Tɔ́rilɔ 14:2 - Sénoufo Nyarafolo

² A Isirayɛli tògo siɛnnɛ pe mìɛni Misa nɛ́ Arawɔn sànʔa wè, nɛ́ jo: «A weli yé cɛ́nì kùu baa Ezipiti kùlo nī lè, kire ga laa waama kùlo nī lè o !

Tɔ́rilɔ 14:2 Iomraidhean Croise

Ŋúnuyɔ 106:24

A pe 'cíi, pìye jíinʔ kùtaanna nī lèʔ, piyè tɛ́ngɛ Yewe siɛnrɛ nɛ̄ dèʔ.

Ŋúnuyɔ 106:25

A pe 'kò nɛ kúnʔɔri pe fɛ̀ni saaya nī yè, piyè lúʔu Yewe nyasiɛnrɛ mɛ́ dèʔ.

Ŋúnuyɔ 106:45

A wi 'sɔ̀ngi nɛ̀ taa nɛ́ wi nyakungɛngɛ ní gè gàa wi 'kpíʔile nɛ́ pe ní gè, a wi 'ki yaʔa pe nɛ̄, wiì pe wuʔɔʔ, nɛ́ ki cɛ́n wi bànguɔ dɛ́nigɛ kiī kpuʔɔ pe kɔli mɛ́ gè.

Yirile 14:11

A pe 'Misa yɛ wè: «Muɔ 'jo lé, nyɛyɛ sì puu baa Ezipiti kùlo nī lè léʔ, á muɔ 'weli kɔ́ri weli pa kùu náʔa dàrimiʔɛ gáà nī gè ? Gáa nɛ̄ muɔ 'ki kpíʔile weli nɛ̄ mmɛ gè, nɛ́ weli yige Ezipiti kùlo nī lè ?

Yirile 15:24

A siɛnnɛ pe 'yɛ̀ nɛ nyu nɛ kúnʔɔri Misa nɛ̄ nɛ́ jo: «Gáa weli bé gbuɔ  ?»

Yirile 17:3

Luʔɔwuʔɔ ki yé tɔ̀ni nɛ̀ puu siɛnnɛ nɛ̄ bèle, a pe 'yɛ̀ nɛ nyu nɛ kúnʔɔri Misa nɛ̄ nɛ́ jo: «Gáa gī mmɛ gè, gàa muɔ 'kpíʔile weli nɛ̄ mmɛ gè, nɛ́ weli yige Ezipiti kùlo nī lè bè pa weli kpúu náʔa gè luʔɔwuʔɔ nɛ̄ gè, weli nɛ́ weli pìile ní bèle nɛ́ weli yajuuro ní dè ?»

Tɔ́rilɔ 11:1

A siɛnnɛ pe 'yɛ̀ nɛ kúnʔɔri Yewe nɛ̄ wè, pe wuʔɔgɔ wuʔu nɛ̄ gè. Bà Yewe 'ti lúʔu dè, a wi fungo ki 'yɛ̀ kpuʔɔ pe kúrugu, a Yewe kàsun ki 'cò pe sunʔɔmɔ nī bè. A kire kàsun ki 'bùguro tiɛyɛ yáà sórigo.

Tɔ́rilɔ 11:15

A ki yē mi 'kpuʔɔrɔ taa muɔ yiʔɛ mɛ́ gè, náʔanɛ muɔ de mi wuʔɔ mmɛ gè, ma mi kpúu sɛni. Bà miǐ ní ń'de mi wuʔɔgɔ nyaʔa gè cíginiʔ !»

Tɔ́rilɔ 11:5

ʔé, weli sipiʔɛlɛ gèle, Ezipiti kùlo nī lè, weli nɛ sɔ̀ngí nɛ taʔa nɛ́ ke ní: fúɔlɔ pe 'puu waʔanɛ, nɛ́ míɛni kɔnkɔnmirɔ dè, wɔ̀ligɔ gè, nɛ́ jɛbɛ wɛrɛ ní dè, nɛ́ jɛbɛ ní wè, nɛ́ layi ní wè.

Tɔ́rilɔ 14:1

A Isirayɛli tògo siɛnnɛ pe 'pínɛ nɛ̀ yékpuʔulo wáa gèle, a siɛnnɛ pe 'nyɛni kire pìlige nī gè.

Tɔ́rilɔ 14:22

bàli pe mìɛni pe yé mi kpuɔmɔ nyaa bè nɛ́ fìɛlɛ bílì mi 'kpíʔile bèle Ezipiti kùlo nī lè nɛ́ waama kùlo nī lè, a pe 'mi puu nɛ̀ wéli fúɔ nɛ̀ taa tɔliyɔ kiɛ yè nɛ́ cíi piyè mi siɛnrɛ lúʔu dèʔ,

Tɔ́rilɔ 16:13

Muɔ nɛ sɔ̀ngí lé kaciɛlɛ nī, bà muɔ 'weli yige baa kùlo náà nī lè tiʔɛ gíì nī nɛ̀yirimɛ nɛ́ sárigɛ kiī nɛ fúu gè, bè pa weli kpúu náʔa waama kùlo náà nī lè ? Muɔ nɛ caa lé bè mìɛ kpíʔile kùlofɔli jaa wī náʔa gè, bè puu weli nyùgo nɛ̄ gè ?

