo bɛ̀ pe cî nɛ suro líi dè. Pe cɛ wè nɛ Yewe míʔɛ yeri gè púloʔ !

Ŋúnuyɔ 46:11

«Ye‑ yéri, ye ki cɛ́n mi yē Kulocɛliɛ. Mi yē kùlogolo ke mìɛni nyùgo nɛ̄. Mi yē duniya wi mìɛni nyùgo nɛ̄.»

Ŋúnuyɔ 46:7

Kùlogolo ke 'jɛnmɛ, a kùlofɔliyɔ yi 'tuu; Yewe yékpoli ni 'kpɛ̀ni a dàala ni 'nyɛgɛ.

Ŋúnuyɔ 46:8

Yewe ŋáà wī Nyìʔɛnɛ Kapiɛngbuɔnnɔ Kàfɔli wè, wiī nɛ́ weli ní; Yakuba Kulocɛliɛ wè, wiī weli líʔirejodiʔɛ. Ye‑ ŋɔ́ cɛ̀.

Ŋúnuyɔ 74:14

ʔaan, muɔ ma 'Leviyatan fíɛrɛ yɛgɛ ki nyùyɔ muʔɔrɔ yè, nɛ́ ki kaara kɛn dè waama kùlo yawiire mɛ́ dè.

Ŋúnuyɔ 91:1

Siɛn ŋáà wī tɛ́niwɛ Kulocɛliɛ láara wè, wire ŋáà wī Duniya wi Mìɛni Nyùgo nɛ̄ gè, wi béri kòri Ŋɔri Ti Mìɛni Kulocɛliɛ nyúmɔ nī bè.

Yirile 14:13

A Misa 'ki juu pe mɛ́ nɛ́ jo: «Ye fǎga de fìʔɛ́ʔ ! Ye- yéri ye nìre wáa, yeli bé ki nyaa gàa Yewe bé kpíʔile yeli mɛ́ pàngɛ gè bè yeli suɔ wè. Nɛ́ ki cɛ́n Ezipiti siɛnnɛ bálì yeli nɛ nyaʔa pàngɛ gè, yeli sǐ ní ga tíi pe nyaa cíginiʔ.

Yirile 33:16

Mɛni siɛnsɛnminɛ bílì pe bága ki cɛ́n mi nyɛ́nì kpuʔɔrɔ taa muɔ yiʔɛ mɛ́ gè, mi nɛ́ muɔ siɛnnɛ ní bèle ? A ki 'nyaa muɔ tíimɛ yē nɛ tári nɛ́ weli ní wè, kire ga buu ki- puu fìɛ mi nɛ́ muɔ siɛnnɛ ní bèle, siɛnsɛnminɛ pé sí ki cɛ́n muɔ wàlimɛ kpíʔile weli nɛ́ siɛnsɛnminɛ sunʔɔmɔ nī bè dàala nɛ̄ lè ?»

Tɔ́rilɔ 13:30

Bà siɛnnɛ pe 'séli nɛ kúnʔɔri Misa táanni wè, a Kalɛbi 'pe yɛ pe- pìiri, nɛ́ juu nɛ́ pe ní nɛ́ jo: «Yeri báan we- kɛ́ we sa kùlo líɛ lè ! Nɛ́ ki cɛ́n weli bé gbɛ̀ jáa bè ki kpíʔile !»

Tɔ́rilɔ 17:6

Ki kpìɛnduu gè, a Isirayɛli tògo siɛnnɛ pe mìɛni ń'nɛ̀ gbuʔulo nɛ̀ sɛ́ni kúnʔɔri Misa nɛ́ Arawɔn yiʔɛ mɛ́ gè, nɛ́ jo: «Yeli nyɛ́nì Yewe siɛnnɛ kpúu bèle !»

Tɔ́rilɔ 20:2

A ki pɛ́nì nyaa luʔɔ sì yé ń'nɛ̀ pɛ́nì taʔa Isirayɛli siɛnniʔɛmɛ mɛ́ bèʔ. A pe 'pìye kɔ́ri nɛ̀ sɛ́nì gbuʔulo Misa nɛ́ Arawɔn yiʔɛ mɛ́ gè.

Tɔ́rilɔ 24:8

Kulocɛliɛ wi 'pe yige Ezipiti kùlo nī lè; wi sí yē ŋɔri ní pe mɛ́ bɛ̀ nyàʔanuɔ nyɛgɛlɛ tíɛlɛ. Pe béri siɛnnɛ káa bèle, bàli bīɛlɛ pe leguulo bèle, béri pe kácere kabari dè, béri pe súbulo de fúrugi nɛ́ ŋaaya ní yè.

Matiye 1:23

N'gɛ, sinboriwo wi bága laala taa bè nàgabile sii, pe béri wi yeri Emanuwɛli . Kire kɔri wi 'jo: «Kulocɛliɛ yē nɛ́ we ní.»

Wurɔmiyé 8:31

Gíi we bé ní cɛ juu cígini ? A Kulocɛliɛ wiī weli wuu wè, ŋáasiɛn wi bé ní jáa weli nɛ̄ ?

Fànʔa Kajuʔulo 1:21

Ye- ki wéli, Yewe weli Kulocɛliɛ wi 'kùlo tɛ́ngɛ lè weli yiʔɛ mɛ́ gè. Ye- tánʔa nyaguruyo nɛ̄ yè, ye sa ni líɛ ni- puu yeli woli, majo bɛ̀ Yewe yeli tobilo Kulocɛliɛ wi yé ki juu yeli mɛ́ gè. Ye fǎri fìʔɛ́ʔ, ye fǎ ki yaʔa fíɛrɛ yeli còʔ.›

Fànʔa Kajuʔulo 1:26

«Nɛ̀ ki yaʔa a yeli 'cíi nɛ́ jo yeli sǐ tánʔa baaʔ, a yeli 'cíi péwu Yewe yeli Kulocɛliɛ kajuugbɛngɛlɛ nɛ̄ gèle.

Fànʔa Kajuʔulo 1:29

«A mi 'ki juu yeli mɛ́ nɛ́ jo: ‹Ye fǎga yeli céri kpúu dèʔ, ye fǎri fìʔɛ́ pe nɛ̄ʔ !

Fànʔa Kajuʔulo 31:6

«Ye- gbɛ̀nmɛ le, ye puu lèbaannafɔlilɔ ! Ye fǎri fìʔɛ́ bèri fún pe yiʔɛ mɛ́ gèʔ. Nɛ́ ki cɛ́n Yewe muɔ Kulocɛliɛ wiī nɛ tári nɛ́ muɔ ní; wiì je ka muɔ yaʔaʔ, wiì je kàduʔu wáa muɔ mɛ́ʔ.»

Fànʔa Kajuʔulo 31:8

Yewe wire tíimɛ wi béri tári muɔ yiʔɛ mɛ́ gè. Wiì je ka muɔ yaʔaʔ, wiì je kàduʔu wáa muɔ mɛ́ʔ. Fàri fìʔɛ́ yafiɛn nɛ̄ʔ, fǎga muɔ céri kpúu dèʔ.»

Fànʔa Kajuʔulo 32:42

Mi ŋaaya yi bé mi leguulo sìsiɛn gbuɔ gè bè tín, mi ŋɔsii wi bé pe céri káa dè kaara. M'bé siɛnnɛ sìsiɛn wo gè, bàli m'bé kpúu bèle, nɛ́ bàli m'bé cò bèle, nɛ́ mi leguulo pe kàfɔlilɔ ní bèle.› »

Fànʔa Kajuʔulo 7:18

«Fǎga de pe fìʔɛ́ ! Ma sɔ̀ngi ma taa nɛ́ gàa ní Yewe muɔ Kulocɛliɛ wi 'kpíʔile gè Farawɔn nɛ̄ wè nɛ́ Ezipiti kùlo ni mìɛni ní lè.

Fànʔa Kajuʔulo 7:21

«Kiì yɛli muɔ de fìʔɛ́ pe nɛ̄ʔ, nɛ́ ki cɛ́n Yewe muɔ Kulocɛliɛ wiī yeli sunʔɔmɔ nī, Kulocɛliɛ ŋáà wi 'kpúʔɔ wè, ŋàa nɛ̄ siɛn 'yɛli bèri fìʔɛ́ wè.

Fànʔa Kajuʔulo 9:7

«Ma sɔ̀ngi ma taa, fǎga fìʔɛʔ kɛnmɛ bíì nɛ̄ muɔ nyɛ́nì Yewe muɔ Kulocɛliɛ fungo yɛ̀gɛ gè kpuʔɔ waama kùlo nī lèʔ. Nɛ̀ ki líɛ cɛngɛ gíì muɔ 'yiri Ezipiti kùlo nī lè, fúɔ nɛ̀ pɛ́nì nɔ̀ náʔa gè, yeli yé Yewe cíi wè.

Filipiyé 1:27

Gìi ki 'pɔ́ri gè, yeri yeli sìi tári wè yeri yɛligi nɛ́ Kirisi Kataanna Siɛnrɛ ní dè, gìi ki bé tí a mi kɛ́nì kɛ́ bè sa nyaa yeli nɛ̄ bèle, á kire 'laa a mi nɛ́ cɛ wè baa yo, mi de yeli wori lúru dè, ki- nyaa yeli 'gbɛ̀nmɛ le nɛ̀ yeli sɔ̀ngirɔ pínɛ dè nɛ cáanri Kataanna Siɛnrɛ ti wuʔu nɛ̄ gè nɛ́ fungo ní gè nigbe, Kataanna Siɛnrɛ dáà nɛ̄ tɛ́ngɛlɛ ni yē lè.