Tɔ́rilɔ 14:3 - Sénoufo Nyarafolo

³ Gáa kɛnmɛ nɛ̄ Yewe 'weli kɔ́ri nɛ̀ pɛn náʔa kùlo náà nī lè, kire ga buu pe- pa weli kpúu nɛ́ kapiɛngbuɔn ŋuʔɔnɔ ní gèle, bé sí weli cɛlilɛ nɛ́ weli pìile líɛ bèle bè taa kapiɛnnɛ tɔ̀ni ? Kiì pɔ́riʔ lé, weli 'koli bèri waa Ezipiti kùlo mɛ́ lè ?»

Tɔ́rilɔ 14:3 Iomraidhean Croise

Ŋúnuyɔ 78:40

Ki 'tɔliyɔ nyuɔ kúɔ a pe 'cíi wi nɛ̄ waama kùlo nī lè, ki 'tɔliyɔ nyuɔ kúɔ pe 'funbiɛnrɛ wáa wi nɛ̄ tiɛwaʔa nī gè  !

Yirile 16:3

A pe 'jo: «ʔá ! A ki yé Yewe yé cɛ́nì weli kpúu baa Ezipiti kùlo nī lè o, kire sì yé pɔ́ri lé ? Bà weli 'puu tɛ́ninɛ kire tiʔɛ nī gè kaara kàjuɔyɔ táanni yè o, kire tiʔɛ nī gè weli yé puu nɛ líi nɛ tíngi. Á yeli 'weli kɔ́ri nɛ̀ yige náʔa waama kùlo náà nī lè, bè siɛnniʔɛmɛ báà yaʔa bè pi pa kùu náʔa gè fungo nɛ̄ gè !»

Yirile 5:21

A pe 'ki juu pe mɛ́ nɛ́ jo: «Yewe wi- de yeli nyaʔa bè kàyuʔu juu gè yeli nɛ̄! Nɛ́ ki cɛ́n, yeli 'ki yaʔa weli láa 'kúɔ Farawɔn nī wè, nɛ́ wi siɛnnɛ ní bèle. Yeli 'tànʔa kɛn pe mɛ́ pe- weli kpúu.»

Tɔ́rilɔ 11:20

fúɔ yeli bé ti káa yege sìnbogo, fúɔ bè taa ti pari yigi yeli mɛ́ fínaʔana nī gèle, fúɔ ti béri laamɛ yɛ̀gí yeli nī. Kire gáà ki mìɛni bé kpíʔile bɛ̀ yeli 'Yewe cíi wè, wire ŋáà wī yeli sunʔɔmɔ nī bè, nɛ́ ki cɛ́n yeli nyɛ́nì nàʔa taa nɛ́ jo: ‹Gáa nɛ̄ weli kɛ́nì yiri Ezipiti kùlo nī lè ?› »

Tɔ́rilɔ 16:13

Muɔ nɛ sɔ̀ngí lé kaciɛlɛ nī, bà muɔ 'weli yige baa kùlo náà nī lè tiʔɛ gíì nī nɛ̀yirimɛ nɛ́ sárigɛ kiī nɛ fúu gè, bè pa weli kpúu náʔa waama kùlo náà nī lè ? Muɔ nɛ caa lé bè mìɛ kpíʔile kùlofɔli jaa wī náʔa gè, bè puu weli nyùgo nɛ̄ gè ?

Tɔ́rilɔ 20:3

A pe 'yɛ̀ nɛ̀ kúnʔɔri Misa nɛ̄ wè, nɛ́ jo: «A ki yé cɛ́nì nyaa a weli 'kùu nɛ́ weli wuulo ní bèle o, lɛ̀lɛ líì nī Yewe 'weli kpúɔn nɛ́ wuʔɔgbuʔɔ ní gè, kire sǐ cî pɔ́ri lé !

Tɔ́rilɔ 21:5

A pe ń'nɛ̀ koli nɛ̀ Kulocɛliɛ nɛ́ Misa sànʔa wè cígini, a pe 'jo: «Gáa nɛ̄ yeli 'weli yige Ezipiti kùlo nī lè ? Kire ga buu weli ní ba kùu náʔa gè waama kùlo nī lé ? Nɛ́ ki cɛ́n yaliire wè náʔa gèʔ, luʔɔ míɛni wè bile we- gbuɔʔ ! Weli tɔ̀ni nɛ̀ kɛ́nì fùrɔ mana yakaara dáà nɛ̄ dè, dàa ti wè yafiɛn dèʔ  !»

Kakpiʔiligele 7:39

Kire nɛ́ ki mìɛni ní, weli tuuliɛyɛ yiì cé lúʔu wi mɛ́ʔ. A pe cɛ́nì wi cíi nɛ́ koli nɛ̀ pe sɔ̀ngirɔ taʔa dè Ezipiti kùlo tiʔɛ kire nɛ̄.

Fànʔa Kajuʔulo 1:39

Yeli pìile bèle, bàli wuʔu yeli 'juu nɛ́ jo pe bága pe cò bèle, dí yeli jaala bálì piyè fìɛ kapiile nɛ́ kacɛ̀ngɛ cɛ́n gèʔ, peli pe bé jíin kùlo nī lè. Peli mɛ́ m'bé kùlo náà kɛn lè. Peli pe bé ni taa peli woli.