Tɔ́rilɔ 17:6

Ki kpìɛnduu gè, a Isirayɛli tògo siɛnnɛ pe mìɛni ń'nɛ̀ gbuʔulo nɛ̀ sɛ́ni kúnʔɔri Misa nɛ́ Arawɔn yiʔɛ mɛ́ gè, nɛ́ jo: «Yeli nyɛ́nì Yewe siɛnnɛ kpúu bèle !»

Tɔ́rilɔ 20:2

A ki pɛ́nì nyaa luʔɔ sì yé ń'nɛ̀ pɛ́nì taʔa Isirayɛli siɛnniʔɛmɛ mɛ́ bèʔ. A pe 'pìye kɔ́ri nɛ̀ sɛ́nì gbuʔulo Misa nɛ́ Arawɔn yiʔɛ mɛ́ gè.

Tɔ́rilɔ 20:3

A pe 'yɛ̀ nɛ̀ kúnʔɔri Misa nɛ̄ wè, nɛ́ jo: «A ki yé cɛ́nì nyaa a weli 'kùu nɛ́ weli wuulo ní bèle o, lɛ̀lɛ líì nī Yewe 'weli kpúɔn nɛ́ wuʔɔgbuʔɔ ní gè, kire sǐ cî pɔ́ri lé !

Tɔ́rilɔ 20:4

Gáa nɛ̄ muɔ 'weli kɔ́ri nɛ̀ pɛn náʔa gè waama kùlo náà nī lè, weli bálì bīɛlɛ Yewe siɛnnɛ bèle ? Muɔ 'kire kpíʔile lé, kire ga buu weli ba kùu náʔa gè, weli nɛ́ weli yajuuro ní dè ?

Tɔ́rilɔ 21:5

A pe ń'nɛ̀ koli nɛ̀ Kulocɛliɛ nɛ́ Misa sànʔa wè cígini, a pe 'jo: «Gáa nɛ̄ yeli 'weli yige Ezipiti kùlo nī lè ? Kire ga buu weli ní ba kùu náʔa gè waama kùlo nī lé ? Nɛ́ ki cɛ́n yaliire wè náʔa gèʔ, luʔɔ míɛni wè bile we- gbuɔʔ ! Weli tɔ̀ni nɛ̀ kɛ́nì fùrɔ mana yakaara dáà nɛ̄ dè, dàa ti wè yafiɛn dèʔ  !»

Korɛntiyé 1 10:10

Ye fǎri nyu de kúnʔɔriʔ, kire kúnʔɔrilɔ lire pe pàli 'puu nɛ kúnʔɔri, á kùu tundunwɔ wi 'pe cúʔɔ bèle.

Fànʔa Kajuʔulo 1:27

A yeli 'wi sànʔa yeli fɛ̀ni saaya nī yè nɛ́ jo: ‹Weli 'Yewe biɛn wè, kire nɛ̄ wi 'weli yige Ezipiti kùlo nī lè, bè ba weli kɛn Amɔriyé mɛ́ bèle pe- weli kpúu !

Fànʔa Kajuʔulo 9:23

Nɛ́ baa Kadɛsi Barinɛya tiʔɛ nī gè, a Yewe 'yeli tun nɛ́ jo: ‹Ye- kɛ́ ye sa kùlo líɛ lè nàa mi 'kɛn yeli mɛ́ lè.› Nɛ̀ ki yaʔa a yeli 'cíi Yewe yeli Kulocɛliɛ siɛnjuuro nɛ̄ dè, dàa wi 'juu nɛ̀ gbɛ̀ngɛ dè. Yeli sì tɛ́ngɛ Yewe nɛ̄ wè nɛ̀ lúʔu wi mɛ́ʔ.

Eburulo 3:16

Kire 'jo, báli sí bīɛlɛ bàli pe cé wi nyasiɛnrɛ lúʔu dè nɛ̀ ki yaʔa pe 'cíi Kulocɛliɛ nɛ̄ wè ? Peli bɛ̀ʔ lé bàli Misa yé pe yiʔɛ kíni gè kire ga buu pe- yiri Ezipiti kùlo nī lè lé ?

Zudi 1:16

Kire siɛnnɛ bálì bèle, piyē nɛ kúnʔɔri súuri peli tíimɛ wuʔu nɛ̄ gè. Piyē nɛ tári pe nyɛ́ni koliyo nī yè nyàa yi 'pe dɛ́ni yè. Piyē nɛ pìye nyíɛnɛ pe juugɛnmɛ nī bè, níɛ siɛnnɛ fáanni bèle bè tɔ̀ni taa.