Tɔ́rilɔ 14:5 - Sénoufo Nyarafolo

⁵ A Misa nɛ́ Arawɔn 'fali nɛ̀ tuu nɛ̀ yiɛyɛ cúbulo yè dàala nɛ̄ lè, Isirayɛli tògo siɛnnɛ pe mìɛni yiʔɛ mɛ́ gè, bàli pe 'puu gbuʔulilo bèle.

Tɔ́rilɔ 14:5 Iomraidhean Croise

Sélimɛ 17:3

A Birama 'fali nɛ̀ tuu nɛ̀ yiʔɛ cúbulo gè dàala nɛ̄ lè. A Kulocɛliɛ ń'nɛ̀ juu nɛ́ wi ní, nɛ́ jo:

Leviiyé 9:24

A kàsun káà 'yiri Yewe yiʔɛ mɛ́ gè nɛ̀ ti mìɛni sórigo dàa ti 'puu gbùʔɔrɔdiʔɛ yafanʔa nɛ̄ gè, kakuɔrɔ kaasuʔuro dè nɛ́ sùnmɔ tiɛyɛ ní yè. A siɛnnɛ pe mìɛni pe 'ki nyaa, a pe 'fali nɛ̀ fundaanra kòkuʔulo wáa nɛ́ tuu nɛ̀ yiɛyɛ cúbulo yè dàala nɛ̄ lè Yewe yiʔɛ mɛ́ gè.

Tɔ́rilɔ 14:6

A Nuni jaa wè, Yesuwe wè, nɛ́ Yefunɛ jaa wè, Kalɛbi wè, peli bálì pe 'puu nɛ́ tundunminɔ ní bèle bàli Misa cé tun bèle a pe sɛ́nì kùlo saanri lè nɛ̀ wéli lè, a peli 'fali nɛ̀ pe burudo píle dè nɛ̀ cɛnminɛ,

Tɔ́rilɔ 16:22

A Misa nɛ́ Arawɔn pe 'fali nɛ̀ tuu nɛ̀ yiɛyɛ cúbulo yè dàala nɛ̄ lè, nɛ́ náari nɛ́ jo: «ʔé, Kulocɛliɛ, muɔ ŋáà kiyɛ nī siɛnnɛ sìi wi yē wè, muɔ bé muɔ fungo yɛ̀gɛ gè lé Isirayɛli siɛnniʔɛmɛ tògo gáà ki mìɛni kúrugu gè lé, nɛ̀ sí ki yaʔa siɛn nigbe wī ŋàa wi 'kapiile kpíʔile lé ?»

Tɔ́rilɔ 16:4

Bà Misa 'kire siɛnrɛ lúʔu dè, a wi 'fali nɛ̀ tuu nɛ̀ yiʔɛ cúbulo gè dàala nɛ̄ lè.

Tɔ́rilɔ 17:10

«Ye- núgo tògo siɛnnɛ bálì táanni bèle, bà m'bé ní pe cúʔɔ bè núgo baa píra píra ŋáà nī wè !» A Misa nɛ́ Arawɔn 'fali nɛ̀ tuu nɛ̀ yiɛyɛ cúbulo yè dàala nɛ̄ lè.

Tɔ́rilɔ 20:6

A Misa nɛ́ Arawɔn 'yiri pe tògo sunʔɔmɔ nī bè nɛ̀ kɛ́ Kpàlidiʔɛ Kpátaʔa wìile mɛ́ lè. A pe sɛ́nì tuu nɛ̀ yiɛyɛ cúbulo yè dàala nɛ̄ lè. A Yewe cɛ̀nmɛ nɛ́ wi kpuɔmɔ pi 'fali nɛ̀ pìi tìɛ pe nɛ̄.

Matiye 26:39

A wi 'fali nɛ̀ sìʔɛrɛ cɛ̀ri nɛ̀ sɛ́nì tuu nɛ̀ yiʔɛ kíri gè dàala nɛ̄ lè, nɛ náari nɛ́ jo: «Tuufɔli, a ki yē ki bé gbɛ̀ kpíʔile gè, -wuʔɔgɔ gáà líili gè mi nɛ̄. Mi sí wè ki mɛ́ gìi mi nɛ caa gèʔ, fúɔ macɛn gìi muɔ nɛ caa gè.»

Tìɛlɛ 4:10

liɛlɛ togo nɛ́ sicɛri bálì pe nɛ̂ tìgi nɛ̀ yiɛyɛ cúbulo yè dàala nɛ̄ lè wi yiʔɛ mɛ́ gè nɛ wi gbùʔɔrɔ́, wire ŋáà wī sìi nɛ̄ lɛ̀gɛlɛ ke mìɛni nī súuri wè, níɛ̀ pe ndɔ̀nyɔ láʔala yè nɛ̀ cáan kùlofɔlilɔ kácunʔɔ ki yiʔɛ mɛ́ gè níɛ̀ nɛ ki nyu níɛ̀ jo:

Tìɛlɛ 5:14

A yawiiye sicɛri yi 'jo: «Ki- taa ki puu bɛ̀  !» A liɛlɛ pe 'tìgi nɛ̀ yiɛyɛ cúbulo yè nɛ̀ wi gbùʔɔrɔ.

Tìɛlɛ 7:11

A nyìʔɛnɛ tundunminɔ pe mìɛni 'yɛ̀ nɛ̀ yéri nɛ̀ kùlofɔlilɔ kácunʔɔ, nɛ́ liɛlɛ, nɛ́ yawiiye sicɛri màʔa yè, nɛ́ tuu nɛ̀ cúbulo kùlofɔlilɔ kácunʔɔ ki yiʔɛ mɛ́ gè nɛ Kulocɛliɛ gbùʔɔrɔ́ wè.