Tɔ́rilɔ 14:6 - Sénoufo Nyarafolo

⁶ A Nuni jaa wè, Yesuwe wè, nɛ́ Yefunɛ jaa wè, Kalɛbi wè, peli bálì pe 'puu nɛ́ tundunminɔ ní bèle bàli Misa cé tun bèle a pe sɛ́nì kùlo saanri lè nɛ̀ wéli lè, a peli 'fali nɛ̀ pe burudo píle dè nɛ̀ cɛnminɛ,

Tɔ́rilɔ 14:6 Iomraidhean Croise

Sélimɛ 37:29

Bà Wurubɛni kɛ́nì pɛn kàtiʔɛ mɛ́ gè nɛ́ pɛ́nì ki nyaa Yusufu wi ní wè baa kàtiʔɛ nī gèʔ, a ki 'wi fungo wúɔ a wi 'wi buruyo cɛnminɛ yè,

Sélimɛ 37:34

A Yakuba wi 'wi buruyo píle yè nɛ̀ cɛnminɛ funbiɛnrɛ nɛ̄ dè, nɛ́ gbànvaʔaga líɛ nɛ̀ le wìi nɛ̄ nɛ̀ ki puɔ nɛ̀ cò sɛ̀nnɛ nī gèle, níɛ nyɛni nɛ sí nɛ wi jaa kùugo kpínʔini gè fúɔ nɛ̀ taa cɛnniʔɛyɛ.

Sélimɛ 44:13

A ki 'pe fungo wúɔ, a pe 'fali nɛ̀ pe burudo cɛnminɛ dè. A pe 'koli nɛ̀ pe tugoro puɔ dè sèfɛngɛlɛ nɛ̄ gèle, nɛ̀ koli nɛ̀ jíin kàʔa nī gè.

Tɔ́rilɔ 13:30

Bà siɛnnɛ pe 'séli nɛ kúnʔɔri Misa táanni wè, a Kalɛbi 'pe yɛ pe- pìiri, nɛ́ juu nɛ́ pe ní nɛ́ jo: «Yeri báan we- kɛ́ we sa kùlo líɛ lè ! Nɛ́ ki cɛ́n weli bé gbɛ̀ jáa bè ki kpíʔile !»

Tɔ́rilɔ 13:6

Kalɛbi, Yefunɛ jaa wè, wire ŋáà wi 'puu Zuda saʔa tùlugo nī gè;

Tɔ́rilɔ 13:8

Wosuwe, Nuni jaa wè, wire ŋáà wi 'puu Ɛfirayimi saʔa tùlugo nī gè;

Tɔ́rilɔ 14:24

«Nɛ̀ yiri Kalɛbi nigbe nī, mi baakuɔwɔ wè, wire ŋáà wi 'sɔ̀ngijɛnrɛ taa dè, nɛ́ taʔa mi nɛ̄ nɛ́ sínnɛ ní lè, wire wè, m'bé wi nyɔ́gɔ kùlo nī lè nàa wi yé saanri nɛ̀ wéli lè. Wi pìile pe bé kùlo taa lè kɔrigɔ.

Tɔ́rilɔ 14:30

Mi nyɛ́nì kɔli yɛ̀gɛ gè nɛ̀ kàli nɛ́ jo yeli sǐ ga tíi bé jíin kùlo náà nī lèʔ, nàa nyuɔ mi yé kún nɛ̀ kɛn yeli mɛ́ lè. Bàli yákuɔ pe bé jíin kùlo náà nī lè, peli bīɛlɛ: Yefunɛ jaa wè, Kalɛbi wè, nɛ́ Nuni jaa wè, Yesuwe wè.

Tɔ́rilɔ 14:38

Nuni jaa wè, Yesuwe wè, nɛ́ Yefunɛ jaa wè, Kalɛbi wè, peli yákuɔ pe yé kò sìi nɛ̄ siɛnnɛ bálì pe mìɛni nī bèle, bàli pe yé kɛ́ nɛ̀ sɛ́nì kùlo saanri lè nɛ̀ wéli lè.

Tɔ́rilɔ 14:5

A Misa nɛ́ Arawɔn 'fali nɛ̀ tuu nɛ̀ yiɛyɛ cúbulo yè dàala nɛ̄ lè, Isirayɛli tògo siɛnnɛ pe mìɛni yiʔɛ mɛ́ gè, bàli pe 'puu gbuʔulilo bèle.

Tɔ́rilɔ 14:7

nɛ́ fali nɛ̀ ki juu Isirayɛli tògo siɛnnɛ pe mìɛni mɛ́, nɛ́ jo: «Kùlo náà weli sɛ́nì saanri nɛ̀ wéli lè, kùlo náà ni tɔ̀ni yē cɛ̀nnɛ. Kùlo náà ni tɔ̀ni nɛ̀ sɔ́migɔ nɛ̀ nyuɔ, weli wuulo !

Matiye 26:65

A kacuɔnrilɔ kàfɔli kpuɔwɔ wi 'fali nɛ̀ wi bururo píle dè nɛ̀ cɛnminɛ wìi nɛ̄ sɛni, nɛ́ jo: «Wi 'Kulocɛliɛ tiʔɛlɛ wè wī, we màakuu ní wè ki nɛ̄ʔ bè siɛnrɛ táà lúʔu wàa nyuɔ nɛ̄ cíginiʔ. Ti n'dɛ, dàa wi 'cúʔɔ nɛ̀ juu dè, ye mìɛni nyɛ́nì ti lúʔu.

Mariki 14:63

Funyɛrigɛ nɛ̄ gè, a kacuɔnrilɔ kàfɔli kpuɔwɔ wi 'fali nɛ̀ wi bururo píle dè nɛ̀ cɛnminɛ wìi nɛ̄ sɛni, nɛ́ jo: «Nyùgo ní nɛ tíin ki nɛ̄ lé, we- ní de siɛnrɛ caa bè lúʔu wàa nyuɔ nɛ̄ ? Wàa sì ní siɛnrɛ juuʔ ti- tóri dàa nɛ̄ dèʔ.

Kakpiʔiligele 14:14

Bà Barinabasi nɛ́ Pɔli ní wè, Zezi tundunminɔ bèle, bà pe 'tire lúʔu dè, a pe 'pe bururo píle dè nɛ̀ cɛnminɛ, nɛ́ fɛ̀ nɛ̀ kɛ́ siɛnniʔɛmɛ kúrugu bè níɛ kòkuulo wáari nɛ́ jo: